¹ Lomba Afilisiti bekangana na Aisraeli. Mwanalume aliyense wa Aisraeli ethaba pamenso pa Afilisisi na kupona pansi nakufwa mu lupili la Giliboa. ² Afilisiti eyumilila kukonkha Sauli na bana bake. Afilisiti bepaya Yonatani, Abinadabu, na Malikisua, bana bake analume. ³ Ndipo nkhondo yemkulira Sauli; ndipo olasa mauta bempeza, ndipo bemcita cipongwe. ⁴ Teto sauli eciti kwa omnyamulira visulo, "Solola cipula nakunilasa naco. Mwina mwake, aba osadulidwa angafwike na kunzunza." Koma onyamula visulo aliye cite, pakuti enze na mantha ngako. Teto Sauli etola cipula cake nakuzilasa eka. ⁵ Onyamula visulo peciona kuti Sauli wafwa, cimozi-mozi naye eponela pa cipula na kufwa. ⁶ Teto Sauli ecifwa, na bana bake atatu analeme, teto onse bapabanja pake befwila pamozi. ⁷ Analume onse ba Israeli enze mumshambo pibeona kuti bathaba ndpo kuti Saulo na bana bake banalume bafwa, besiya mizinda yao nakuthaba, Afilisiti efwika nakunkhalamo. ⁸ Peyefwika siku lokonkhapo, pamene Afilisiti efwika kuzonyamula va bakufwa, bepeza kuti Saulo na bana bake nibakufwa pa lupili la Giliboa. ⁹ Bemuvula vovwala na kutola mutu wake na visulo vake. Betuma akaphaso m'maiko monse mwa Afilisiti kuthwala uthenga ku mafano yao na kubantu. ¹⁰ Beika visulo vake mu kacisi wa milingu yao, na kupanyika mutu wake ku kacisi wa Dagoni. ¹¹ Ayabesi Giliyadi onse pibecimvwa vibecita Afilisiti kwa Saulo, ¹² analume bankhondo onse beluta kuyotola mubili wa Saulo na bana bake, na kubaleta kwa Yabesi. Befwikila mabonzo baomnyasi mwa cimuti ca bwemba ku Yabesi ndipo baliye kulye kanthu masiku seveni. ¹³ Teto Saulo ecifwa cifukwa enze osakhulupilika kwa Yehova. Aliyekonkhe malamulo ba Yehova, koma efuna malangizo kufuma kwa aliyense walabila na mizimu za banthu. ¹⁴ Enzofuna lini citetezo kufuma kwa Yehova, teto Yehova emupaya na kuthwala ufumu kwa Davite mwana wa Jese.