1
Keli e kumesu di trabadju di Jizus Kristu di fidju di Dios.
2
Sima sa skritu na livru di profeta Isaias: "N ta n via um menoajeru dianti bu rostu ki ta preparou kaminhu.
3
Voz ki ta klama na dizertu pripara kaminhu di Sinhor fasi retu se kaminhu.
4
Djon sa ta batiza na disertu ta prega um batismu di arrependimentu pa pirdon di nos pekadu.
5
Es era batizadu pa el na rio djordon, ta konfesa ses pikadu.
6
Tudu kes algen di Judea i Jerusalém ta binha atxal. Se ropa era fetu di pelu kamelu, e tinha um cintu di koru na redor di se sintura. Djon ta komeba mel di matu i gafanhotu.
7
E ta flaba " algen sa ben dispôs di mi ki e mas puderosu kimi um algen ki nka ten direitu distaka se sandalha.
8
N ta batiza nhos ku agu ma e ta ben batiza nhos ku spiritu santu".
9
Kontisi na kes dias, Jizus ben Nazare di Galileia, i Djon batizal na rio Djordon.
10
Kantu e sai di agu e odja séu ta abri i Spiritu ta dixi sobri el na forma di un pomba.
11
Nton un voz sai di séu ta fla: " Bo e nha fidju na kenha n ten orgudju del.
12
Nton Spiritu kelora leba Jizus pa dizertu pundi satanas tental pa kuarenta dia.
13
E fika ku animal sarbaji, i anju ta sirbiba el.
14
Dipôs ki Djon ba prezu, Jizus bem ti Galileia, ta prega ivangelhu.
15
Ta fla " Tempu dja kumpri, reinu di Dios sa pertu. Rapendi i kre na ivangelhu".
16
Ta kaminha djuntu mar di Galileia e odja Simon i Andre, se irmon ta lansa redi pa mar pamô es era piskador.
17
Jizus flas" Nhos sigin, N ta fazi di nhos piskador di Ômi.
18
Kelora es larga tudu kuza es sigi Jizus.
19
E Jizus ta anda um poku mas pa frenti, odja Tyagu fidju Zebedeu i Djon se irmon; es staba na barku ta kompu redi.
20
Logu e txomas es dexa ses pai ku se impregadus es sigui Jizus.
21
Es entra na karfanaum na sabadu na sinagoga i Jizus kumesa ta inxina.
22
Es fika spantadu kual pamô e ta inxinaba ku autoridadi i ka sima eskribas.
23
Na kel sinagoga staba um Ômi ku spiritu mau ta grita: "
24
Kuze ki nu tem ku bo Jizus di Nazare? Bu bem distrui-nu? N sabi bo e kenha. Bu e santu di Dios!".
25
Jizus riprendel i flal " Kala sai del"
26
Nton spiritu botal pa txon i sai del.
27
Tudu kes algén i ta purguntaba kumpanheru: "Keli e kuze? Novo insinamentu ku autoridadi? E ta ordena ti na spiritu mau i es obedesi".
28
Kelora notisia spadja pa tudu zona di Galileia.
29
Kelora kes sai di sinagoga, es bai kaza simon i Andre, ku Tyagu i Djon.
30
Sogra di Simon staba detadu duenti ku febri. Logu es fla Jizus del.
31
Nton Jizus pegal na mon i labantal; febri sai, e kumesa ta sirbis.
32
Di noti es trazi Jizus tudu kes ki staba duenti o pusuidu pa dimoniu.
33
Tudu algen di kel sidadi riunu na porta.
34
E kura muntu di kes ki staba duenti e tra txeu dimoniu . Mas e ka pirmiti dimoniu papia, pamô es konxeba el.
35
E labanta txeu sedu, inda staba sukuru; e bai ora el so.
36
Simon i kes ki staba kual fika ta djobi pundi ki e staba.
37
Kantu es atxal es flas: " Tudu algen sa djobeu".
38
E flas: " nu bai otu kou na kes sidadi vizinhu pam prega la tanbe, keli Kin ben fazi li".
39
Nton e bai pa tudu galileia ta prega na ses sinagoga i ta korri ku dimoniu.
40
Um leprozu ben ti Jizus ta inploral di juelhu. E fla Jizus: " Bu kre, bu podi kuran".
41
Jizus xeiu konpaixon stendi si mon i tokal, ta flal: " N kreu. limpu".
42
Kelora lepra dexal e fika kuradu.
43
Jizus rikumendel i mandal se kaminhu,
44
ta flal: " Odja, ko fla ningen, ba djobi saserdoti i oferesel pa bu purifikason sima Muzes manda, pa tistimunha pa es".
45
Mas sime e konta tudu algen. Notisia, spadja dum manera ki Jizus ka ta pudia entraba na sidadi. E tinha ki fika na kou dizertu, ma sikre es atxal, ta binha algen di tudu kantu.