¹ Mose eluta na kulabila na mau aba kwa a Israeli onse. ² Eciti kwa beve, "lomba nili na zaka 120; ningalute lini na kuwela; Yehova wanena kuti kuli neo, 'utauke lini Yorodano.' ³ Yehova Mulungu wanu akalute pasogolo panu; akaonnge mitundu iyi kufumila kwa mweo, ndipo mweo mukatole malobao. Yoswa akakusogolereni, monga mwelabilila Yehova. ⁴ Yehova akuyobacita vecicita kuli Siliyoni na gi, mafumu ba Amori, na ku malo bao, yeciononga. ⁵ Yehova akabalete kwa mweo, na kucita kwa beve vonse vanekuuzyani kuti mucite. ⁶ Nkhalani olimba na ubwino, osayopa musakabayope onse; cifukwa Yehova Mulungu wanu, niye okya na mweo. Akakulekeleleni liniolo kukusiyani." ⁷ Mose eita Yoswa na kumuuzya pa menso pa a Israelionse, unkale okosa na ubwino, ndaba ukalute na aba banthu mu calo camene Yehova elumbila ku makolo bao kubapasa; ukapangishe kuti bakailandile. ⁸ Yehova, eve niye wati akulute pasogolo panu; Akabe na mweo; akakulekeleleni lini kapena kukusiyani mweo; musacite mantha, musankhale osalimbikishiwa." ⁹ Mose ellemba lamulo ili na kubapasa ba nsembe, bana banalume ba Levi, benzo nya,ula likasa la cipangano ca Yehova, epasako yayakine ku akulu akulu onse ba Israeli. ¹⁰ Mose elamulila na kuti, "pa kusila kwa zaka seveni, pa nthawi yeciika yofafaniza nkhongole, pa madyelelo ya misasa, ¹¹ pamene a Israeli onse akuza kuzoonekela pamenso pa Yehova Mulungu wanu mu mumalo yati akasankhe ya Kacisi yake, mukabekenge lamulo ili pamenso pa a Israeli onse mu kumvwilila kwao. ¹² Letani banthu, analume, anakzi na bana atontho, na alwendo ali pa mulayango wa munzi, teto kuti akamvwe nakuphunzila, na kuti bakalemekeze Mulungu wanu na kusunga mau onse ba lamulo ili. ¹³ Mucite kuti bana bao, bamene belizibe, bakamvwe nakulemekeza Mulungu wanu, malinga muli na moyo mu malo yamukuya kutauka Yorodani kuyonkhalamo." ¹⁴ Yehova eciti kwa Mose, "langa siku likuza lakuti ukamwalile, uyite Yoswa na kuwela Mose kut tenti lokumanamo na kuonekela, teto kuti nikamupe lamulo." Mose na Yoswa eluta na kuonekela ku tetni yokumanako. ¹⁵ Yehova eonekela mu tenti mumtambo wotikama; mtambo wotikama wepanama pamlyango ya tenti. ¹⁶ Yehova euzya Mose, "langa, ukuyolala na makolo bako; aba banthu bakanyamuke na kucita monga ni mahule kuknkha milungu yacilwendo yamene yali pakati pao ku malo kwamene kubakuya. Bakanitaye nakuphwanya pangano yamene nepanga na beve. ¹⁷ Koma, pali ila siku, ukali wangu ukabaukile ndipo nikabalekelele. Nikavise cinso cangu kwa beve ndipo bakaonongeke. Voipa vinyinjina vovutisha, vikabawelele teto kuti bakalabile pa siku ila, 'ko viipa viliye wele kwa seo cifukwa Mulungu wasu ali lini pakati pasu?' ¹⁸ nikavise cinso cangu kwa beve cifukwa ca viipa vati bakacite, cifukwa bewelela kuli milungu ziyakine. ¹⁹ Lomba zilembeleni iyi nyimbo na kuiphunzisha ku banthu baku Israeli. Muiike mkwamwa mwao, teto kuti nyimbo iyi ingabe umboni kwa neo kususha banthu baku Israeli. ²⁰ Pakuti ngati nabaleta mu calo cilumbila kupasa ku makolo yao, calo ca mkaka na uci, ndipo bakayokulya kukuta na kuina, akapulike kuli milungu iyakine na kuyamba kuipembeza na kunzonda neo na kuphwanya cipangano cangu. ²¹ Koma zobaba na ziipa zikawele pali aba banthu, iyi nyimbo nyimbo ikabe monga umboni (pakuti ikalubiwe lini pakamwa pa bana bakuza kuvuli kwao). Pakuti nuziba maganizo bakuoangana lero, nangu nikaliyo baleta ku malo inebalonjeza. ²² Teto Mose elemba nyimbo iyi nakuiphunzisha ku banthu ab Israeli. ²³ Yehova epasa Yoswa mwana wa Nuni lamulo na kuti, "nkhala olimba ndipo olimbikishi bwino; pakuti ukalete banthu ba Isralei mu malo yinelumbila kuli beve, ndipo nikabe na mweo." ²⁴ Cecitika kuti Mose pecisilizya kulemba mau ba lamulo iyi mu buku, ²⁵ elamulila bana ba Levi bonyamula likasa la cipangano ca Yehova, na kubauzya kuti, ²⁶ "Tolani buku ili la malaulo na kuliika pambali pa likasa lacipanganoca Yehoba Mulungu wanu teto kuti ikankhalw mboniwa mweo. ²⁷ Pakuti nuziba kuukila kwanu na kuyuma mitima kwanu; langani, pinenze namoyo na mweo mpaka lero, mwankhala oukila Yehova; cikabe tyani nikafwa? ²⁸ Ikani pamozi akulu akulu onse ba mitundu yanu, na akapitao banu, teto kuti nilabile mau aba mu matu mwao na kulita kululu na pansi kuti vibe mboni zao. ²⁹ Pakuti nuziba kuti neo nikafwa mukazithombeleshe na kupindimuka kufuma mu njila inekulamulilani mweo; viipa vikawele kwa mweo mu masiku yokonkhapo. Ivi vikuyocitika cifukwa mukacite viipa pamenso pa Yehova, teto na kumukwiisha na ukali kupitila mu zinchito za manja banu." ³⁰ Mose eyakamba mu mumatu mwa gulu lonse la Israeli mau ba nyimbo iyi mpaka kuyasilizya.