17
1
Yuntzil tu t’ana Moices tun yaacti:
2
"T’an Aaron yetel u palal , yetel tu lacal u cajil Israel . Aatioo le dzuu tuchitic Yuntzil:
3
Jeen maaxac ti Israel cu quins un tul caparbiwacaxe wa taman wa chiba tee campamentoo,wa cuu quins pachil ti le campamento, tial ya-siibal--
4
Wa leti muun taasic tu jol u najil much’tale, tial u siibalte bey un p’el ya-siibal tial YUNTZIL tu tan u tabernáculo, le maaco cu cuchic u sipilil uchic u wequic kik. Letie dzuu wequic kik, le maaco kabét u tzelel ichil u cajal.
5
Ubaax osalil le tuchit’ana u cajil Israel cu tas u ya-siibal ti YUNTZIL tu jol u najil much’tal, ti yunkin ,tial caa ya-siibaltaac bey un p’el siibal tial u yet yantal mac yetel YUNTZIL, yo-lal maa a bineex ti un p’el jom cooch kax.
6
Le yunkino cu wedzic u kikel tee tu multunil kultajo u tial YUNTZIL , tu jol u najil muchtal; leti cun tooquic u tzatzel tial caa u tas un p’el ch’ujuc quiboc ti YUNTZIL.
7
Le cajo maa kabét u kubic u ya-siibalo ti meyabil diosoobi, men yo-lal lelo cu meetcoo bey le xpak kebanoobo . Lelo un p’el noo txolt’an mantadz u tiilo ichil tu lacal u ch’iibaloo.
8
Teche kabét awac tioo: Jeen maax u xibil Israel, wa tanxel luumil ti Israel cuxan ichiloobe, cuu kub un p’el toocbil siibal wa ya-siibal,
9
Ma u tasic tu jol u najil much’tal tial u ya-siibal-te ti YUNTZIL, le xiba kabét u tzelel ichil u cajal.
10
Jeen maxac ti Israel ,wa tanxe luumi cuxaan ichiloo, cu jant jeenbax kikile, tene quin dziic pactic le maaca, jeen max cuu jant kike;, tene quin tzelic ichil u cajal.
11
Men u cuxtal un tul baachee tian tu kikele. Tene dziin dzic u kikel tial pixkebanil tee tu multunil kultajo yo-lal a cuxtaleex, men leti le kik meetic pixkeban, men leti le kik pixkebantic le cuxtalo.
12
Le oolale, ten aal ti u cajil Israel mix un tul ichileex kabét u jantic kik, mix un tul tanxel luumi cajacbal ichilex kabét u jantic kik.
13
Mix un tul u cajnalil Israel, wa mix un tul le tanxeluumiloobo le cajaano ichileexo, cu dzoonoo wa cu quinso un tul baalche wa un tul ch’iich cu beytal u jantal; le maaca kabét u wequic u kikel cu pixic le kiko yetel luum.
14
Men u cuxtal le baalchea u kikel. Le oolal tin waala ti u cajil Israel ,” teexe ma kabét a jantiquex u kikel mix un tul baalche, men u cuxtal tu lacal baalcheo cuxaanoobe u kikel. Jeen maxac cu jante kabét u tzeelel.
15
Tu lacal mac cu jant baalche quinsaan wa lobitaab men kaxil baalcheo, quex a wetcajal wa tanxeluumi cajaan ichileex, letie kabét u p’oic u nokoo cu yichquil ich jaa, letie cu kastal tac tial u chinil.kin. Letitun chen utzac.
16
Baale wa leti maun p’oic u nokoobe wa u wincilile, beytuno letie kabét u cuchic u siipil”.