¹ Ndaamba ati ukuna, kulila buyo kali mwana wakuzhala, taipene amuzhike, nikuba kuti ngomwini lubono loose. ² Nkaamba uceendelezhegwa aumulela alimwi amushomezhi kushikila kuciidi ceco baushi ncibakamba. ³ Aswe mbubona ciindi nikwakali bana twali bazhike batwaambo twamunyika. ⁴ Pesi ciindi nicakashika, Leza wakatuma mwanakwe musankwa, wakazhalwa ku mwanakazhi, keendelezhegwa amulawo. ⁵ Wakacita oobo kuti afutule bakali kweendelezhegwa amulawo, kwaamba tutambulwe mbuli bana. ⁶ Alimwi nkaambo muli bana, Leza wakatuma Muuya wa mwanaakwe mumyoyo yesu, walo waamba ati, "Abba,taata." ⁷ Aboobo tamucili bazhike pe, muli bana, alimwi mulatambula cikono kwiinda muli Leza. ⁸ Pesi aciindi cilya nimwatakamwizhi Leza, mwakali mbuli bazhike kuli baabo, kwiinda musana shabuzhale, baleze naaceya. ⁹ Ano mbumwazhiba Leza, atwaambe Leza mbwaamuzhiba, caba buti kuti mujokele kuli zhizho zhinyina nguzu alimwi ushitakwe ambushibele? muyanda kuba bazhike alimwi? ¹⁰ Mulalemeka mazuba, mwezi mupya amwaka! ¹¹ Ndayoowa nkaamba inga milimo yangu kuli ndimwe inga yaakuba yabuyo. ¹² Ndalomba, nobakwesu, amube ukuya mebo, nkaambo anebo ndaba mbuli ndimwe. ¹³ pesi mulishi kwaamba ayi nkaambo kakuciswa ncindakakambukila mulumbe mubotu ciindi cakusanguna. ¹⁴ Nikuba kuti kuciswa kwangu kwakamuletela masunko, pesi taakwe nimwakansanana naaba kunkaka mwakatambula mbuli kuti mungelo wa Leza mbuli kati ndakali kilistu Jesu mukamwini. ¹⁵ Ano cileleko canu cili kuli? Nkaambo ndamwanbila ati, nicali kukozheka nimwalobola meso enu akundipa. ¹⁶ Ano sena ndaba mulwani wanu mukumwaambila bwini? ¹⁷ Balilipele kuti bamutole, pesi kakunyina bubotu. Bayanda kumujalila kwaamba mube bankutwe mukubasebenzela. ¹⁸ Lyoonse ncibotu kuba abunkutwe mukucita cibotu, kuteshi buyo ciindi nciindi andimwe pe. ¹⁹ Nomuyandwa banangu, alimwi ndaciswa mbuli mwanakazhi uutumbuka nkaambo kanu kushikila kilistu akakale muli ndimwe. ²⁰ ndali kulombozha kuti nkali andimwe ono akucinca bwaambe, nkaambo ndinyandilwe andimwe. ²¹ Amudaambile, mwebo nomuyanda kwendelezhegwa amulawo, sena tamunyufwili mulawo? ²² cililembelwe ati Abulahamu kakwete bana bobilo, wakazhalwa kumwanakazhi muzhike umwi wakazhalwa kumwanakazhi uutali muzhike. ²³ Womwi wakazhalwa a mwanakazhi muzhike kweelanya anyama, pesi umwi wakazhalwa a mwanakazhi uutali muzhike, kweelana acishomezho. ²⁴ Zhintu eezhi zhilapandululwa mbuli cikomzhanyo nkaambo bamanakazhi aaba balaiminina zhipangano zhobilo. umwi wabo ulazwa kulupili lwa Sinai, ulazhala bana bazhike. ooyu ngu Haga. ²⁵ Haga ulaiminina lupili lwa Sinai mu Alabiya; alimwi ulazhiminina Jerusalema uuliwo, nkaambo uli mubuzhike abanakwe. ²⁶ Pesi Jerusalema uuli kujulu ulyaangulukile, ngonyina wesu. ²⁷ nkaambo kulilembelwe ati, "Sekelela, webo ung'umba nutazhali; lila alimwi Sekelela webo nutaaboni mapenzhi aakuzhila; nkaambo bana banakazhi uusulaikilwe mbanji kwiinda bayooyo uucite mulumi." ²⁸ Pesi mwebo nobakwesu, mbuli Isaka, muli bana bacishomyo. ²⁹ aciindi eeco, mwana wakazhalwa munyama wakapenzha ooyo wakazhalwa a Muuya Uusalala. mbocibete asunu. ³⁰ Ano malembe alaamba buti? "mutande mwanakazhi muzhike amwaanakwe musankwa. mwana wakazhalwa kumwanakazhi muzhike takaabani cikono amwana mwanakazhi uutali muzhike." ³¹ Abobo, bakwesu,tatuli bana ba mwanakazhi muzhike pe, pele bamwanakazhi uutali muzhike.