¹ Orub chomnyet, ak omach mising' konunotoikab tamirmiriet, ako ne siirei ko amdaet. ² Amu inendet ne ng'ololi kutuswek che teriotin komong'ololchini biko 'itos, amu mwoe ung'otik eng' tamirmiriet. ³ Amu inendet ne amdoi kongololnchini biko ng'alekab teekset, ak kagimitet, ak kagaigaet. ⁴ Inendet ne ng'olole kutuswek che teriotin kotecheike, ako inendet ne amdoi koteeche kaniset. ⁵ Onkotomache ole ong'alal tugul eng kutuswek che terotin, ako ne siirei ko oamde ako inendet ne amdoi kosiir ne ng'alale ktuswek che terootin,anan koweech asi kobiit koteech kaniset. ⁶ Nguno anyun, ngot anyonchok ong'ololi eng kutuswek che terotin, ko koeku kelchin nee eng akwek? ngot ko mong'ololwok eng ng'ang'utiet anan eng naet, ananeng amdaet anan eng konetisiet? ⁷ Agot tugukche masapsot , che che cheitos ,anan ndurerut anan ketubet , ngo ma ibesio cheosiekwai,kenoitoi ano ne kiguute anan ne kibute? ⁸ Amu ngochei iriaget cheet ne magiguitos ,ko ng'o ne choboge agobo luget? ⁹ O u noto ak akwe ,ngot ko motwegu eng' ng'alek che nyumnyumen kegas , kenoitoi ano kit ne kagemwa? amu ong'ololjini olo buch. ¹⁰ U kele , mito kutuswek che chang'che teriotin eng' ng'weny ,ama mi ne matinye kito ne iboru. ¹¹ Ngot ko mangen anyun kito ne mwoe tuguchoto ,aegu bunotyo eng' inendet ne ng'ololi, ak inendet ne koegu bunotyot eng' ane. ¹² O u noto ak akwe , kou ye omoche mising' kommoikab tamirmiriet , ocheng' eng' kagiletab ge tukuk che igochini kaniset koteegak. ¹³ Noto anyun , inendet ne ng'ololi eng' kutit , ingosa si koweech ng'alek. ¹⁴ Amu ngasa eng' kutit ne mogigose ,kosoe tamirmiriennyu ago matinye logoek ng'omnotennyu. ¹⁵ Nee anyun? Asoe eng' tamirmiriet, ak atieni eng' tamirmiriet , ak atieni eng' ng'omnotet agine ¹⁶ Amu ngo ma u noto , ko ngeberuri eng' tamirmiriet, komwoitoi ano "*Amen"ye igoitoi kongoi ne tebe ole mi che ma inetge amu monoe kito ne imwoe? ¹⁷ Amu iman, igoitoi inye kongoi komie , ago manyor nin age kito ne imuchi koteech inendet. ¹⁸ Amwochini Jehovah kongoi ,ale ang'ololi kutuswek kosirrok akwe tugul: ¹⁹ ago achome amwa ng'alek mut eng' ng'omnotennyu eng' kanisa , si anet biko alak agiche kosiir amwa ng'alek elufusiek taman eng' kutitne mogigose. ²⁰ Che kitupche , amoegu leguk eng' ng'omnotet : ago oegu leguk che nyerotin eng' yaitio , ago oegu che kaoechegitu eng' ng'omnotet. ²¹ Kigisir eng' Ng'atutiet kele , Ang'ololjini bichu eng' biko che bo kutuswek alak , ak eng' kutuswekab toek ; ak agot ngo u noto komogose ,mwoe Kiptaiyat, ²² Noto anyun kutuswek ko bo kaborunet , ma eng' iche che iyonotin , ago eng' icheget che maiyonotin: ago amdaet ko bo kaborunet , ma eng' iche che iyoni. ²³ Noto anyun ngoumige kaniset komugul , ak kong'alal tugul eng' kutuswek che mogigose , ak ngo bwa go biko che ma inenotin anan ko che maiyonotin, ²⁴ Ago ngo amada tugul, ak konyo orit agenge ne maiyanat , anan ko ne ma inetige, koger kong' tugul inendet , ak koruokyini tugul inendet: ²⁵ ak king'anye ung'otikab mukuleldonyi ; ak kobutyi ng'weny anyun kong'uruk kolos Jehovah , komwoe kolen mi Jehovah , kwenung'wong 'iman. ²⁶ Nee anyun ,che kitupche ?Ye oumge , kotinye age tugul tiendab kolosunet , ak konetisiet, ak ng'ang'utiet,ak kutit ne mogigose, ak kaweegetab ng'alek. Ngoeogis tuguk tugul kotegogis. ²⁷ Ngo ng'alal chi age tugul eng' kutit ne mogigose ,kong'alal aeng'u , anan ko che masiire somok , ak ngorupge ; ak ngoweech chito age: ²⁸ Ago ngo momi weegindetab ng'alek , ko ngosis eng' kanisa ; ak ng'ongololjige inegei ak Jehovah. ²⁹ Ak ng'ongololio maotik aeng'u anan ko somok ; ng'oguiyo alak. ³⁰ Ago ngeng'onji ng'olyo age ne tebye eng' yoto , ngosis ni ka bo tai. ³¹ Amu omuchi akwe tugul oamde agenge agenge , si kobiit konetge tugul, ak konyor kagaigaet tugul; ³² ak kose it tamirmirikab maotik ; ³³ amu Jehovah ko ma Jehovah ne bo bolatet , ago bo kalyet .Ko u eng' kanissosiek tugul che bo che tililen. ³⁴ Ngosisyo chepyosok eng' kanisosiek :amu magichomjini icheget kong'alal;ago ngogasit ,ko u ye mwoe ng'atutik. ³⁵ Ak ngo moche iche konetge kiy ,kotebee maning'otoikwai eng' ga : amu kalilano ngo ng'alal chepyoso eeng' kaniset. ³⁶ Nee anyun?tos akwe che kimong'unenok ng'olyotab Jehovah? Anan kibwonjok akwege? ³⁷ Ngobwoti chi age tugul maotiot , ana chi ne mi eng' atebtab tamirmiriet , ko ngonai tuguk che asirwok kole choto ko ng'atutietab Kiptaiyat . ³⁸ Ago ngo maingen chi age tugul kiy ,ko ngoek kimanaiyat. ³⁹ Noto anyun , che kitupche , ocheng' mising' oamde , amatotai keng'alal eng' kutuswek che mogigose. ⁴⁰ Ago ngoeogis tuguk tugul ko u ye nyolu ak eng' chobet ne kararan.