¹ Anim na araw bago sa Paskwa, dumating si Jesus sa Betania sa lugar na kinaroroonan ni Lazao, ang lalaking binuhay ni Jesus mula sa patay. ² Kaya naghanda sila ng hapunan para sa kaniya. Si Marta ang nagaabot ng handa habang si Lazaro ay nakikinig kasama ni Jesus sa hapag. ³ Kumuha si Maria ng paso na may nilalamang mamahaling purong pabango. Ipinahid niya ang pabango sa paa ni Jesus gamit ang kaniyang buhok. Napuno ang buong bahay ng halimuyak ng pabango. ⁴ Nagsalita si Judas Iscariote, isa sa mga alagad niyang nagkanulo sa kaniya, ⁵ "Bakit hindi niya ipinagbili ang pabangong nagkakahalagang tatlong daang denaryo at pinamigay sa mga mahihirap?" ⁶ Sinabi niya ito hindi dahil sa iniisip niya ang mga mahihirap kundi dahil isa siyang magnanakaw. Siya ang nagdadala sa pananalapi at nagnanakaw siya mula sa mga inilalagay rito. ⁷ Sinabi ni Jesus, "Hayaan niyo siyang gawin ito bilang paghahanda sa aking paglilibing. ⁸ Lagi niyong makakasama ang mga mahihirap na tao pero hindi niyo ako laging makakasama." ⁹ Ngayon, may isang malaking pagtitipon ng mga Judio ang nakabalitang naroon si Jesus at nagpunta sila roon, hindi lang para makita si Jesus, kundi pati na rin si Lazaro, na binuhay ni Jesus mula sa patay. ¹⁰ Nagusap-usap din ang mga pinunong pari para ipapatay rin nila si Lazaro, ¹¹ dahil sa kaniya kaya lalong dumadaming Judio ang naniniwala kay Jesus. ¹² Sa sumunod na araw, napakaraming tao ang nagtungo sa pista. Nung marinig nilang pupunta si Jesus sa Jerusalem, ¹³ kumuha sila ng mga sanga ng mga palmo at sinalubong siya na nagsasabing, "Hosanna! Mapalad ang dumarating sa pangalang ng Panginoon, ang Hari ng Israel." ¹⁴ May nakita si Jesus na batang asno at sinakyan niya ito; ganito ang nasusulat, ¹⁵ "Huwag kang matakot, anak na babae ni Zion. Tingnan mo, paparating ang iyong hari na nakaupo sa bisiro ng asno." ¹⁶ Nung una, hindi pa naunawaan ng mga alagad ang kahulugan nito, pero pagkatapos na luwalhatiin si Jesus, naalala nila ang mga bagay na ito at isinulat nila ang tungkol sa kaniya at sa mga bagay na ginawa sa kaniya. ¹⁷ Ngayon, pinapatunayan ng mga taong kasama niya nung tinawag niya si Lazaro mula sa libingan at binuhay siya mula sa patay. ¹⁸ Ito rin ang dahilan bakit siya sinalubong ng mga tao dahil narinig nilang ginawa niya ang tandang ito. ¹⁹ Nagusap-usap silang mga Pariseo, "Wala kayong nagawang maganda. Tingnan niyo, sumusunod na sa kaniya ang buong mundo." ²⁰ May mga Griyego doon na nagtungo para sumamba sa pista. ²¹ Nagpunta sila kay Felipa na taga-Betsaida sa Galilea. Tinanong nila siya, "Ginoo, gusto po naming makita si Jesus." ²² Nagpunta si Felipe kay Andres, at nagtungo sina Felipe at Andres at sinabi nila ito kay Jesus. ²³ Sinagot sila ni Jesus, "Dumating na ang oras para luwalhatiin ang Anak ng Tao. ²⁴ Sinasabi ko sa inyo ang totoo, maliban na mahulog ang isang butil ng trigo sa lupa at mamatay ito, mananatili lang itong mag-isa. Pero pag namatay ito, saka pa lang magbubunga ito ng maraming butil. ²⁵ Ang sinumang minamahal ang kaniyang buhay ay mawawalan nito. Pero ang sinumang kinamumuhian ang kaniyang buhay sa mundong ito, mananatili ito sa kaniya sa buhay na walang hanggan. ²⁶ Ang sinumang gustong maglingkod sa akin ay susunod sa akin. At kung nasaan ako, doon din pupunta ang aking lingkod. Ang sinumang maglilingkod sa akin ay paparangalan ng aking Ama. ²⁷ Ngunit nabibigatan ang damdamin ko ngayon at anong dapat kong sabihin? 