¹ Teto mfumu na Hamani beluta ku madyelero na mfumu kazi Estere. ² Pa siku lacibili, pa kumwa vinyu, mfumu eciti kwa estere, "nicinji caufuna, mfumu kazi Estere? Cipasiwe kwa weo. ufuna cinji? kufwikira limozi la magao ba munzi wangu lipasiwe kwa weo." ³ Mfumukazi Estere eciti, "ngati napeza kumiliwa mtima mu menso mwanu, mfumu, nakuti cukukondweleshani lekani umoyo wangu upasiwe kwa neo- niye pempho langu, na kupempheleko banthu bangu. ⁴ Pakuti tagulisiwa, neo na banthu bangu, kuti tionongewe, tipaiwe, na kusilizyiwa. Ngati tenzegulisiwa tyala mu ukapolo monga akapolo anakazi na banalume, sembe nankhala cete, pakuti msokonezo oteti usonesha kusokoneza amfumu." ⁵ Mfumu Ahasuri eciti kwa mfumukazi Estere, "nibani uyo?opezeka kuni wamene uyu munthu wazuzya mtima wakena cinthu ici?" ⁶ Estere eciti, "munthu muipa, mdani wala, ni Hamani uyu muipa!" Ndipo Haman ecita mantha pamenso pa mfumu na mfumukazi. ⁷ Mfumu yenyamuka mwaukali pa kumwa vinyu pa mphwando na kuluta ku dimba ya pang'anda ya mfumu, koma Hamani enkhalilira kupapatalira umoyo wake kwa mfumukazi Estere. Eona kuti mfumu yenzomganizila cionongeko. ⁸ Ndipo mfumu yewelako ku dimba ya pang'anda ya mfumu kuya mu cipinda cenzekonzelamo vinyu. Hamani eponela pampando penzenkhala Estere. Mfumu yeciti, "Ofuna kuononga mfumukazi pamenso pangu mu ng'anda mwangu?" Picefuma tyala ciganizo ici pakamwa pa mfumu, banchito bevala pamenso pa Hamani. ⁹ Ndipo Haribona, umozii wa akulu akulu enzotumikila mfumu, eciti, "comangilira mamita 23 culupaname pafupi na ng'anda ya Hamani. Ecipanamikila Modekai, wala elabila moteteza amfumu." Mfumu yeciti, "mumpanyike eve pa camene ico." ¹⁰ Teto bemupanyika Hamani pa copanamika cenzekonzela Modeka. Ndipo ukali wamfumu wesila.