¹ Lomba madoda ba Israeli bepanga lonjezo ku Mizipa, "kuliye munthu aliyense wa seo wati akalungulishe mwana wake mwanakazi ku mBenjamini." ² Ndipo banthu beluta ku Beteli nakunkhala kwamene uko pamenso pa Mulungu mpaka mcingulo, na mau okweza belira mobaba mtima. ³ Beita, "ndaba cinji Yehova, Mulungu wa Israeli, ici cacitikila Israeli, kuti mtundu wasu umozi wasoba lero.?" ⁴ M'mawa mwake banthu beuka m'mamawa, na kumanga guwa kwamene kwala kupeleka nsembe zoshoka na nsembe za mtendele. ⁵ Banthu ba Israeli beciti, "nibani pa mitundu yonse ya Israeli baliye wele ku msonkhano wa yehova?" pakuti benze bepanga lonjezo likuru pa aliyense aliyewere kwa Yehova ku Mizipa beciti, "ofunika kupaiwa." ⁶ Banthu ba Isralei becita cifundo pa mnekwao Benjamini. Beciti, "lero mtndu umozi watendewa mu Israeli. ⁷ Wati abapase anakazi bala basala ni bani? pakuti tapanga lonjezo kwa Yehova kuti sitilolezya aliyense wa beve alungule bana basu banakazi.?" ⁸ Beciti, "ni mtundu uni wa Israeli ulye wele kwa Yehova Ku Mizipa?" Pepezeka kuti paliye ewela ku msonkhano wocokera ku Yabesi-Gileadi. ⁹ Pakuti pamene banthu beikiwa mwa cilongosoko cabwino, onani paliye aliyense onkhala mu Yabesi_Gileadi enzepo. ¹⁰ Msonkhano wetuma bocenjela twelufu sauzande na kubauzya kupaya onse onkhala mu Yabesi--Gileadi na lupanga, kuikapo bana na analume. ¹¹ "Citani ici: mwanalume aliyense na mwanakazi aliyense eziba mwanalume pakulala naye mukabapeleke ku cionongeko." ¹² Madoda bepeza pakati pa bala onkhala mu Yabesi-Gileadi asimbi folo handiledi benze bakaliyolalapo na mwanalume, ndipo ebatola ku misasa ku Silo, mu Kanani. ¹³ Msonkhano wonse wetuma mau na kuuzya banthu ba Benjamini bamene benze kucimwala ca Rimoni kuti obafunila mtendele. ¹⁴ A Benjamini bewelera nthawi yamene ila ndipo ebapasa anakazi baku Yabesi-Gileadi, koma kwenzevye anakazi obakwanira onse. ¹⁵ Banthu becimvwa cifundo na cecitikira Benjamini ndaba Mulungu egaba pakati pa mitundu ya Israeli. ¹⁶ Ndipo asogoleri ba msnkhan wa beciti, "ticite tyani kuti tibafunile anakazi a Benjamini basalako, pakuti anakazi ba Benjamini bepaiwa?" ¹⁷ beciti, "pofunika kunkhala coloba ca bala bepulumuka mu Benjamini, koteto kuti mtundu usaonongeke mu Israeli. ¹⁸ Tingabapase lini banakazi kufuma pa bana basu banakzi, pakuti banthu ba Isralei bepanga lonjezo, 'wotembelereka ni munthu wati akapase Benjamini mwanakazi.'" ¹⁹ Teto beciti, "muziba kuti kukuba madyelero ba Yehova caka ciconse ku Kusilo (ili ku mpoto kwa Beteli, kum'mawa kwa njila kukwezeka kufuma ku Beteli kuya ku Sekemu, nakum'mwela kwa Lebannoni)." ²⁰ Beuzya madoda ba Benjamini,kuti, nkhoyani mukabishame mwacinsinsi na kulindila mu minda ya mpesa. ²¹ Langishishani pemene banthu ba ku Silo bofuma kuyovinda, teto mufulumile aliyense akate mwanakazi waku Silo, ndipo muwelere ku malo ba Benjamini. ²² Bakawela ausu wao olo azilongosi bao kuzoticita mlandu, tizanene kuti kwa beve, "tiwamireni mtima! balekeni bankhale pakuti tiliye batolere banakazi onse ba beve , nthawi yonse ya nkhondpo. Muliye mulandu, pakuti muliye bapase bana banu banakazi kwa beve.'" ²³ Banthu ba Benjamini becita teto. Betola cibelengero ca anakazi benzofunika pa asimbi benzovina ndipo beciya nao kunkhala azinakazi bao. Beluta na kuwelera ku malo ba coloba cao. Bemanga soti minzi na kunkhalamo. ²⁴ Pamene apo banthu ba Israeli befumako kula na kuya ku ng'anda, aliyense kumtundu wake na banja lake, ndipo aliyense ku coloba cake. ²⁵ Mu masiku awo kwenzevye mfumu mu Israeli. Aiyense enzocita comuwamila m'menso mwake.