¹ Bansembe, amene ali aLevi, na mitundu yonse ya aLevi, akabe aliye gao olo coloba na Israeli; bakokulya copeleka ca Yehova copangiwa na muliro kuba coloba cao. ² Ofunika lini kuba na colobapakati pa anekwao analume; Yehova niye coloba cao, monga mwenenela na beve. ³ Ici niye colob copasa bansembe, cupasiwa kwa beve kufuma ku banthu bala othwala nsembe, kapena ingabe ngómbe olo mbelele; phewa, mbovu zibili, na cifu. ⁴ Vipaso vanu voyamba kukya, na vintu wanu wa lomba, na mafuta banu na usako oyamba wa mbelele, mufunika kupasa beve. ⁵ Pakuti Yehova Mulungu wanu emusankha kufuma ku mtundu wanu onse kupanama kutumikila mu zina ya Yehova, eve na bana bake analume mpaka kale-kale. ⁶ Ngati mu Levi wawela kufuma ku boma iliyonse ya Israeli kufuma kwaenzonkhala, ndipo ofunishisha na moyo wake wonse kuwela ku malo yawasankha Yehova, ⁷ teto ofunika kutumikila mu zina la Yehova Mulungu wake monga onse anekwao nalume a Levi ocitila, wamene opanama kwala pamenso pa Yehova. ⁸ Ofunika kuba na vigao volingana kulya, kufumyako vala vuwela kuzogulisiwa ku coloba ca banja. ⁹ Pati mukawele mu calo camene Yehova Mulungu wanu okupasani, mufunika lini kuphunzila kucita vonyanyisha na mitundu yala. ¹⁰ Pasapezeke pakati panu opeleka nsembe mwana wake mwanalume kapena mwanakazi pamuliro, aliyense osebenzesha maele olo ouzya za cuma, olo kubelenga vizindikilo vupezeka mu kapu, olo kucita umfwiti, ¹¹ aliyense wamasenga, osilikila, oweweta, olo opinduzya, kapena kusenga nzelu ku mizimu ya banthu akufwa. ¹² Pakuti laiyense ocita ivi vinthu nionyanyisha kwa Yehova; ni kamba ka ivi vonyanyisha kuti Yeha Mulungu wanu obapilikisha kufuma [amenso panu. ¹³ Mufunika kuba osalakwa pamenso pa Mulungu wanu. ¹⁴ Pakuti amitundu aba bati mukalonde omvwila kuli bala ocita masenga na maele; koma kwa mweo, Yheova Mulungu wanu okuvomelezyani lini kucita teto. ¹⁵ Yehova Mulungu wanu akaushe onenera pakati panu, umozi wa anekwanu analume, monga neo. Mufunika kumumvwilila. ¹⁶ Ici niye cimwekonsha kufuma kwa Yehova Mulungu wanu mu Horebe pa siku la kusonkhana, nolabila, tisamvwe soti mau ba Yehova Mulungu wasu, olo kulanga soti muliro uyu ukuleni, kapena tingafwe.' ¹⁷ Yehova eccit kwa neo, 'cibalabila beve nicabwino. ¹⁸ Nikaushe mneneri ba beve pakati pa anekwao analume, monga tyala mweo. Nikaike mau bangu pakamwa pake, ndipo akalabile kwa beve vonse vinemulamulira. ¹⁹ Cikacitike kuti aliyense wati akamvwile lini ku mau bangu bati akalabile mu zina langu, neo nikamkonshe eve. ²⁰ Koma mneneri wati akolabila liu lozikuzya mu zina langu, liu laniliye mulamulile kulabila, olo wamene olabila mu zina la milungu iyakine mneneri wala ofunika kufwa.' ²¹ Ici niye cumufunika ulabil mu mtima mwanu: 'tingazibe tyani uthenga wamene Yehova aliye ulabile?' ²² Mweo mukazibe uthenga wamene Yehova olabila pamene mneneri olabila mu zina la Yehova. Ngati vinthu vila vuoneka ili olo kucitka, niye kuti ni viyakine vamene Yehova aliye vilabile ndipo meneneri elabila mozikuzya, ndipo mufunika lini kumuyopa.