¹ Pagkatapos pinadala ni Pilato sa mga sundalo at nilatigo nila siya. ² Gumawa ang mga sundalo ng koronang tinik at iniligay nila ito sa ulo ni Jesus. Dinamitan din nila siya ng damit na kulay ube. ³ At sinabi nila sa kaniya, "Purihin ka, Hari ng mga Judio!" At binugbog nila siya. ⁴ Lumabas si Pilato muli at sinabi sa kanila, "Tingnan niyo at dinala ko siya sa inyo para malaman niyong wala akong nakita na ginawa siyang kasalanan." ⁵ Kaya lumabas si Jesus na may suot na koronang tinik at damit na kulay ube. Sinabi ni Pilato sa kanila, "Tingnan ninyo ang lalaking ito!" ⁶ Nung makita ng mga punong pari at mga pinuno si Jesus, sumigaw sila, 'Ipako siya sa krus! Ipako siya sa krus!" Sinabi ni Pilato sa kanila, "Kunin niyo siya at ipako niyo sa krus dahil wala akong nakitang ginawa siyang kasalanan." ⁷ Sinagot siya ng mga Judio, "Mayroon kaming batas at ayon sa aming batas, dapat siyang mamatay dahil sinasabi niyang siya ang Anak ng Diyos." ⁸ Nung marinig ito ni Pilato, lalo siyang natakot, ⁹ at bumalik siya sa himpilan ng gubernador at sinabi niya kay Jesus, "Saan ka ba nanggaling?" Pero hindi sumagot si Jesus." ¹⁰ Sinabi ni Pilato sa kaniya, "Bakit ayaw mo akong sagutin? Hindi mo ba alam na may kapangyarihan akong pakawalan ka at kapangyarihan para ipapako ka sa krus?" ¹¹ Sinagot siya ni Jesus, "Wala kang kapangyarihan sa akin maliban na lang sa kapangyarihang ibinigay sa iyo mula sa itaas. Sa gayon, siya na nagdala sa akin sa iyo ay mas mabigat na kasalanan." ¹² Dahil sa sagot na ito, balak sana siyang pakawalan ni Pilato pero sumigaw pa rin ang mga Judio, "Kung palalayain niyo ang lalaking iyan, hindi ka kaibigan ni Cesar. Ang sinumang nagpapakilala na siya ay hari ay kalaban ni Cesar." ¹³ Nung marinig ito ni Pilato, dinala niya sa labas si Jesus at umupo siya sa upuan ng tagahatol na tinatawag na "Entablado," pero Gabbatha sa salitang Hebreo. ¹⁴ Ang araw na iyon ay paghahanda para sa Paskuwa at nasa tanghaling tapat na. Sinabi ni Pilato sa kanila, "Tingnan ninyo ang inyong hari!" ¹⁵ Sumigaw sila, "Patayin siya! Patayin at ipako niyo sa krus!" Sinagot sila ni Pilato, "Dapat ko bang ipapako sa krus ang inyong Hari?" Sumagot ang mga punong pari, "Wala kaming ibang hari kundi si Cesar!" ¹⁶ Kaya ibinigay ni Pilato si Jesus sa kanila para ipapako sa krus. ¹⁷ Kaya kinuha nila si Jesus at dinala sa labas at dinala niya ang krus papunta sa lugar na tinatawag na "Lugar ng Bungo," na sa salitang Hebreo ay Golgotha. ¹⁸ Ipinako nila si Jesus sa krus doon kasama ang dalawa pang lalaki at si Jesus ang nasa gitna nila. ¹⁹ Sumulat din si Pilato ng paskin at inilagay iyon sa krus. Nakasulat doon ang: JESUS NA TAGA-NAZARET, ANG HARI NG MGA JUDIO. ²⁰ Marami sa mga Judio ang nakabasa ng paskin na iyon dahil ang lugar kung saan ipinako si Jesus sa krus ay malapit sa lungsod. Ang paskin ay may nakasulat sa mga salitang Hebreo, Latino, at Griyego. ²¹ Sinabi ng mga punong pari ng mga Judio kay Pilato, "Huwag mong isulat na Hari ng mga Judio kundi ang ilagay mo ay isang nagpapakilalang Hari ng mga Judio." ²² Sumagot si Pilato, "Ang naisulat ko na ay naisulat na." ²³ Pagkatapos na ipapako ng mga sundalo si Jesus sa krus, kinuha nila ang kaniyang damit. Pinaghatian nila ito sa apat na piraso pati na ang kaniyang panloob. Ang panloob na ito ay nakatahi nang buo mula itaas hanggang baba. ²⁴ Sinabi nila sa isa't-isa, "Huwag na natin itong hatiin, kundi pagpustahan na lang natin kung kanino ito mapupunta." Nangyari ito para maganap ang sinabi sa kasulatan na, "Pinaghati-hatian nila ang aking mga damit at pinagpustahan ang aking mga damit." ²⁵ Nakatayo malapit sa krus ni Jesus ang kaniyang nanay, ang kapatid ng kaniyang nanay na si Maria asawa ni Clopas, at si Maria Magdalena. ²⁶ Nung makita ni Jesus ang kaniyang nanay at ang alagad na kaniyang minamahal na nakatayong malapit sa kaniya, sinabi niya sa kaniyang nanay, "Babae, tingnan mo ang iyong anak na lalaki." ²⁷ Sinabi niya rin sa kaniyang alagad, "Alagaan mo ang iyong nanay." Dinala ng kaniyang alagad ang nanay niya sa kaniyang tahanan sa oras na iyon. ^{30 28} Nung alam na ni Jesus na natupad na ang lahat ng nakasulat sa kasulatan, sinabi niya, "Nauuhaw ako." ²⁹ Mayroon doong sisidlan ng maasim na alak at inilagay nila ito sa isang espongha na idinikit sa isang tungkod. Inabot nila ito kaniyang labi. Pagkatapos na uminom si Jesus ng maasim na alak, sinabi niya, "Naganap na." Yumuko ang kaniyang ulo at ibinigay na niya ang kaniyang espiritu. ³¹ At dahil iyon ay araw ng paghahanda, hindi dapat na manatili ang mga katawan ng mga nakapako sa krus dahil malapit na ang Araw ng Pamamahinga (dahil mahalaga ang pagdiriwang na iyon). Hiniling nila kay Pilato na baliin na ang mga binti ng mga nakapako at alisin na sila roon. ³² Lumapit ang mga sundalo at binali ang binti ng una at pangalawang lalaki na kasama ni Jesus na nakapako roon. ³³ Nung makita ng mga sundalo na patay na si Jesus, hindi na nila binali ang mga binti niya. ³⁴ Pero may isa sa mga sundalo ang tumusok sa tagiliran niya gamit ang isang sibat at may lumabas na dugo at tubig mula roon. ³⁵ Nagpapatotoo sa inyo ang nakakita nito at tunay ang kaniyang patotoo. Alam din niyang totoo ang kaniyang nakita para kayo rin ay maniwala sa kaniya. ³⁶ Nangyari ang mga bagay na ito para matupad ang kasulatan na, "Wala kahit isa sa kaniyang mga buto ang mababali." ³⁷ Sinabi rin sa kasulatan, "Mamasdan nila siya na kanilang tinusok." ³⁸ Pagkatapos nito, hiniling ni Jose na taga-Arimathea ang katawan ni Jesus dahil isa si Jose sa mga alagad na Jesus pero ginawa niya ito ng palihim dahil na rin sa takot niya sa mga Judio. Binigyan siya ni Pilato ng pahintulot. Kaya kinuha ni Jose ang kaniyang katawan. ³⁹ Dumating din si Nicodemo na unang nakipagkita kay Jesus sa gabi. May dala siyang magkahalong mira at mga aloe na aabot sa isandaang litro. ⁴⁰ Kaya kinuha nila ang katawan ni Jesus at binalutan siya ng linong tela at may mga pang-embalsamo ayon sa kaugalian ng paglilibing ng mga Judio. ⁴¹ Malapit sa lugar ng pinagpakuan sa krus ang isang hardin. May bagong libingan sa hardin na ito na hindi pa ginamit kahit minsan. ⁴² Inilibing nila roon si Jesus dahil araw iyon ng paghahanda ng mga Judio at dahil malapit lang ito.