¹ Mu masiku ba Ahaswero ( uyu ni Ahaswero elamulira kufuma ku India mpaka ku Kusi, kupitilila maboma 127), ² mu masiku ao Ahaswero enkhala pa mpando wake wacimfumu mu ngánda ya Susa. ³ Mu caka cacitatu ca ulamuliro wake, epanga phwando ku akulu akulu bake onse na banchito bake. Asilikali baku Perisiya na Midia, banthu banzeru, na akazembe ba mvyalo benze na eve. ⁴ Elangizya kukongola kwa cuma ca ufumu wake na ulemu wa ulemelero wa ukulu wake kwa masiku anyinji, kwa masiku 180. ⁵ Piyesila masiku aba, mfumu yecita mohwando yosila mu masiku seveni. Yenze ya banthu onse ba mu Susa, kufuma pa ozibika ngako ,pka ozibika patontho. Yenzocitikila mu lubanza la dimba la ngánda ya mfumu. ⁶ Lubanza la dimba lenze lokonzewa na maketani yakotoni utuba na obilibila, emanga na nyula za salala za pepo, zopanyika pa mphete za siliva ku nsadamila za nsangalabwe. Penze mipando ya golide, na siliva pa myala yamapangidwe ba Mose yepangiwa kufuma ku Porifiri, mabo, nyina wa nkhono, na myala ya mitundu mitundu ⁷ Vakumwa beletela mumakapu ya golide. Kapu iliyose yenze yosiyana ndipo vinyo waufumu unyinji wewela cifukwa ca kuwama mtima kwa mfumu. ⁸ Kumwa kwecitika mosunga malamulo, "pasabe kukakamizyiwa," pakuti mu njila iyi mfumu yepeleka ulamulirokwa akulu akulu onse ba ng'anda ya mfumu bacite kulingana na aliyense mwakufunila. ⁹ Mfumukazi Vasiti soti, ecita phwando na banakzi ba mu ng'anda ya mfumu Ahaswero. ¹⁰ Pa siku la seveni, pamene mtima wa mfumu wenzokumvwa bwino na vinyo, euzya Mehumani, Bizita, Haribona, Bigita, Abagata, Zetari, na Karikasi (akulu akulu bali seveni bemtumikila), ¹¹ kuti aleti mfumukazi Vasiti pamenso pake na kolona wake waufumu. Enzofuna kuti aoneshe banthu na akulu akulu kukongola kwake, pakuti maonekedwe bake benze babwino. ¹² Koma mfumukazi Vasiti ekana pa mau yemulete madoda. Ndipo mfumu yekalipa ngako; enkhala na ukali ngako mwa eve. ¹³ Teto elabizyana na madoda benzozibika kuti niba nzeru, benzozziba za nthawi (pakuti ivi niye venzosebenzesha mfumu kuli onse benze akaswili muzamalamulo na kuweruza). ¹⁴ Lomba benze pafupi ngako na beve benze Karisena, Setara, Adimata, TarisisiMeresi, Marisena, na Memukani, akalonga seveni baku Perisiya na Media. benzokuya mwapadela kwa mfumu, ndipo benze na mipando yapalulu ngako mkati mwa ufumu. ¹⁵ "Molinga na lamulo, cufunika kucitika kwa mfumukazi Vasiti cifukwa aliyokonkhe lamulo la mfumu Ahaswero, yenzeletewa kwa eve na akulu akulu?" ¹⁶ Memukani elabila pamenos pa mfumu na madoda, "ni mfumu lini yeka mfumukazi Vasiti yawalakwila, koma kuli onse madoda na banthu onse bali mu madela onse ba mfumu Ahaswero. ¹⁷ Pakuti nkhani ya mfumukazi ikazibika kuli onse anakazi. Ikalengeshe kuti kuti beve bakopepusha analume bao. Bakalabile kuti 'mfumu Ahaswero elamulira kuti mfumukazi Vasiti amuleta kwa eve, koma ekana.' ¹⁸ Ikalyosila siku la lero anakazi baku Perisiya na ku Midiya anakazi banzeru balabilepo kanthu ku akulu akulu onse ba mfumu. Kukabe kuyamba na ukali. ¹⁹ Ngati cukondwelesha mfumu ekani mau yanenewe kufumila kwa eve yakutimizyiwe kucokela kwa eve, na kulembewa mu malamulo yaku Perisiya na ku Midia, yakuti bangasinthiwe lini, kuti Vasiti asakawelepo soti pamenso pake. Lekani moando wa mfumukazi upasiwe kwa muyakine alibwino kupambana eve. ²⁰ Pamene lamulo la mfumu likayolalikiriwa mu ufumu wake onse, anakazi onse akolemekeza analume bao, kuyambila pa akulu akulu mpaka pa atontho atontho." ²¹ Mfumu na akolonga bake bekondwela nalo ganizo ili, ndipo mfumu yecita mwecilabilila Memukana. ²² Etumizya makalata ku madela onse baufumu, dela lililonse mcilembedwe cake, ndipo na ku banthu onse mcikambidwe cao. Elamulira kuti mwanalume aliyense ni bwana mu ng'anda yake. Lamulo ili lepasiwa mcikambidwe ca mtundu uliwonse mu calo