'Ama, iligtas niyo po ako sa oras na ito?' Pero ito ang dahilan kung bakit ako naparito. ²⁸ Ama, luwalhatiin mo ang iyong pangalan.' Tapos may isang tinig na nagmula sa langit ang narinig, "Niluwalhati ko na ito at muli ko itong luluwalhatiin." ²⁹ Narinig ito ng mga taong nakatayo roon at sinabi nila nagkaroon ng kulog. Sinabi naman ng iba, "May anghel na kumausap sa kaniya." ³⁰ Sumagot si Jesus, "Hindi para sa akin ang tinig na ito kundi para sa inyo. ³¹ Ngayon na ang paghahatol sa mundong ito. Ngayon, papalayasin ang pinuno ng mundong ito. ³² Kung itataas ako sa lupang ito, idadako ko ang lahat ng tao patungo sa aking sarili." ³³ Sinabi niya ito para ipakita ang paraan kung paano siya mamamatay. ³⁴ Sinabi ng mga tao sa kaniya, "Narinig naming sinasabi ng Kautusan na walang hangganan ang Cristo. Paano mo nasabing, 'Dapat maitaas ang Anak ng Tao? "Sino ba itong Anak ng Tao?" ³⁵ Sinabi sa kanila ni Jesus, "Mananatili pa sa inyo ang liwanag sa panandaliang panahon. Lumakad kayo habang kasama niyo pa ang liwanag para hindi kayo abutan ng kadiliman. Hindi alam ng isang taong nasa dilim kung saan siya pupunta. ³⁶ Habang kasama niyo pa ang liwanag, maniwala kayo sa liwanag para maging mga anak kayo ng liwanag." Sinabi ni Jesus ang mga bagay na ito at umalis siya at nagtago mula sa kanila. ³⁷ Kahit na gumawa si Jesus ng napakaraming tanda sa kanila, hindi pa rin sila naniwala sa kaniya ³⁸ kaya natupad ang salita ng Propeta Isaias, "Panginoon, sino ang naniwala sa aming ulat, at kanino ipinahayag ang kamay ng Panginoon?" ³⁹ Ito ang dahilan bakit hindi sila naniniwala dahil sinabi rin ni Isaias, ⁴⁰ "Binulag niya ang kanilang mga mata, at pinatigas ang kanilang mga puso, dahil kung hindi, baka makakita sila ng kanilang mga mata at maunawaan ng kanilang mga puso, at manumbalik, para pagalingin ko sila." ⁴¹ SInabi ni Isaias ang mga bagay na ito dahil nakita niya ang kaluwalhatian ng Jesus at nagpahayag tungkol sa kaniya. ⁴² Sa kabila nito, marami sa mga pinuno ang naniwala kay Jesus. Pero dahil sa takot nila sa mga Pariseo, hindi nila sila nagpapahayag ng paniniwala dahil ayaw nilang pagbawalan na pumasok sa sinagoga. ⁴³ Mas ginusto nilang tumanggap ng papuri mula sa mga tao kaysa sa papuri na mula sa Diyos. ⁴⁴ Sinabi ni Jesus, "Ang sinumang naniniwala sa akin ay hindi lang naniniwala sa akin kundi sa kaniya na nagsugo sa akin, ⁴⁵ at ang sinumang nakakita sa akin ay nakakita rin sa kaniyang nagsugo sa akin. ⁴⁶ Dumating ako bilang liwanag ng mundo, para ang sinumang maniwala sa akin ay hindi na matali sa kadiliman. ⁴⁷ Ang sinumang nakikinig sa aking mga salita pero hindi tinutupad ang mga ito, hindi ko huhusgahan ang taong iyon. Hindi ako naparito para husgahan ang mundo kundi para iligtas ito. ⁴⁸ Ang sinumang tumatakwil sa akin at hindi tumatanggap sa aking mga salita ay tatanggap ng paghatol sa isang maghahatol sa kaniya. Ang salitang ipinahayag ko ang hahatol sa kaniya sa huling araw. ⁴⁹ Hindi ako nagsalita para lang sa aking sarili kundi ang Ama na nagsugo sa akin. Siya ang nag-utos sa akin kung anong dapat sabihin at ipahayag. ⁵⁰ Alam kong ang utos niya ay walang hanggan kaya ito ang aking sasabihin—kung paanong nangusap sa akin ang Ama, ganito rin ang aking sinasabi."