¹ Momoche oeku che mongen tupchosiek nguno akobo konunotoikab tamirmiriet ² Ongen ole kigii bororiosiek che kigitorchech cheptailelisiek che motwegu kou ye kigindoiywok ³ Noto anyun agonok oguiye ole , mami chi ne ng'ololi eng' Tamirmirietab Jehovah ne mwoe kole , Jeiso ko chubot ;ama mi chi ne imuchi komwa kole ,Jeiso ko Kiptaiyat , kobate eng' Tamirmiriet ne Tilil. ⁴ Nguno komi teerchinet eng' konunotoik ako tamirmiriet ko agenge. ⁵ Ako mi ribsosiek che teriotin ako kiptaiyat ko agenge. ⁶ Ako mito boisionik che teriotin ako Jehovah ko agenge ne boisie eng' tugul. ⁷ Ako kaborunetab tamirmiriet ko kigochi chi tugul si kotoretege. ⁸ Amu kigochi chito age ng'olyotab ng'omnotet eng' Tamirmiriet ; ak kigochi age ng'olyotab naet ,eng' Tamirmirionoto:. ⁹ Age ko kayanet eng' tamirmirionoto eng' age ko konunotiotab kanyoiset eng' tamirmirionoto. ¹⁰ Eng' age koyae kwong'utik ko eng' age maoinatet; eng' age koguitos tamirmirik, eng' kutuswek che teriotin, eng' age ko waletab kutuswek che teriotin. ¹¹ Ago boisie chuto tugul tamirmiriet ne noto agenge, kopchechini age tugul ko u ye makyini. ¹² Ku u ye agenge borto, ago tinye kebeberwek chi chang', Ago kebeberwek che chang', che bo boroto akot nda chang' ko borto agenge ko u noto Kristo. ¹³ Amu eng' tamirmiriet agenge, ko kigebatisanech eng' borto agenge, ngo Yahudik,anan Yunanik,ngo ratotin , anan kotiogotin , ak kigigonech ache tugul kee eng' Tamirmiriet agenge. ¹⁴ Amu borto ko ma kebeberta agenge ago chang', ¹⁵ Ngot kole keldo, amu moii eut, komobo borto, ko tos mo bo borto? ¹⁶ Ak ngot kole itit, amu moii konda, ko mobo borto, ko tos mo bo borto? ¹⁷ Ngot ko borto komugul ko konda, ko nda mi ano kastaet? Nda tugul ko kastaet nda mi ano kong'uiset ? ¹⁸ Ago nguno ko kigonde Jehovah kebeberwek, age tugul eng' iche, eng' borto, ko u ye kicham indendet. ¹⁹ Ago nda ki tugul ko kebeberta, nda mi ano borto? ²⁰ Agot nguno nganda tinye kebeberwek che chang',ko borto akenge. ²¹ Ama lechini konda eut, mamochin.anan kolechi metit kelyek mamochok. ²² Ako ne siire mising', ko kebeberwekab borto che tooku konyolulyotin, ko choto che mokotin mising'. ²³ Ago kebeberwechoto bo borto che kiiti kele motekisotin, ko choto che ketekisi mising' , ak kebeberwekyo che motinye kororonindo ko choto che tinye kororonindo mising'. ²⁴ Amu kebeberwekyo che tinye kororonindo ko mamoche kiy , ako kiituiyoJehovah borto, ak kokoch kondit ne o kebeberta ne kirorchini. ²⁵ Si mabiit kabesiet eng' borto, ago si korigke kibagenge. ²⁶ ago ngot nyalil kebeberta akenge, konyalilsot kebeberwek tugul, anan ng'ekonyit kebeberta akenge, koboiboitu kebeberwek tugul. ²⁷ Nguno o i bortab Kristo, ak o i kebeberwekab boroto age tugul eng' age. ²⁸ Amu kikoyai Jehovah alak eng' Hekalut, ne tai che kiyoktoi, ne bo aeng' maotik ne bo somok konetik ne rube noto kwong'utik, korub konunotiotab kosobet, toretisiet, bounisiet ak kutuswek che teriotin. ²⁹ Tos che kiyoktoi tugul? tos maotik tugul? tos konetik tugul? tos yaikab kwong'utik tugul? ³⁰ Tinyei tugul konunotiotab kosobet? ng'alalsot tugul eng' kutuswek che teriotin? woldoi tugul kutuswek che teriotin? ³¹ Ago ocheng' mising' konunotoik che eechen asi aborwok ne karanan kosiir.