¹ Lomba mu mwezi wa twelufu, wamene ni mwezi wa Adari, pa siku la satini, pamene lamulo na manenero bamfumu benzofunika kucitika, pa siku lamene adan ba aYuda benzofuna tola ulamuliro pali beve, cewezyewa. Ayunda etola ulamuliro pali bala enzobazonda. ² Ayuda esonkhana mu madela onse ba mfumu Ahaswero, kuti baike manja pa bala enzofuna kuleta cionongeko palobeve. Paliye ekwanisha kupana pamenso pao, pakuti mantha yobayopa yepona pa banthu onse. ³ Akulu akulu onse ba m'madela, kazembe wa mdela, na azisogoleri ba mfumu, ethandizila a Yuda cifukwa mantha na Modekai yebaponela. ⁴ Pakuti Modekai enze mkuleni mng'anda ya mfumu, na kuzibika kwake kwepitilira mu madela onse, pakuti mwanalume Modekai enzonkhala ozibika ngako. ⁵ Ayuda ecita nkhondo adani bao na lupanga, kupaya na kubaononga, na kucita mwenzofunila kwa bala enzobazonda. ⁶ Mu mzinda wa Susa aYuda epaya na kuononga analume five handiledi. ⁷ Parisandata, Dalifoni, Asipata, ⁸ Porata, Adaliya, Aridata, ⁹ Parimasita, Arsai, Aridai na Vaisata, ¹⁰ na bana teni ba Hamani mwana wa Hamedata, mdani wa a Yuda. Koma baliyetole volonda vilivonse. ¹¹ Siku ilo nambala ya banthu bepaiwa mu Susa, yeuzyiwa kwa mfumu. ¹² Mfumu yeciti kwa mfumukazi Estere, "a Yuda bapaya analume faivi handiledi mu Susa, kuikapo na bana teni ba Hamani. Teto nicinji ciyakine cibacita mu madela ayakine ba mfumu? Lomba dandaulo lako nilotyani? lipasiwe kwa weo. Pempho yako niytyani? lipasiwe kwa weo." ¹³ Estere eciti, "ngati cukondwelesha mfumu, lekani ayuda ali mu Susa balolewe kuti bakacite soti siku la lamulo ili mailo, ndipo lekani mathupi bali tenti ba bana ba Hamani bakapanyikiwe pa vopanyikapo." ¹⁴ Teto mfumu yelamulira kuti ici cicitike. Lamulo lepelekewa mu Susa , ndipo bepanyika bana ba Hamani bali teni. ¹⁵ Ayuda benze mu Susa bewwla pamozi pa siku la fotini la mwezi wa Adari, na kupailapo analume bayakine bali fili handiledi mu Susa, koma baliye ikepo manja pa volonda. ¹⁶ Ayuda ayakine osalira bamene benze m'masela ayakine ba mfumu bewela pamozi kuzocingilizya umoyo wao, na kutola mpumulo ku adani bao na kupaya sevente faivi sauzande pa bala benzobazonda, koma baliye manja pa vinth va bala bepaiwa. ¹⁷ Ivi vecitika pa siku la satini la mwezi wa Adari. Pa siku la fotini bepumula na kupanga siku la phwando na cisangalaro. ¹⁸ Koma a Yuda benze mu yuda bekumana pamozi pa satini napa fotini. pa siku la fifitini bepumula nocita phwando na kukondwela. ¹⁹ Nicifukwa cake a Yuda bakumaminzi, bepanga mang'anda bao mu maboma bakuminzi, osunga siku la fotini la mwezi wa Adari monga siku la phwando na cisangalaro, ndipo monga siku lakutumizyilana vakulya. ²⁰ Modeka elemba vinthu vonse ivi nakutumizya makalata ku a Yuda onse bamene benzonkhala mu madela ba mfumu Ahaswero, bakutali pamozi na bapafupi, ²¹ Kubalimbikisha kusunga siku la satini na la fotini la Adari caka ciliconse. ²² Aba benze masiku pamene a Yuda bepeza mpumulo kuli adani bao, ndipo mwezi wamene kulira kwesanduka cisangalaro, na kudandaula kuba cikondwero. bezofunika kupangiwa masiku ba phwando na cisangalaro, na kutumizyilana mphaso za vakulya kwa ayao, na kuosauka. ²³ Teto a Yuda bepitilizya cisangalaro cibeyamba, kucita zamene Modekai ebalembela. ²⁴ Pa nthawi iyo Hamani mwana wa Hamedata mu Agagi, mdani wa a Yuda onse, epangila a Yuda onse kuti aonongewe, ecita Puri (uku niye, kucita maele), kuti abaphwanye na kubaononga. ²⁵ Koma nkhani piyefwika kwa mfumu, epeleka lamulo polemba makalata kuti ganizo liipa lenzopangila a Yuda Hamani limuwelele pamutu pake eka, nakuti eve na bana bake bapanyikiwe pa vopanyikapo. ²⁶ Mwaici beita masiku ao Purimu, kufuma mu zina la Puri. Cifukwa ca vonse velembewa mu kalata iyi, na vonse veciona na vonse vebacitikila, ²⁷ a Yuda bevumela mwambo wanyone na macitidwe. Mwambo uyu wenze wao, mbadwo wao, na aliyense enzo loba. Cikokuba kuti bakokondwela masiku abili ao caka ciliconse. Bakokondwela mu njila iyakine ndipo pa nthawi imozi caka na caka. ²⁸ Aba benze masiku bacikondwelero ndipo kusungiwa mbadwo na mbadwo, banaja lililonse, na dela lililonse, na mzinda uliwonse. Ayuda aba na mbadwe wao basakaleke kukhulupilika posunga masiku aba ba Purimu, moteto kuti basabakaluwe. ²⁹ Mfumukazi Estere mwana mwananakzi mwa Abihali na Modekai mu Yuda elemba na ulamuliro wonse na kusimikizyila mu kalata iyi yacibili za Purimu. ³⁰ Makala betumizyiwa ku madela onse 127 baufumu wa Ahaswero, kufunila a Yuda citetezo na coona. ³¹ Makalata aba benzovomelezya aYuda za Purimu pa nthawi yake yoikiwa, monga Modekai mu Yuda na Estere mfumukazi elamulira a Yuda. Ayuda evomelezya za lamulo ili pa beve beka na mbadwo wao, monga mubevomelezya soti nthawi ya kusala kulya na kulira. ³² Lamulo la Estere levomezya malamulo aba kulingana na Purimu, ndipo celembewa mu buku.