24
1
YUNTZILE tu t’ana Moices , caa tu yaati:
2
”Tuchiti u cajil Israel cu taas aceite de olivo mix baal yan ichil pechen p’uch tan tial dzabil tee lamparaso, u sacile ma u tuupul mantadz.
3
Pachil ti le simbil noko tu tan u tzolt’aanil le nuupt’aano tee tu najil much’talo, Aaron kabét manadz, tial u chinil kin tac jadzcakin, cu yil muu tuupul le lamparao tu tan YUNTZIL. Lelo un p’el tuchit’an mantadz ichil u ch’iilencab le cajo.
4
Le canal YUNKINO Kabét u p’atic mantadz t’abaan le lamparas tu tan YUNTZIL le lamparaso tee candelero de oro yac .
5
Teexe ca ch’iquex harina mamayquil caa dziquex ti chuucab doce u p’elel nucuch waa yetel leti. Kabét u yantal oxp’el ti canxeet wa tulis harina ti jujump’elil.
6
Cu dzoocole teexe kabét a tzol taleex ca ca tulil, seis ti jujuntzolil, tee mesa de oro tun tan YUNTZIL.
7
Teexe kabét a dziquex maalo incienso tu chouquil le tzololil caa tu yaati: waa bey un sibil eesic tu lacale. Le inciensoa kabét u toocal ti YUNTZIL.
8
Jujump’el u kinil le jeelelo le canal yunkino kabét jeebix suquile u tzolic le waa actan ti YUNTZIL tial antic u cajil Israel, bey u chiculal un p’el nuupt’an tial mix bikine.
9
Le siibala u tial Aaron yetel u palal, letioobe yan u jantcoo ti un p’el cuchil quiliich, lela leti le un p’it le siibal utial YUNTZIL cu metal yetel kak.
10
Uuch beooraa u pal un tul coolel israelitae, u tatae Egipcioil, bin ichil u cajil Israel. Leupal le coolel israelitaa, baate-nah yetel un tul mac israelitail tee campamento
11
Upal le coolel israelita-a tu poch’aa u kaba YUNTZIL yetel tu yaala bal ti DIOS, beytuno, le maacoobo tu taasoo tu tan Moices. Ukaba u nae Selomit, u pal Dibri u tal tu ch’iibal Dan.
12
Letioobe tu ch’ao u canantoo caliquil YUNTZIL u yaalic bax u kat tioo.
13
Beytuno, YUNTZILE tu t’ana Moices caa tu yaati:
14
“Ch’a le mac aalbaal ti DIOSO pachil le campamento. Tu lacal le uuyoobo kabét u dzicoo u kaboo yokol u pol, beytuno tu lacal le much’talo kabét u muruchtunichtic
15
Teexe kabét a tzolqueex ti u caji Israel ca waaquex tioo: Jeen maxac cu yaabaa ti u DIOS kabét u cuchic u siipilil.
16
Le max poch’ic u kaba YUNTZIL maun jeechic yan u quinsaal. Tu lacal le much’maacoobo kabét u jajil u muruchtunichtic, quex wa tanxeel-luumi wa un tul mac sijil Israel. Jeen maaxac cu poch’ u kaba YUNTZIL, kabét u quinsal.
17
Wa yan mac quinsic u laak winique, letixane kabét u quinsaal.
18
Wa yan mac quinsic u yaalak wa maaxe, letie kabet u bootic cuxtal yetel u jej cuxtal.
19
Wa yan mac meetic loo ti le nadz cajaan ioo, kabét u metal ti jeebix tu meta ti le nadz cajaan tio.
20
Cachbil jeebix tu cachilo, ich yo-lal u jel ich, coj yo-lal u jel coj. Jeebix leti dzuu loobitic un tul maaque, kabét xan u metal ti leti.
21
Jeen maaxac cuu quins un tul baalche kabét u bootic, yetel jeen maaxac cu quins un tul maaque kabét u quinsaal.
22
Kabét u yantal le laili ley tial tu caatulil le tanxeel maaquilo yetel le siijil u cajil Israelo, men ten YUNTZIL a DIOS”.
23
Beytuno Moices tu t’ana u cajil Israel, u cajil Israel tu tasa le mac pachilti le campamentoo, le max aala baal ti YUNTZILO. Muruchtunichtaabi. Le u cajil Israel tu meeta le u tuchit’an YUNTZIL ti Moices.