19
1
YUNTZILE tu t’ana Moices tun yaacti:
2
”’T’an tu lacal u much’maaquilo ti u cajil Israel aatioo:Teexe kabét a quiliichtaleex, men ten YUNTZIL a Dios quiliichen.
3
Tu lacal kabét u tziquic u naa yetel u tata, kabét xam u canantcoo u kinilo in jeelel. Ten a YUNTZIL a Dios.
4
Ma sutcabaex yicnal meyabil diosoo mix baal u biiloo, mix xan tex caa meetex a dioseex de metal. Ten YUNTZIL a Dios.
5
Le chen a dzaex un p’el u siibalil jeedzel ti YUNTZIL, kabét a kubquex tial kanbil.
6
Kabét u jantaal laili u kinil ca kubqueexo wa tu jeel kin. Wa cu p’aatal un p’iit tu oxp’el kine, kabét u toocal.
7
Wa cu jaantal tu oxp’el kine, dzuu kastal . Ma kambeeni.
8
Baale le max cun jantique kabét u bisic u siipilil men dzuu biibiilic le quilich cach ti YUNTZILO. Le maaca kabét u tzelel ichil u cajal.
9
Le chen joop’oc a uxquex u uxil a luumeexe, ma kabét a uxquex tu lacal u tuuk a coleexi, ma xan mulquint queex tu lacal le baal ta uxeexo.
10
Ma much’quex tu lacal le uvaa tux cu muuch’ulo, mix le uva cu luubul ichil u colil le uvao. Kabét a p’aatquex ti le otziloobo yetel le tanxeel luumiló.Ten YUNTZIL A DIOS.
11
Ma kabét a wocoli..-Ma kabét a tusi. Maa tuscabaeex.
12
Ma jalach t’aneex ti in kava yetel mix caa poch’eex u kava YUNTZIL A DIOS. Ten YUNTZIL.
13
Ma kabét a yadzic le cajaan ta tzeelo mix caa wocolte. Ubolal un tul koox t’anane ma kanan u p’aatal tech tu lacal le akabo tac tial jaadzcakin.
14
Ma kabét a waic baal kas ti coquí mix caa dzaa un p’el tunich tu tan un tul ch’oop tial u t’oochpajac. Baale kabét a ch’ic saaquilil Ti a DIOS. Ten YUNTZIL.
15
Ma kabét a lequic p’ix-ol-tus. Teche ma kabét a dzicaba a waant wa max men otzili , mix caa want wa max men jach nojoch. Baale, p’ixolt le nadz yantecho tiibil.
16
Ma kanan a maan a kiit bes tutuc-chioo tusil ichil a cajal, baale cax bix a canantic u cuxtal le cajaan nadz ti techo. Ten a YUNTZIL.
17
Ma kabét A ch’aap’ectic a sucuun ta pucsikal. Teche kabét a keyic yetel udz le cajaan nadz ti techo yo-lal maa taacpajal yetel u keban leti.
18
Ma kabét a ch’ic venganzai mix caa p’aatquex cuuxil ti jeen max a wet cajale, baale yabil le nadz cajaan ti techo. Ten YUNTZIL.
19
Teexe kabét a meetquex y tuchit’aano. -Ma dzacabaex a xaacteex u ch’iibal a walakex yetel u jejelasil baalcheoo. Ma xaakquex caap’el jejelas pakaloo chen a pak a luumeex. Ma buquintquex nok meyajaan yetel caap’el jejelas nok much.
20
Max cun wenel yetel un tul loobayen kox u nuucma u siicubae, baale ma lojoqui wa chabaqui, kabét u jaadzal. Letioobe ma kabét u quinsaaloobi men letie ma cha’ani.
21
Un tul maaque kabét u tasic u siibalil u siipil ti YUNTZIL tu jol u najil much’tal- un tul taman bey un p’el u siibalil siipile.-
22
Cu dzoocole, yunkine cu meetic pixkeban u tial leti yetel le tamano yo.lal u siibalil siipil tu tan YUNTZIl, yo-lal le keban tu meta letio. Beytuno le kebano , le keban dzuu meetic letio cu saatsaalti.
23
Le chen ocquex tee lum chen dzoococ a pakquex jeen baax cheiloobe tial a janteexe, beytuno kabét a wilic le ichoo ma kabét u jantaali. Le icha yan u weet’el teex ichil oxp’el jaab. Ma kabét u jantaali.
24
Baale tu camp’el jaabe tu lacal u yiche cu quiliichtal, un p’el siibalil tial u quiliichtaal YUNTZIL.
25
Tu joop’el jaabe teexe juubeytal a jantiquex le icho, men ta paa-teex yo-lal le cheoobo caa beyac u dzicoo yaacach ich.Ten YUNTZIL A DIOS.
26
Ma jantic bak ma tzelaan u kikeli. Ma ch’aachitquex pixanoo tial caa wojelteex bax cutal u kin, ma caxqueex a t’oonan queex u jeel mac yetel paajtaliloo jelaan tacoo.
27
Ma t’uulpachquex baaloo kastac, jeebix u dziiquil u tzel a joole wa a tzic-kosquex u punta a meex.
28
Ma xotca wincilileex yolal quimenoo wa caa bon a yot’eleex ta wincilileex.Ten YUNTZIL.
29
Ma biibiilic a ch’uupal caa sut xpak kebanil wa le caja caa luubuc ti pak-kebanil yetel le luuma cu chuupul yetel kas.
30
Teexe kabét a canantqueex u kinil in jeelel yetel caa tziquex u quiliichil in najil much’tal. Ten YUNTZIL.
31
Ma nadzaleex tuxyan le maacoob cu t’aano yetel quimen wa pixano . Ma caxqueexo men letioobe juu pak coo teexe. Ten YUNTZIL A DIOS .
32
Kabét a watalex tu tan le maacoo sac u poloobo caa tzicqueex yanic un tul nuxi ichileex.- Kabét ch’ic saaquilil ti a DIOS.Ten YUNTZIL.
33
Wa un tul tanxel luumil cuxaan ichileex ta luumeexe, ma kabét a meetqueex ti mix un p’iit loob.
34
Le Tanxeluumil cajaan ichileex kabét a wiqueex bey un tul Israelitaile siijil ichileex cajaan ichileex, kabét a yabitqueex bey a yabilmilabaeexe, men teexe cache tanxemaquileex Egipto. Ten A YUNTZIL A DIOS.
35
Ma meyajeex yetel p’is kas chen p’ixnaqueex wa u alil baa wa u yaabil.
36
Kabét a meyajeex yetel balanza tiibil, tiibaan alil ,wa tiibaan u muk. Ten YUNTZIL a DIOS, max jooseex tu luumil Egipto.
37
Kabét a uuymat’antquex tu lacal in tzolt’aanoo tu lacal in leyes, caa meetex.TEN YUNTZIL “