¹ Agot ndang'alale kutuswekab biko ak malaikaisiek ama tinye chomnyet ko kaegu sukunwet ne cheei anan sanitab sukunwet bole. ² Agot ngotinye konunotiotab maoinotet ak oguisoti un'gotik tugul ak naet tugul, ak agot ng'otinye kayanet tugul, ne omuchi oisto tulontok, ama tinye chamnyet ko ai buch. ³ Agot ngonemu tukuchu kebae bononik, agot ngoneme bortangu kebeel, ama tinye chamyet komokelwo kiy. ⁴ Chamyet ko muitoi, ako tala, ama mene. ⁵ Ama yae ne ma nyolu, mochenginge chechi, ama iiti tokisiet ama iiti yoitio. ⁶ Moboibochini ne mo bo iman, ago baibai eng' imanda. ⁷ Sisei eng' tuguk tugul, iyoni tuguk tugul, imon'gu tuguk tugul, muitoi eng' tuguk tugul. ⁸ Mororu chomnyet agoi, ago ngot ko mi maoinotet koite let, ngo mi kutuswek che teriotin ko ite kosisio, ngo mi naet koite kokesge. ⁹ Amu kingen eng' kebeberta ak keamdoi eng' kebeberta. ¹⁰ Amu Tun nanyo anyun indenet ne ikesunotge koit let ne bo kebeberta. ¹¹ Ki ngoii lekwa ko kiong'ololi ko u lekwa ak akuiye ko u lekwa,kiabwat ko u lekwa,ago king'aeku muren amete tukukab lekwandit. ¹² Amu nguno kekere eng' kioit eng' tamirmiron ako tun kekere tokoch eng' tokoch, nguno ongen eng' kebeberta, ago tun onae ko ye kigenaa. ¹³ Ago tebye nguno kayanet, kamang'unet,ak chomyet chito somok, ago ne o eng' chito ko chomyet.