¹ Lomba kufuma izi, mu ufmu wa Aritasasita mfumu wa Perisia, Ezara ewela kufuma ku Babiloni. Makolo ba Ezara benze Seraya, Azariya, Hilikiya, ² Salumi, Zadoki, Ahitabu, ³ Amariya, Azariya, Merayoti, ⁴ Zerahiya, Uzi, Buki, ⁵ Abisuwa, Finihasi, Eliyazara, enze mwana wa Aroni wansembe. ⁶ Ezara ewera kufuma ku Bailoni ndipo enze mlembi wofwikapo mu Malamuro ba Mose yamene Yehova, Mulungu wa Israeli, enzebapasa. Mfumu yemupasa kalikonse kangafune pakuti kwanja la Yehova lenze pa eve. ⁷ Mbadwe uyakine wa Israeli na bansemb, aLevi, oimba mkacisi, olonda pa mlyango, nabala benzesankhiwa kusebenzela mkacisi beluta soti ku Yerusalemu mu caka ca seveni ca ufumu wa Artasasita. ⁸ Efwika ku Yerusalemu mu mwezi wa faifi mcaka camene ico. ⁹ Efuma ku Babiloni pa siku loyamba la mwezi woyamba. Lenze siku loyamba la mwezi wa faifi pecifwika ku Yerusalemu, pakuti kwanja la Yehova lenze na eve. ¹⁰ Ezara epeleka mtima wake kubelenga, kunyamula, na kuphunzisha malamulo ba Yehova. ¹¹ Ili niye lamulo lamene mfumu Aritasasita epasa Ezara wansembe na mlembi wa malamulo ba Yehova kwa aIsraeli: ¹² "mfumu ya mafumu Aritasasita, kwa wansmebe Ezara, mlembi wa malamulo ba Mulungu wakululu: ¹³ Nulamula kuti aliynse waku israeli mu ufumu wangu pamozi na bansembe bao aLevi ofuna kuya kuYerusalemu, angalute na weo. ¹⁴ Neo, mfumu, na alangizi bangu seveni, nukutumani kuti mukakonshe za aYda na Yerusalemu kulungana na malamulo ba Mulngu, yamene yali m'manja mwako. ¹⁵ Ufunika ukanyamule siliva na golide imene ibapeleka mwaulele kwa Mulungu wa Israeli, wamene opezeka ku Yerusalemu. ¹⁶ Pelekani mwaulele siliva yonse na golide yonse yamene bamu Babiloni bapeleka pamozi na yamene yapelekewa mwaulele na banthu na bansembe bamng'anda ya Mulungu ku Yerusalemu. ¹⁷ Ukagule nkhabi zokwanila, bana ba mbelele, na mbelele zinalume, na mbeu na copeleka cakumwa. Ukapeleke pa guwa ili mng'anda ya Mulungu ku Yerusalemu. ¹⁸ Siliva na golide ukacite nayo ciliconse cuoneka cabwino kwa weo na anekwanu, kukondweresha Mulungu. ¹⁹ Ukaike vinthu viwepasiwa mwaulele pa nchito ya Mulungu ku Yerusalemu. ²⁰ Ciliconse cufunika pa ng'anda ya Mulungu wako caufuna, ukatole malipiro bake pa cuma cangu. ²¹ Neo mfumu Ariytasasita, nulamulira onse amsunga cumaku madela opitilira mkolo, kuti kalikonse kamene Ezara akupempheni mufunika kumupasa mokwanira, ²² mpaka ndalama 100 za siliva, 100 kilogramu ba mbeu, 100 malita ba vinyu, na malita 100 ba mafuta na munyu soti uliye malekezyelo. ²³ Ciliconse cufumila ku malamulo ba Mulungu wakululu, mucite mizipeleka ku ng'anda. Cifukwa nicinji kuti ukali wake uwele pa ufumu wangu na bana bangu analume.? ²⁴ Tubazibisha za mweo uti osati bakaike vopeleka olo msonkho pa wansembe, mLevi, oimba, osunga pmlyango, olo pa banthu osankhiwa kucita nchito ya mkacisi na banchito ba ng'anda ya Mulungu. ²⁵ Ezara, na nzeru zecikupasa Mulungu, ufunika usankhe oweruza na kuti akolamulira banthu onse ba dela lopitila mkolo, na kutumikila onse oziba malamulo ba Mulungu wako. Ufunika ukaphunzishe soti bala basaziba malamulo. ²⁶ Ukapase cilango kwa aliyense osakonkha malamulo ba Mulungu olo malamulo ba Mfumu, kapena na imfwa, kubacosa, kubalonda katundu wao, olo kubaika mndende. ²⁷ Atamandike Yehova, Mulungu wa Makolo basu, eika vonse ivi mu mumtima wa mfumu kutamandila ng'anda ya Yehova ku Yerusalemu, ²⁸ na kuikilira pangano la chikhulupiliro kwa neo pamenso pa mfumu, alangizi bake, na asogoleri bake onse bamphamvu. Nalimbikishiwa na kwanja la Yehova Mulungu wangu, ndipo neika pamozi azisogoleri ba Israeli kuti nilute nao.