1 ¹ Yuntzil t’an Moices caa tu yaati yanic tu yotochil much’tal, tun yaic ti . ² “T’an u cajil Israel aati le kin jeemaxac ichileex cuu tas un p’eel siibal ti Yuntzil cu tasic u sii un tul ichil u yaalakoo wa waacax wa taman. ³ Wau u siibal letie toocbil siibal ti wacax, letie kabét u kubic un tul xibi taman mix baa uchul ti. Letie kabét u kubic tu jol u najil much’tal yoolal u beytal u kaamal tu tan Yuntzil ⁴ Letie kaabét u dzic u kab tu pol le toocbil siibalo , beytuno yan u kaamal bey wa tial u pixkebant-cubae ⁵ Tu seeblaquil kabét u quinsic le xibi wacaxo tu taan Yuntzil. U palal Aaron, le yunkino, cu kubcoo le kiko cu wiiwitz-coo tu suutulu multunil kulta yan tu jol u yotochi much’tal. ⁶ Cu dzoocole letie kabét u dziilic u keulel le sibal toocaano yet’el cu xee xeet xoot,tic. ⁷ Cu dzoocole u palal Aaron le yunkino cu dzic le kak yokol u multunil kulta yetel cu dzicoo si-intbil chee tial jopic le kako. ⁸ U palal Aaron, le yunkino, kabét u dzicoo u xeet’el, u pol yetel u tzatzel, tu tzolil yokol le sii yan yokol le kak yan yokol u multunil kulta. ⁹ Baale leu xoot’ol le tu ch’aa ichil u naako yetel u muk yook kabét u p’oobol yetel jaa. Cu dzoocole le yunkinoobo cu tooc co tu lacaal le yan tee tu multunil kultajo bey un p’el siibal toocbil u biile . Lela cu tasic ten un p’el ch’ujuc quiboc; lela un p’el siibal meyajaan in tial yetel kak. ¹⁰ Waa siibal tocaan tee u tal ich taman, wa un tul taman wa un tul chiva , letie kabét u kubic un tul xiib mix baat uchulti. ¹¹ Letie kabét u quinsic tu xaman u multunil kulta actan ti Yuntzil. U palal Aaron le yunkino , cu t’iitbesic u kikel tu jujuntzelil u multunil le kultajo. ¹² Cu dzoocole leti kabét u xoxo ch’actic u pol yetel u tzatzel, le yunkinoobo cu dzicoo tu tzolol yokol le sii yan tee kako yan yokol u multunil kultajo. ¹³ Baale le tu ch’aa tu jobnelo yetel u muk yook kebét u p’oic yetel jaa. Cu dzoocole le yunkino cu kubic tu lacal, cu tooquic yokol u multunil kulta . Un p’el sibal toocaan , lela yan u tasic un p’el ch’ujuc quiboc tial Yuntzil; un p’el siibal meyajaan tial leti yetel kak ^{14 15} 14- Wau siibal tial Yuntzil u siibalil toocbil ch’iich, beytuno kabét u siibaltic un tul mucuy wa un tul sacpacal loobayen.15- Yunkin kabét u taasic tu multunil kulta, cu ch’ootic u cal, cu tooquic yokol u multunil kulta. Cu dzoocole u kikele kabét u wequic tan cab tu tzel u multunil kulta ^{16 17} 16- Leti kabét u peecsic u tzuuquel jeebix chuupilo cu pulic tu lakin le altaro; le tux cu dzaabal le ta-ano. 17- Letie kabét u jau-kuptic tu xiik, baale ma kabét y caa jadzcuntiqui. Cu dzoocole le yunkino cu tooquic tee altaro yokol le sii yan tee kako. Lela un p’el siibal toocaan, lela cu tasic un p’el quiboc tial Yuntzil; un p’el siibal meyajaan u tial leti yetel kak.