¹ Pa siku ila mfumu Ahasuri epasa mfumukazi Estere malo ba Hamani, mdani wa Yuda, na Modekai eyamba kutumikila pamenso pa zmfumu, pakuti Estere euzya mfumu kuti Modekai ni wacibululu. ² Mfumu yevula mphete yake yacidindo yecilond Hamani, na kupasa Modekai. Estere eika Modekai kuti ankhale wosogolera pa malo ba Hamani. ³ Ndipo Estere elabila soti na mfumu na cinso cake pansi na kulira kuti penzomupapatila kuti asilishe maganizo baipa ba Hamani mu Agagi, pa cibembu cenzepangila a Yuda. ⁴ Ndipo amfumu enyamula ndodo yao ya golide kulata Estere, euka na kupanama pamenso pa mfumu. ⁵ Eciti, "ngati cukondwelesha mfumu, ndipo ngati napenza kukondweleshewa m'menso mwanu, ngai cinthu cuoneka cabwino pamenso pa mfumu, nakuti nukondweleshani m'menso mwanu, lekani malembo balembewe kusintha makalata belembewa na Hamani mwana wa Hamedata mu Agagi, makalata belembewa kuononga a Yuda ali mu vyalo vonse va mafumu. ⁶ Pakuti nikwanishe tyani kuti nikoona ciipa cupona pa banthu bangu? Nikwanishe tyani kuti nikolangilira cionongeko pa abululu bangu?" ⁷ Mfumu Ahasuri eciti kwa mfumukazi Estere na Modekai mu Yuda, "langani, napasa Estere ng'anda ya Hamani, ndipo bamupanyika pa vopanyikapocifukwa enzofuna kuononga a Yuda. ⁸ Mulembe soti malamulo ayakine mu zina la mfumu na kudinda na mphete ya mfumu. Pakuti malamulo belembewa kale mu zina la mfumu na kudindiwa na mphete ya mfumu yangasinthiwe lini." ⁹ Alembi ba mfumu beitiwa pa nthawi iyo, mu mwezi wacitatu, wamene ni mwezi wa Sivani, pa siku la 23 la mwezi. Malamulo belembewa kulingana na vonse venzolamulira modekai pa a Yuda. Yelembewa kwa akazembe ba mcalo, akazembe na akulu akulu bamcalo benzonkhala kufumila ku India mpaka ku Kusi, vyalo 127, ku calo ciliconse celembewa mu cilembedwe cake, na ku banthu onse mcikambidwe cao, naku a Yuda mucilemdwe cao na cikambidwe cao. ¹⁰ Modekai elemba mzina la mfumu Ahasuri na kudindapo na mphete ya cidindo. etumizya makalata kwa onyamula okwela pa abulu ofulumila benzosebenza pa nchito ya mfumu, bebadwa kufumila mu abulu ba mfumu. ¹¹ Mfumu yepasa mu Yunda aliyense enze m'munzi ulamuliro wokumana pamozina kupanama usamalira umoyo wao. Kupaya onse, kupaya, na kuononga asilikali onse angawele kucita nkhondo kufuma ku banthu balibonse olo calo ciliconse kubacita nkhondo, bana pamozi na anakazi, olo kulonda vinthu vao. ¹² Ivi venzofunika kuti vicitike mumadela onse ba mfumu Ahasuri, pa siku la satini mu mwezi wa twelufu, niye mwezi wa Adara. ¹³ Malembo ya kalata yembewa monga lamulo ndipo yeoneshewa ku banthu onse. Ayuda enzofunika kuba okonzekela pa siku ilo kucita kubwezela pa adani bao. ¹⁴ Teto otumiwa ekwela pa abulu bacimfumu benzosebenzeshewa pa nchito zacimfumu. Beluta mosacelwa. Malamulo ba mfumu belembewa soti kucokela ku ng'anda ya mfumu ku Susa. ¹⁵ Ndipo Modekai efumapo pamenso pa mfumu wavwala vovwala vaufumu va buluu na waiti, na kolona ikuleni ya golide na mkhanjo wa pepo na nyula yopepuka, ndipo mzinda wa Susa wekuwa na kusangalala. ¹⁶ Ayuda benkhala na kuwala na cokondwelero, na cisangalalo na ulemelero. ¹⁷ Mu calo ciliconse na mzinda uliwonse, kwenze cokodwelero na cisangalalo pakati pa a Yuda, phwando na na kupumula. Banyinji kucokela mu mitundu ya banthu osiyana-siyana benkhala a Yuda, pakuti mantha ya a Yuda yankhala pali beve.