¹ Aba niye asogoleri ba mabanja ba makolo bao befuma ku Babiloni na neo mu ufmu wa Aritasasita. ² Ba mbadwo wa Finihasi, Gerisomo. Ba mbadwo wa Itamara, Danieli. ba mbadwo wa Davite, Hatusi. ³ Ba mbadwo wa Sekaniya, enze wa mbadwo wa Parosi, Zekariya, pamozi na eve kwala benze 150 analume wolembewa mu mndanda wake. ⁴ Ba mbadwo wa Pahati-Muwabu, Eliyehoenai mwana wa Zarahiya ndipo pamozi na eve analume 200. ⁵ Ba mbadwo wa Zatu, Beni Yahazieli pamozi na eve analume 300. ⁶ Ba mbadwo wa Adini, Ebedi mwana wa Yonatani pamozi na eve analume 50. ⁷ Ba mbadwo wa Elamu, Yesaiya mwana wa Ataliya pamozi na eve bebelengewa analume 70. ⁸ Ba mbadwo wa Sefatiya, Zebadiya mwana wa Mika pamozi na eve kwebelengewa analume 80. ⁹ Ba mbadwo wa Yoabu, Obadiya mwana wa Yehieli pamozi na eve kwebelengewa 218 analume. ¹⁰ Ba mabadwo wa Bani, Selomiti mwana wa Yosifiya ndipo pamozi na eve kwebelengewa 160 analume. ¹¹ Ba mbadwo wa Bebai, Zakariya mwana wa Bebai ndipo pamozi na eve kwebelengewa 28 analume. ¹² Ba mbadwo wa Azigadi, Yohanani mwana wa Hakatani pamozi na eve kwebelengewa analume110. ¹³ Bala ba mbadwo wa Adonikana bewela pavuli pake. Aba niye benze mazina: Elifeleti, Yeueli, na Semaya ndipo pamozi na beve benze 60 analume. ¹⁴ Ba mbadwo wa Bigivai, Utai na Zakuri pamozi na beve belengewa analume 70. ¹⁵ Neika pamozi baulendo ku Kanali bakuya ku Ahava, ndipo temanga misasa kwa masiku atatu. Nefufuza ku banthu na kwa bansembe koma niliye peze wa mbadwe wa Levi. ¹⁶ Teto Neita Eliezeri, Arieli, Semaya, Elinatani, Yaribu, na Elinatani na Natani, Zakariya, na Mesulamu-benze agoleri- na kwa Yoyaribu na Elinatani-benze aphunzisi. ¹⁷ Cokonkhapo nebatuma ku kwa ido, msogoleri waku Kasifiya. Nebauzya vakuyolabila kwa Ido na azeinekwa, atumiki ba mkacisi onkhala ku Kasifiya, niye kuti, mutitumuzyile azitumiki bamng'anda ya Mulungu. ¹⁸ Teto betitumizyila munthu wabwino wa Mulungu zina lake Serebiya, munthu waluso. Enze wa mbadwo wa Mahili mwana wa Levi mwana wa Israeli. Ewela na bana bali 18 na azinekwao. ¹⁹ Pamozi na eve kwewela Hasabiya. Kwenze soti Yesihaya, umozi wa mbadwo wa Merari, pamozi na azinekwao na bana bao, analume 20 pamozi. ²⁰ Pa bala besankhiwa kutumikira mkacisi, bamene Davite na asogoleri bake bepeleka kwa aLevi: 220, aliyense wosankhiwa pa zina lake. ²¹ Ndipo nulalikira kuba na kusala kulya pa Ahava Kanali kuzicepesa teka pamenso pa Mulungu, kusakililira njila cacilungamo kwa seo, bana basu, na vinthu vasu. ²² Necimvwa nsoni kupempha mfumu asilikali na analume bapabulu kutiteteza ku adani basu mnjira, pakuti teciti kwa mfumu, 'kwanja la Mulungu wasu lili pa aliyense omusakila pa cabwino, koma mphamvu na mkwiyo wake ulii pa bala omuluba.' ²³ Teto tesala kulya na kukonsha Mulungu pa ici, ndipo nemupapata. ²⁴ Cokonkhapoa nesakha analume 12 pa asogoleri ba bansembe: Serabiya, Hasabiya, na na azinekwao bali ten. ²⁵ Nebapimila siliva, golide, na vinthu viyakine na nsembe ya ng'anda ya Mulungu yamene mfumu, azilangizi na akuluakulu, na vonse vamene aIsraeli bepeleka mwaulele. ²⁶ Teto Nebapimila m'manja mwao ndalama za siliva 650, ndalama 100 za vinthu vasiliva, 100 ndalama za golide, ²⁷ mbale zili 20 za golide zonse pamozi zenzokwanisha 1000 madaliki, na vibiya va mkuwa vooneka bwino monga vagolide. ²⁸ Teto neciti wa beve, "nimwe opatulika kwa Yehova, na vinthu soti ivi, ndipo siliva na golide ni vacopeleka caulele kwa Yehova, Mulungu wa makolo banu. ²⁹ Mukovilonda na kuvisunga mpaka mukaviike pampimo pamenso pa akulu akulu bansembe, aLevi, asogoleri ba mabanja ba makolo basu ku Yerusalemu mu vipinda va ng'anda ya Mulungu." ³⁰ Bansembe na aLevi belondela siliva, golide, na vinthu viyakine vopimiwa kuti bakapeleke ku Yerusalemu, ku ng'amda ya Mulungu. ³¹ Tefuma ku Ahava Kanali pa siku la 20la mwezi kuya ku Yerusalemu. Kwanja la Mulungu wasu lenze pa seo; Etiteteza ku manja ba adani na kuli bala benzzofunishisha kubishalira panjira. ³² Teto teloba mu Yerusalemu nkunkhalamo masiku atatu. ³³ Moteto pa siku la folo siliva, golide, na vinthu viyakine vepimiwa, kufumya mu ng'anda ya Mulungu, kuya mu manja ya Meremoti mwanawa Uriya wansembe. Pamozi na eve penze Eliazara mwana wa Finihasi, Yozabadi mwana wa Yesuwa, na Nowadoya mwana wa Binui mLevi. ³⁴ Namba na kulema kwa vonse kwepezeka. Kulemela konse kwelembewa pa nthawi iyo. ³⁵ Bala bewelako ku ukapolo, banthu outushiwa, bepeleka nsembe kwa Mulungu wa Israeli: ngombe twelufu pa aIsraeli onse, bana ba mbelele 96, mblele zinalume 77, na mbuzi zinalume 12 monga nsembe yaucimo. ³⁶ Vonse venze va nsembe yoshoka kwa Yehova. Ndipo bepeleka lamulo la mfumu kwa akulu akulu ba mfumuna akazembe baku dela lopitilila mkolo, ndipo beyavya banthu na ng'anda ya Mulungu.