1
Nho ben! Nu volta pa Nhordes! Pamodi El ki satadja-nu, El ki ta torna kura-nu; El ki fri-nu, El ki ta liga nos frida.
2
Dipos di dos dia, E ta rianima-nu, E ta labanta-nu na triseru dia, y nu ta vivi diante di El.
3
Nu konxe Nhordes y nu kuntinua ta konxe-L. E ta ben sertu, sima ta manxe tudu dia; E ta ben ti nos sima txuba, sima txuba di primavera ki ta modja tera.
4
Ifrain, kuze ki N ta fazi ku bo? Kuze ki N ta fazi ku, bo Juda? bu fidelidadi e sima nuven di palmanha, sima orvalhu ki ta pasa sedu.
5
Purisu, pa meiu de prufetas, N parti nhos na padas, N mata nhos ku palabras di N ha boka. N has dikretus e sima lus ki ta brilha
6
Pamodi N ta dizeja fidelidadi, y ka sakrifisiu; y kunhisimentu di Nhordes mas ki ofertas kemadus.
7
Sima Adon, es kebra aliansa; es era infiel ku Mi
8
Giliadi é un sidadi di malvadus markadu ku praga di sangi.
9
Sima munti landons ki ta spreta algen, asi ki ta sta saserdotis . Es ta kumati asasinatu na kaminhu di Sikén; es ta fazi krimis vergonhuzus
10
Nas kaza di Israel nhodja kuzas mariadus; prostituison di Ifrain sta la, y Israel sta kontaminadu.
11
També pa bo, Juda, un kodjeta dja sta ditirminadu, oras ki N ristaura N ha povu di kativeru