¹ Dumating ang Pista ng Paskwa. Alam ni Jesus na dumating na ang oras na aalis siya sa mundo at babalik sa Ama. Minamahal niya ang kaniyang mga kasama at minamahal niya sila hanggang sa huli. ² Sa oras na iyon, inilagay na ng demonyo sa puso ni Judas Iscariote na anak ni Simon ang ipagkanulo si Jesus. Kaya sa hapunang ito, ³ Alam ni Jesus na ibinigay na ng Ama ang lahat ng bagay sa kaniyang mga kamay at siya'y nagmula sa Diyos at babalik na sa Diyos. ⁴ Tumayo siya sa hapag at tinanggal ang kaniyang balabal. Kumuha rin siya ng tuwalya at ibinalot niya ito sa kaniyang sarili. ⁵ Pinuno niya ng tubig ang palanggana at sinumulan niyang hugasan ang mga paa ng mga alagad at pinatutuyo ang mga ito gamit ang tuwalyang ibinalot niya sa kaniyang sarili. ⁶ Nagpunta siya kay Simon Pedro, at sinabi sa kaniya ni Pedro, "Panginoon, huhugasan mo ba ang aking mga paa?" ⁷ Sumagot si Jesus, "Maaaring hindi mo pa maiintindihan ang gagawin ko ngayon pero maiintindihan mo rin ito sa huli." ⁸ Sinabi sa kaniya ni Pedro, "Hinding-hindi mo huhugasan ang aking mga paa." Sumagot si Jesus, "Kung hindi kita huhugasan, wala kang bahagi sa akin." ⁹ Sinabi ni Simon Pedro sa kaniya, "Panginoon, huwag mo pong hugasan lang ang aking paa kundi pati na rin ang aking mga kamay at ulo." ¹⁰ SInabi sa kaniya ni Jesus, "Hindi na kailangang linisin pa ang taong nakapaligo kundi ang kaniya lang mga paa dahil malinis na ang kaniyang buong katawan. Malinis ka na pero hindi kayong lahat." ¹¹ (Alam na ni Jesus kung sinong magkakanulo sa kaniya kaya niya sinabi, "Hindi ang lahat sa inyo ay malinis.") ¹² Pagkatapos hugasan ni Jesus ang kanilang mga paa, muli niyang isinuot ang kaniyang balabal at umupong kasama nila. Sinabi niya sa kanila, "Naiintindihan niyo ba ang ginawa ko para sa inyo? ¹³ Tinatawag niyo akong 'guro' at 'Panginoon,' at tama kayo sa inyong sinabi dahil iyon ang totoo." ¹⁴ Kaya kung itinuturing niyo akong bilang inyong Panginoon at Guro, hinugasan ko ang inyong mga paa kaya dapat rin ninyong hugasan ang paa ng isa't-isa. ¹⁵ Nagpakita ako sa inyo ng isang halimbawa para gawin din ninyo ang ginawa ko para sa inyo. ¹⁶ Sinasabi ko sa inyo ang totoo, hindi mahihigitan ng isang lingkod ang kaniyang panginoon; hindi rin mahihigitan ng isang isinugo ang nagsugo sa kaniya. ¹⁷ Kung alam niyo ang mga bagay na ito, mapalad kayo kung gagawin niyo ito. ¹⁸ Hindi ko ito sinasabi para sa inyong lahat. Kilala ko kung sino ang aking mga pinili—pero nangyari ito para maganap ang nasusulat: 'Ang sinumang kumain ng aking tinapay ay nagtaas din ng paa laban sa akin.' ¹⁹ Sinasabihan ko na kayo bago pa ito mangyari para pag mangyari na ito, maniniwala kayo na AKO NGA. ²⁰ Sinasabi ko sa inyo ang totoo, ang sinumang tumanggap sa isinugo ko ay tumatanggap din sa akin at sinumang tumanggap sa akin ay tumatanggap sa kaniya na nagsugo sa akin." ²¹ Nung sinabi ito ni Jesus, nabagabag ang kaniyang espiritu. Mariin niyang sinabi, "Sinasabi ko sa inyo ang totoo, isa sa inyo ang magkakanulo sa akin." ²² Nagtinginan sa isa't isa ang mga alagad at nagtaka kung sinong pinatutungkulan niya. ²³ Sa oras na iyon, katabi ni Jesus sa hapag ang isa niyang alagad, ang alagad na minamahal niya. ²⁴ Tinawag ni Simon Pedro ang pansin ng alagad na ito at sinabi, "Itanong mo sa kaniya kung sinong pinapatungkulan niya." ²⁵ Sumandal ang alagad sa tabi ni Jesus at tinanong niya, "Panginoon, sino po ba iyon?" ²⁶ Sumagot si Jesus, "Ang taong tinutukoy ko ang siyang pagbibigyan ko ng piraso ng tinapay na isinawsaw ko." Kaya isinawsaw niya ang tinapay sa sabaw at ibinigay ito kay Judas na anak ni Simon Iscariote. ²⁷ Nung maibigay niya ang tinapay, pumasok si Satanas sa kaniya. Kaya sinabi sa kaniya ni Jesus, "Gawin mo na agad kung anong binabalak mong gawin." ²⁸ Walang isa man sa kanilang nakaupo sa paligid ng hapag ang nakaunawa bakit niya ito sinabi sa kaniya. ²⁹ Inisip tuloy ng ibang alagad na lumabas si Judas para mamili ng mga bagay na kailangan sa pista dahil siya ang nagdadala ng pitaka ng pera o baka sinabihan siya ni Jesus na magbigay ng limos sa mahihirap. ³⁰ Pagkatapos kunin ni Judas ang tinapay, lumabas siya agad sa gabing iyon. ³¹ Pagkaalis ni Judas, sinabi ni Jesus, "Ngayon, luluwalhatiin ang Anak ng Tao at ang Diyos ay naluluwalhati sa kaniya. ³² Kung ang Diyos ay naluluwalhati sa kaniya, luluwalhatiin din ng Diyos ang Anak ayon sa kaniya at muli niya siyang luluwalhatiin. ³³ Mga maliliit kong anak, kasama niyo ako sa maigsi na lang na panahon. Hahanapin ninyo ako at tulad ng sinabi ko sa mga Judio, 'Kung saan ako pupunta, hindi kayo makakarating.' Sinasabi ko rin ito sa inyo. ³⁴ Binibigyan ko kayo ng bagong utos: magmahalan kayo sa isa't isa. Kung paano ko kayong minahal, dapat niyo ring mahalin ang isa't isa. ³⁵ Sa ganitong paraan, makikilala ng lahat ng tao na kayo ang mga alagad ko, kung mamahalin ninyo ang isa't isa." ³⁶ Sinabi ni Simon Pedro sa kaniya, "Panginoon, saan po kayo pupunta?" Sumagot si Jesus, "Kung saan ako pupunta, hindi kayo makakasunod, pero ngayon, pero makakasunod din kayo sa huli." ³⁷ Sinabi ni Pedro sa kaniya, "Panginoon, bakit po ako hindi makakasunod sa inyo ngayon?" Iaalay ko ang buhay ko para sa iyo." ³⁸ Sumagot si Jesus, "Talaga bang iaalay mo ang buhay mo para sa akin? Sinasabi ko sa inyo ang totoo, bago pa tumilaok ang tandang, tatlong beses mo na akong ipinagkanulo."