¹ Caj maan 20 ja'abo'ob dzo'ococ u béetic Salomon u kulnaj Yuuntzil yéetel yo'ot'och le ajaw. ² Salomon ca tu yutzquintaj túun le ca'ajo'ob dza'ab ti ' tumen Hirame; ca tu béetaj u cajtal lej israelitaob tej caajo'obó. ³ Cu dzo'ocolé, jbiin tu yóoko'ol u caajilo'ob le yaan tu lu'umil sobaé ca tu ch'a'aj. ⁴ Ca tu yuutzquintaj xan Tadmor, te xtocoy lu'umo; bey xan tuláakal le cáajo'ob tuux cu li'iksa'al báal ja'antbil, le u beetmajo'ob c'aach Hamato. ⁵ Tu yuutzquintaj xan Bet-oróm le ya'an ca'analo;yéetel Bet-oron le ya'an ca'abaló, lelóobó j tu lúumil ca'ajóob dzaan u pakilo'ob u jo'ol najilo'ob yeetel x katabcheilo'ob. ⁶ Le ti' beet xan Baalat yeetel u laák caaj'ob tu'ux cu liksa'al baal ja'antbil, tu la'akal u cu'uchil tuux cudzáabal u bolanilo'ob ba'atel, u cuuchil u kaalal tziimino'ob yeetel tu la'akal le ba'ax tu yo'otaj u béet Jerusalen, Libano yéetel tu laakal lu'umo'ob ya'anal u meectané. ⁷ Ba'alé le hitita'ob, amorreob , heveob, fereseob,yéetel le jebuseob pa'ato'ob má israelitaobó. ⁸ Le u chi'ibalo'ob paato'ob tej luum maj xuulsa'abo'ob tumen le israelitaobó tonquinta'abo'ob tumen Salomon utial u béetoob mukulmuk meyajo'ob , bey yanilo'ob tac bejeelao. ⁹ Ba'ale ; ma`tu be'etaj uj muukil meyaj mix jun túul israelitail utiál pallitzilil ti'le meyajoobó, baalé tu dzájo'ob u béeto'ob u aj ba'atelilo'ob, u nu'uquilo'ob aj baateloob, u naacomilo'ob yéetel u núuquilo'ob u bolanilo'ob ba'atel yéetel u tziiminilo'ob ba'atel. ¹⁰ U aj ilaj me yajo'ob Salomoné 250u tuululo'ob, caachi. ¹¹ Salomone tu lukesaj ux chu'upal pal faraón tu caajil Davidé, ca tu bisaj ti'u jalach naj Salomón tu béetaj utiál letió, tumen tu tukultaj ma' unaj u cajtal u yaatan tú jalach naj David, u ajawil Israeló, tumen le cu'uchiloob tu'ux dzo'oc u yookol u ba'asche Yuumtziló qui'ilichoob. ¹² Salomoné cu cubic ca'ach to'ocbil ba'alchéob ti' Yuumtzil tu yo'okol u multuunil u kulta'al Yuumtzi le tu béetaj acta'an ti' ux ma'akan pakil le kultajó. ¹³ Cu cubla'antic tu kiinoldob jeel bix u ya'almajil Moisés,tu kiinilo'ob Sabado, tu chichan uj, yéetel ti'le oox p'éel qui'imac óolo'ob cu kiimbesa'alo'ob jujun ja'ab:Wa'ajo'ob x ma' levadura, u kiinbesajilo0ob semana'ob yéetel maacanoob. ¹⁴ Tu tuxla'antaj xan kiinilo'ob u yuuchul meyaj je'el bix tu béetajil David u ta'ata, utiál u meyaj le aj kiino'obó tu t'uxaj ti' le levitaob utiál ca u quilqui'tanto'ob Yuumtzil yéetel ca u ya'anto'ob le aj kiino'ob ti' le ba'axo'ob kabe'et u béeta'al saamaló. Bey xan u kiinil u meyaj le aj canan jool najo'obó, tumen bey u yaalmajil David u xiibil Dios. ¹⁵ Bey tuuno tu be'etóob tu la'aka ba'ax u ya'alma a David , tu yo'olal le aj kiino'ob yéetel le levitaob bey xan tu yéetel lej canant bil táakino. ¹⁶ Tula'akal ba'ax tu tuuchiitaj Salomon ,béetajbil liikbal ti' le kiin dzáab u chuunpakilo'ob le kulnajó ,tac tu kiilnil dzo'oquic . U kulnaj Yuumtzilé, láaj dzo'ocbesa'abi. ¹⁷ Salomón túuné , bin Ezión-Geber, yéetel Elot tu jáal ka'anab ,tu lu'umil Edom. ¹⁸ Hirame tu tu'uchiijtaj ti' Salomon tu kab u nu'uquiol u aj mw ya'ajo'ob , chéemo'ob yéetel jxiibo'ob u tiál meyactic , u kaj óoloob káanab, binóob yéetel u núuquil u aj meyajo'ob Salomón , caj kucho'ob Ofir tuux tu ch'a'ajo'ob miin 15 kilos oró , ca tu bisajo'ob ti' le ajaw Salomonó.