27
1
YUNTZILE Tu t’ana Moices caa tu yaati:
2
”T’an u cajil Israel aati letioo: Wa yan max cu meet un p’el voto ti YUNTZILE, cu yil le baaloo quin in wala.
3
U coojil u yilal u botal un tul xib caa lajun tac seis lajun jaaboo ti kabét u botaal cinco lajun plata, jeebix u takini le quiliich cuchilo.
4
Tial un tul coolel laili bucaa u jaabilo u tojole kabét u bootaal oxlajunu p’ele plata.
5
Wa joop’el jaab tie tac caa lajun jaabe u tojol tial un tul xib kabét caa lajun u p’elel plata, yetel tial un tul coolele un p’el lajun plata.
6
Wa un p’el uhu u uchbenile tac joop’el jaab tie , u tojol maaloo tial un tul xiibe kabét joop’el u p’elel plata, tial un tul chan ch’uupale oxp’el u p’elel plata.
7
Wa manal seis lajun tie tial un tul xib u tojole kabét wa lajun yetel u laak chumuc u p’elel plata, tial un tul coolel lajun u p’ele plata.
8
Baale wa le mac cu meetic voto maun beytal u bootic le bucaajo, beytuno le mac cu kubcubaa kabét u tasaal ti yunkin, le yunkino leti cun aalic buucaa le mac meetic le votoa juubeytal u bootique.
9
Wa yan max u kat u ya-sibalte un tul baalche ti YUNTZIL, wa xan YUNTZIL cu kamic, beytuno le baalcheo kabét u dzabal un payil ti YUNTZIL.
10
Le maaca ma kabét u kexic le baalcheo wa un tul udz yo-lal un tul kas wa un tul kas yetel un tul udz. Wa leti cu kex le baalcheo yetel u jeele,beytuno tu caatuliloo lelo yetel u jel balcheo yo-lal leti cu kexlo, cu sutoo quiliichiloo.
11
Beytuno, wa le dzuu jalach t’anic un tul mac u dzic ti YUNTZIL jach kas u yilal, tial muu kamic YUNTZIL, beytuno le maaca kabét u tasic ti yunkin le baalcheo.
12
Le yunkino cu yilic bajux u tojol le baalcheo tee tux cu coonolo. Jeen bajux cu yaal u tojol le baalcheo, leti u tojol.
13
Wa le yunkin u kat u caa mano, beytuno cinco por ciento u tojol cun t’iipbil ti u tojol le caa mano.
14
Wa un tul mac cu dzaa un payil u yotoch bey un p’el quiliich siibal ti YUNTZILE, beytuno le yunkino cu yaic bajux u tojol maalo wa kas. Jeen bucaa u tojol cuu dzae le yunkino, bey cun p’aataloo.
15
Baale wa le yuumil tu paycunsa u yotocho u kat u caa mano letie kabét u tip’ic cinco por ciento mas yokol u tojol le caa mano, cu caa tialtic.
16
Wa un tul maac cu jatzic un p’iit u luum beytuno u tojole leti u bucajil u yaabil le semilla cun kabét-tal tial u paakal, 370. Lts. Cebadae u tojole cincuenta u p’elel plata.
17
Wa leti cu jadz u kax tu jaabil jubileoe, u tojole bey cun p’aatalo.
18
Baale wacu jatzic chen p’el u dzoocol le u jaabil jubileoe, beytuno le yunkino kabét yilic bajux u tojol yo-lal jaip’el u jaabiloo u bin u kuchul u jel jubileo, u tojol le kaxo juu beytal u yeensaale.
19
Wa le mac un paycunsic le kaaxo u kat u caa mane, letitune , kabét u tip’it cinco por ciento ti u tojol, cu caa tialtic.
20
Wa leti muun caa manque le kaxo, wa xan leti dzuu ca conic ti u lak maaque maun beytal u caa maana.
21
Tu cuchile , le kax chen chaabque tu jaabil jubileoe, un p’el quiliichsiibal ti YUNTZIL, jeen bix le kaxoo dzuu jach dzaabal ti YUNTZIL. U tial yunkin.
22
Wa un tul mac cu dzic un payil un p’el kaxe leti dzuu manque, baale le luumo ma u tial cach u laakoobi.
23
Beytuno yunkine cu yilic bajux u tojol le luumo caliquil u kuchul jubileo, le maaco kabét u bootic u tojol ti le kin jeelo bey un p’el quiliich siibal tial YUNTZIL.
24
Ti u jaabil quimac olale, le kaxo cu caa sut tile mac mano, u yuumil le luumo.
25
Tu lacal u bucaajil u tojole kabét u dzaabal jeenbix u tojol u platail le quiliich cuchilo lela quet yetel caa lajun u tenel u p’iisil 57gms.
26
Mix mac juubeytal u dzic un payil u yax aaloo le baalcheoobo, men le yax aloo u tial YUNTZIL; wa wacax , wa taman, u tial YUNTZIL.
27
Wa un tul baalche kaase, beytuno u yumile juubeytal u caa manique cu sutic u tojol leti, un p’el quinta parte cun tiip’il ti u tojol. Wa le baalche ma caa mano, beytuno cu coono le bucaa u tojolo.
28
Baale mix baa wa un tul mac kubic ti YUNTZIL, ti tu lacal le yantio, wa mac wa baalche, wa u luum u laakoo, juubeytal u conole wa u caa maanle. Tu lacal le kubaano jach quiliich u tial YUNTZIL.
29
Mix un p’el caaman wa dzuu botal men le mac kubaano tial xixcunah. L e maaca kabét u quinsal.
30
Tu lacal u diezmoil le luumo, wa de nek ch’ijil tee luuma wa u yich le cheoobo, u tial YUNTZIL. Quiliich ti YUNTZIL.
31
Wa un tul maac caa manic un p’iit u diezmoo, letie kabét u tip’ic un p’el quinto ti u tojol.
32
Ti jujun lajun ti yaab wa un much’taman jeen baaxac le cu canantic un tul canan taman, un tul ti jujun lajun kabét u dzabal un payil tial YUNTZIL.
33
Le canan tamano ma kabét u caxtic u jadz utzil wa u jach kaasil le baalcheoobo, letixane ma kabét u kexic yetel u jel. Wa leti cuu laa kexe, beyo tu caatulilo, lelo wa lela le uchic u keexelo, cu quiliichtal. Beyo maun beytal u caa maana.”
34
Lelooba letioo le tuchit’anoo le tu dzaa YUNTZIL tu dzaa tu wiitzil Sinai ti Moices tial u maaquiloo Israel.