¹ Jesu wakaita batumwa bakwa ikumi ababili akubapa inguzu zhibaala Myuuya mibi, kwigusha, akuponya malwazhi aapusene a zhoonse zhicisa. ² Mazhina abatumwa bali ikumi ababili mbaaba. wakasanguna ngu Simoni (walo gwakaulika izhina lya petro), alimwi Andreya munyina, Jakobo mwana wa Zebedayo a Johani munyina; ³ Filipo a Bartolomayo; Tomasi mwana Alifayo a Tadayo; ⁴ Simoni mukutwe a Judasi Isikariote, uunkaka mwaabwa. ⁵ Aba bali ikumi ababili Jesu wakabatuma. wakabalailila kuti, "mutaiki kubusena buli boose kuli bamashi kubakala alimwi mutanjili mudolopo lili lyoonse mukala Basamaliya. ⁶ Mubusena bwayo amuye kumbelele shizhiminine shamung'anda ya Isilaeli; ⁷ Mwakuya bweenda, kamukambauka ati, 'bulelo bwa kuJulu bwashika pafwafwi.' ⁸ Amuponye bamalwazhi mubushe bafu, amuponye bashicinsenda, akukusha madaimona. mwatambula cabuyo, amupe cabuyo. ⁹ Mutabwezelezhi golinde, siliva na mukuba mucizobwelo canu. ¹⁰ Mutabwezelezhi cakunyamwina mulweendo lwanu , naaba cisani , naaba musako , nkambo musebenzhi ulyeelele kulya. ¹¹ kufumbwa dolopo naa munzhi ngumwanjila, amujane weelelwa , amana mukkale momo kushikila mukakuvwe. ¹² Mwaakunjila buyo munganda , mukayaanzhe. ¹³ Naa kuti ing'anda yezho ileelele , amuleke lumuno lwanu luboole alinjiyo . ano kuti naa tayeelele amuleke luumuno lujokele kuli ndimwe. ¹⁴ Awo kuli baabo batamutambuli naakunyufwa majwi aanu , awe mwazwa oomo mung'anda naa mudolopo , amusanse lusuko kumaulu aanu. ¹⁵ Ncobeni ndamwambila kuti, ciya kuba mbubo kucishi ca sodooma a gomola mubuzuba buyo bwalubeta kwiinda kudolopo lelyo. ¹⁶ Amubone,ndamutuma mbuli mbelele akati kabaumpe, aboobo amucenjele mbuli inzoka alimwi amutontole mbuli inkwilimba. ¹⁷ Amubalangishishe bantu! balakamutola kubabeteshi, alimwi balakamuuma muma sinagogo aabo. ¹⁸ Amana balakamutola kubasololi bashoonto akubasololi banene nkaambo kandime, kwaamba bukabe bukamboni kuli mbabo akubamashi. ¹⁹ Bakamujata, mutakalondi ayi alimwi inga ndaakwaamba buti, nkaambo cakwaamba ulakapewa ngoona aciindi ceco. ²⁰ Nkaambo tolinduwe uunkakaaambe pe, pele Muuya wa Baiso ngunkakaamba muli nduwe. ²¹ Wamukowa ulakajaya wamukowanyina, a muzhali ulakajaya mwanakwe. Bana balakabukila bazhali babo akucita kuti bajaigwe. ²² Bantu boonse balakamusula nkaambo kazhina lyangu. Ano ooyo uuti kakalilile kushikila kumamanino, muntu uyo ulakafutulwa. ²³ Bakamupenzha mudolopo ilya, amukalilile kudolopo limwi, nkaambo ncancine ndamwaambila kuti, tamukaindi mumadolopo oonse amu Isilaeli mwana muntu katana kujokela. ²⁴ Shiciya taindi uumuyisha, awalo musebenzhi taindi wakamungizha incito. ²⁵ Cilyilele shiciya kaba mbuli mwiiyi wakwa, alakwe musebenzhi mbuli wakamunjizha incito. Naa kuti simalelo wamug'anda yabo bamwiita kuti ngu Beluzebule, ino aakabija buti mazhina ngobankakaulika aabo mbalela mung'anda yakwe! ²⁶ Aboobo mutabaloondi, nkaambo kunyina civumbilwe citakavubululwitaakwe cisisilwe citakazhibwi. ²⁷ Ico ncimwambila mumushinzhe, mucaambe malumwi, aceeco ncimwaambila mukutepekezha mumatwi eenu, amucuulubizhe atala aamaanda. ²⁸ Mutaloondi aabo bajaya mubili pesi tabacikonzhi kujaya Muuya. mubwini, amumulondeuyo uucikonzha kujaya Muuya amubili mugehena. ²⁹ Sena tumeembya tobilo tatuulwi akamali komwi? pesi taakwe naabo komwe kawile anshi kakunyina ba ushiwenu kuzhiba. ³⁰ Naaba masusu aali amutwe wenu wakabelenga. ³¹ Mutaloondi. mulayandika kwiinda tukamyeemba. ³² Aboobo kulumbwa ooyo uvumina angangalala kubantu, andime ndamuvumina antagalala kuli bata bakujulu. ³³ Ano uuyo uukaka kubantu, anebo ndakamukaka kumbele lya bata bali kujulu. ³⁴ mutayeeyi kuti ndakaleta luumuno ano anyika pe, ndakaleta iceba. ³⁵ Nkaambo ndakaza kulwanya mwana musankwa abaushi, mwana mwanakazhi abanyina, mulawo mwanakazhi abanyinazhala. ³⁶ Balwani bamusankwa balakaba aabo bamung'anda yakwe. ³⁷ Kulumbwa uuyandishisha baushi naa banyina kubaala ndime; tanjelele, ayooyo uyandishisha mwanakwe musankwa naa mwanakazhi aze tanjelele. ³⁸ Uyo uutanyamuni musalaba wakwe akucilila tanjelele. ³⁹ Kufumbwa uuyanda buumi bwakwe ulabusowekelwa. pesi ooyo uusowa buumi bwakwe nkaambo kandime ulabujana. ⁴⁰ Kufumbwa uumutambula, ulatambula ndime, awalo uuntambula alutambula awalo ooyo wakantuma. ⁴¹ Ooyo uutabula mushinshimi nkaambo mushinshimi ulambula caabilo camushinshimi, ayooyo uutambula muntu uululeme nkaambo ulilume ulakatabula caabilo camuntu uululeme ⁴² Kufumbwa uwabila meenzhi aatontola akunwa kubashoonto baba nkambo balashoma, ncancine ndamwambila kuti,takabuli muezhilaili yoonse kutambula caabilo cakwe.