¹ Rari´ nga bizulu evangeliu xti Jesucristu, xiiñi Diuxhi. ² Casica bicaa Isaias, ni rini´ xtiidxa Diuxhi que:"GUTANA, NAA CUZEENDA NI CHINEE DIIDXA SAA NIRÚ LÚ LU, NI CHINDAQUI CHA´HUI NEEZA XTIU. ³ TOBI NI CANA GUCAA RIDXI LU CA LAYÚ NDA´: ´LACUAQUI CHA´HUI NEEZA XTI SEÑOR, NE LAGUNI NI JNEZA" ⁴ Cana gu´ nisa Juan lu ca layú nda´ ne cani´ de ti guenda riu´ nisa ni ruziidi gusaana ca guenda ruche´ ti zaca guixhia xtonda ca´. ⁵ Ira´ xixe ca guidxi huiini xti Judea, ne guirá ca binni nuu ndani Jerusalén richaga lú ca´ laabe. Laabe rugú nisa be laaca ndani guiigu Jordán ora cue´ rua´ca guira guenda ruche´ xti ca. ⁶ Juan racu ti guidi ladi camellu ne xhi´ ti doo de guidi ndaani, ne robe guxhaaru ne reebe dxiña yaga. ⁷ Cuziidi be ne rini´ be: "zeeda xtobi nanda naa, ndi jma nadipa que naa, ne naa cadi naca´ guiruti para gata udaa guxhadxe xquelaguidi be. ⁸ Naa gulua´ nisa laatu ne nisa, peru laabe zaguu nisa be laatu ne Espiritu Santu". ⁹ Beda zaaca ca dxi que, beeda Jesus de guidxi Nazaret xti Galilea, ne guluu nisa Juan laabe ndaani guiigu Jordán. ¹⁰ Ora Jesus biree ndani nisa, biiyabe guiba´ bixhale ne Espiritu xti Diuxhi biete luguia be casi ti paloma. ¹¹ Ne gucua ti ridxi de guiba´, "liinga xiiñe´ni nadxiee, ne ni rusieche naa". ¹² Ora que Espiritu xti Diuxhi bicaa laabe che´ be ndaani ca layú nda´. ¹³ Biaana be raque´ chupa late gande´ dxi, guyuu binidxaba´ niguite laabe. Ne guyuu be laade ca mani duxuu ne ca angel gupa ca laabe. ¹⁴ Bieguyoo si Juan, Jesús beeda Galilea ne cana ni´ xtiidxa Diuxi. ¹⁵ Ne na´be raabi be laaca: "ma bizaa dxi ne ma gaxha nuu gaca ni na´ Diuxi. Lagusaana guenda ruche´ne laguni cree xtiidxa be. ¹⁶ Ne ra gudiidi be guria nisado´ xti Galilea, biiya be Simón ne Andrés, biichi Simón, cayuuni ca guuze´ ti ngue xhiiña ca´. ¹⁷ Jesús gudxi laacabe: "lata´ ne la zaa nanda naa, zusiide laatu guchiña tu binni ra nua´ casi ca runi tu guuze. ¹⁸ Oraqueca bisaana ca doo xti ca ne guzaa nanda ca laabe. ¹⁹ Laga Jesús guzaa xcaadxi zitu, biiya be Jacobo (Santiago), xiiñi Zebedeo ne Juan, biichi be; nuu ca ndani ti canua cayuni cha´hui ca doo xti ca´ . ²⁰ Oraqueca bicaa ridxi be laaca´; ne laaca bizaana ca ndani canua que bixoze ca´ Zebedeo ne ca ni runi nee laa dxiiña ne zinanda ca´ laabe. ²¹ Ne laacabe biú cabe Capernaúm, ne dxí guenda riziila´dxi´, Jesús guyuu ndaani yu´du ne bisiidi ²² Guira ni nuu bidxagayaa ca diidxa cuziidi be, ti laabe cuziidibe laaca casi tobi ni napa ti guenda ne cadi casi ca ni ruziidi ley xti ca judiu. ²³ Bia´si ra yu´du que nuu ti hombre ni napa ti espiritu yuudxu´, ne cugua´ ridxi. ²⁴ ¿Xi napa neu´ laadu Jesús de Nazaret? ¿ñe zeeda unitilú lu laadu la? Naa nana tu lii. Lii nga ni naya do´ xti Diuxi. ²⁵ Jesús gudindené binidxaba que, ne rabi be laa "bigani ne biree de laabe". ²⁶ Ne espiritu yuudxu´ que bisaaba laabe layú, ne cugua´ ridixi nadipa biree zee. ²⁷ Guira bini cadxagayaa, ngue runi canabadxiidxa lizaa ca: ¿xiindi´ pue? !nacubi casi cusiidi be di´, ne ti guenda runi mandar! dede ca espiritu yuudxu´ ruzuuba ca xtiidxa be. ²⁸ Oraque ca bireeche diidxa xtibe guira ladu, interu naca Galilea. ²⁹ Biree si cabe ndaani yu´du, guyee cabe ra lidxi Simon ne Andres, yene cabe Jacobo ne Juan. ³⁰ Nexe suegra Simón huaraa, napa xindxa´, oraqueca gudxicabe Jesús ni cazaaca be. ³¹ Bidxiña Jesus laabe, gunaaze naa be ne gundisa laabe; xindxa´ que zee ne bidii be ni gudoo ca. ³² Gueela que, biaazi si gubidxa, bedane cabe ra nuu be guiraa ni huara ne ni nuu binidxaba laa. ³³ Interu naca guidxi di´ bidxiña ra puerta yo´. ³⁴ Bisiandabe xtale ni huara ni adxe adxe xquenda huara ne guleebe xtale binidxaba, huaxha que nudii be lugar nini´ca binidxaba di´, ti runibiaa ca laabe. ³⁵ Biasabe nacanda, laga nacaui ru´; bire be zeebe ra guiruti guiini ne raqué guni´ neebe Diuxi. ³⁶ Simon ne cani nuu ne canayubi ca laabe. ³⁷ Ne ora bidxela cabe laabe, gudxi cabe laa: "Guira tu cana yubi lii." ³⁸ Rabi be laaca: "Chuu xti laadu, ca guidxi nuu gaxha, ti zaca´ ganda guinié xtiidxa Diuxi nee laaca´. Ti nga runi bendá guidxi layú di´". ³⁹ Guzaa be guidubi Galilea, guni´ be xtiidxa Diuxi ndáani ca yu´dú xti ne caladxibe binidxaba´. ⁴⁰ Tobi napa lepra beeda ra nuu be; bizuxibi canaba laabe, ne guni´: "Pa lii ninaalu´ zanda gusiá lu naa." ⁴¹ Jesús biaa laabe, bisigaa na´ ne guda´na laabe, ne guni´: ¨Zanaya pue, bianda¨. ⁴² Oraqueca lepra que bisaana laabe, ne bianda ladi be. ⁴³ Bisiene chaahui Jesús laabe ne oraqueca gudxi laabe che´be . ⁴⁴ ne gudxi laabe: ¨Cadi chi tiidxu guiruti, huaxha guye´ ne bilui´ ladi lu´ sacerdote, ne bisiga´de xiixa de ca ni gudixe Moises saca biandalu´, ti guuya cabe ma bianda lu. ⁴⁵ Huaxa laa biree, ne bizulu guni´ ne bicheeche diidxa, dede ma que ñanda ñee dxi Jesús nin ti guidxi. Ngue runi gupa xide´ biaana be ndani guiixhi, nin ne zaque´ cayeeda binni ra nuu be de guira ladu..