¹ Nguno anyun agobo kaumanik agobo biko che tililen , kou ye kiang'at kanisosiek che bo Galatia , oyai ak akwe ko u noto. ² Ngogonor chi age tugul eng' akwe eng' betut ne bo tai ne bo wigit , ko u che te che kanyor , si mabiit kaumisiet ye tun anyo. ³ Ak ye tun aitu , ayokte alak tugul che kiolewen koboto baronok koib tuguk che bo aiybindeng'wong' koba Jerusalem. ⁴ Ak ngot ko nyolu awo agane , kebe tugul. ⁵ Ago anyonjinok,ye kaabunote Makendonia; amu abunoti Makedonia; ⁶ ago abere anyoni ketebi ak akwe eng' betusiek alak anan agot eng' betusiekab kaititiet , si kobiit omonorseiwo akwe eng' bandanyu eng' komosta age tugul ole awendi. ⁷ Amu mamoche ageerok nguno asiirtoi eng' oret ; amu amang'u ale atebi kobotok ne matia , ngo cham Kiptaiyat. ⁸ Ago ta atebe Epeso agoi betutab Pentekost; ⁹ amu kogiyotwo kurget ne o ne nyoljini boisionik ,ak mi bunik che chang' ¹⁰ Ngot anyun konyo Timoteo , ko ingotebi kobotok ama eng' kaiyweisiet; amu boisie inendet eng' boisietab kiptaiyat , ko u ye ayae agane: ¹¹ ama to sas chi inendet anyun . Ago omonorsechi inendet eng' bandanyi eng' kalyet si konyo ole ami : amu ageni inendet koboto che kitupche. ¹² Ago eng' ng'alekab Apolo ne kitupche , kiasom inendet mising' ale konyonjiok koboto tupchosiek: ak kima ko magonnye agot kitigin konyo nguno ; ago ta konyoni ye tun nyor boroindo. ¹³ Oripse , olumdege mising' eng' kayanet , otebi ko u murenik , ogimegitu. ¹⁴ ngoyaak eng' chomnyet tugul che oyoe. ¹⁵ Asomok anyun mising', che kitupche ( ongen che bo gotab Stepana , ole icheget tongoanik che bo Akaya , ak kichuljige koboisiechi che tililen), ¹⁶ ale ogasit akweche u chu , ak chi age tugul ne toreti eng' boisiet ak ne birtoege boisiet. ¹⁷ Ak abaibai eng' nyonunetab Stepana ak Portunato ak Akaiko: amu kiinyiiwo iche noto ne rarunot eng' komostang'wong'. ¹⁸ Amu kiimuung'ji tamirmiriennyu ak neng'wong' : onai anyun komie iche che u choto. ¹⁹ Igotok kanisosiekab Asia . Igotok Akula ak Priska mising' eng' Kiptaiyat, koboto kaniset ne mi gongwai. ²⁰ Igotok tupchosiek tugul . Ogatge eng' ng'atutiet ne tilil . ²¹ Kagatennyu nito ane Paulo eng' eunnyu. ²² Ngot ko machome chi age tugul Kiptaiyat ko ngoek ne chubot *Maran-atha. ²³ Ingotebi kobotok kororindab Kiptaiyat Jeiso Kristo. ²⁴ Ngotebi chomnyennyi kobotok tugul eng' Kristo Jeiso.*Amen.