¹ Pinapangaralan kita na unahin ninyo ang paghiling sa Diyos, sa panalangin, pasasalamat ay gagawin para sa lahat ng tao, ² para sa mga hari at lahat ng nasa kapangyarihan para makapamuhay tayo nang ligtas at mapayapa nang buong kabanalan at karangalan sa lahat ng bagay. ³ Mabuti ito at katanggap-tanggap sa harap ng Diyos nating tagapagligtas, ⁴ dahil gusto niyang mailigtas ang lahat ng tao at malaman ang katotohanan. ⁵ Dahil may isang Diyos at isang tagapamagitan ng Diyos at tao, si Cristo Jesus na nagkatawang tao. ⁶ Ibinigay niya ang kaniyang sarili bilang pantubos sa lahat at maging patotoo sa takdang panahon. ⁷ Dahil dito, pinili niya akong maging guro at apostol. Sinasabi ko ang totoo at hindi ako nagsisinungaling, isang guro ng mga Gentil ng pananampalataya at katotohanan. ⁸ Kaya gusto kong makapanalangin ang mga lalaki sa lahat ng lugar, na itinataas ang kanilang kamay nang walang galit at pagtatalo. ⁹ Gayundin, nais kong nakakapagsuot ng maayos ang mga babae na kagalang-galang at hindi nakakahiya, hindi sa pamamagitan ng magtirintas ng buhok, sa pagsuot ng ginto o perlas o mamahaling kasuotan, ¹⁰ kundi isuot ng kababaihan ang mabubuting pag-uugali sa pamamagitan ng paggawa ng mabuti. ¹¹ Dapat turuang manahimik ang mga babae at nang buong pagpapasakop. ¹² Hindi ko pinahihintulutan na magturo ang babae, o mamahala sa mga lalaki, kundi manatili sa pananahimik. ¹³ Dahil nilikha muna si Adan bago si Eba. ¹⁴ At hindi si Adan ang unang nadaya kundi ang babae na pagkatapos madaya ay nahulog sa pagkakasala. ¹⁵ Pero maliligtas siya sa pamamagitan ng panganganak, kung magpapatuloy sila sa pananampalataya, pag-ibig, kabanalan, at mahinahong isip.