¹ Oegu kasubikyu, kou ye a i kasubindetab Kristo. ² Aloswok anyun nguno amu obwoto eng' tuguk tugul,ak oribe konetisiosiek ko u ye kiaroruok. ³ Ago amoche onai ole metitab muren age tugul ko Kristo ;ak metitab chepyoso ko muren; ak metitab Kristo ko Jehovah. ⁴ Muren age tugul ne sae anan koamdoi lokoiywek ko krat metit,ko kagotewer metinnyi. ⁵ Ago chepyoset age tugul ne sae anan koamdoi lokoiywek ko yatat metit ,ko kagotewer metiny: amu kagergeit ak chi ne inmunot met. ⁶ Amu ngo ma tigot metitab chepyoset , ko ng'etilji agine sumeek :ago ngo kalilano eng' chepyoset ketilji sumeek anan kinem ,ko ng'otich metiny. ⁷ Manyoljini iman muren koger metit ,amu inendet ko kergeindo ak torornotetab Jehovah : ago chepyoset ko torornotetab muren . ⁸ Amu kima bun mureno chepyoset;ago kibunu kibunu chepyoset muren; ⁹ ak kogeny , kima kitoi keyai muren agoo chepyoso ;ago kigiyai chepyoso agobo muren. ¹⁰ Amu nito anyun konyolji chepyoso kotinye kaborunet ne bo bounatet eng' metinnyi , amu malaikaisiek. ¹¹ Ago mami chepyoso ngo momi mureno , ak mami mureno ngo mami chepyoso eng' Kiptaiyat. ¹² Amu ko u ye kibunu chepyoset muren, ko u noto agine mureno kisiche chepyoset; ago bunu tuguk tugul Jehovah. ¹³ Oruoch akwege: tos nyolu eng' chepyoset kosa Jehovah ko ma tigot metit? ¹⁴ Tos mainetok agine biteetab borto , kole ngo tinye mureno sumeek che koen , ko kalilanet eng' inendet ? ¹⁵ Ago ngo tinye chepyoset sumeek che koen , ko toronotet eng' inendet: amu kigigochi sumeekyi kotugege. ¹⁶ Ago ngo moche chi tiiyet, koma kitinye biteet ne u noto anan eng' kanisosiekab Jehovah. ¹⁷ Ago, ye ang'atok eng' ng'olyondoni ,ko maloswok amu oumige ko magobo che kororon agobo che yaachen. ¹⁸ Amu ne bo tai eng' tugul oumige eng' kaniset ,agase kele mito kabesiosiek eng' kwenung'wong';ak ayani kitigin ale u noto. ¹⁹ Amu mi ne matiny kabesiosek eng' kwenung'wong, si kobiit kotook iche che boiman eng' kwenung'wong'. ²⁰ Ye oumige anyun ko maimugakse keam igortab Kiptaiyat: ²¹ amu eng' amisieng'wong' kosib konemu age rubet, kobogiti age. ²² Nee?motinye gorik che oamisie ak oeesie? Anan osase kanisetab Jehovah ,ak ogochini kailalnet icheget che matinye ?Amwowok nee anyun? Tos aloswok eng' ng'olyondoni?maloswok. ²³ Amu kiataach eng' Kiptaiyat noto kiagonok agane , ko u ye kinam makatiat Kiptaiyat Jeeiso eng' kemounoto king'wektoe inendet; ²⁴ ak kingo kagomwa kongoi ,kotonaton, ak kole "Nito ko bortanyu , ne neng'wong':oyae ni obwoteno". ²⁵ Ko u noto agine kikombet ,kingo kagoamis ,kole kikombani ko aroruttiet ne leel eng' korotikyu:oyae nito ,kotugul ye oee obwatena. ²⁶ Amu kotugul ye oame makatiandani , ak oee kikombet ,obortoi meetab Kiptaiyat agoi koit. ²⁷ Noto anyun chi age tugul ne ame makatiat , anan ne eekikombet ne bo Kiptaiyat ama nyoljini , koipchinige kiruoget ne bo borto ak korotikab Kiptaiyat, ²⁸ Ago ngosiaige chi , kaome makatiat ,ak koee kikombet . ²⁹ Amu inendet ne ame ak koee koame ak koee kiruoget ngo ma ibesio borto. ³⁰ Amu nito anyun nyaluldos che chang' eng' kwenung'wong' ,ak komiandos , ak koruitos che chang.' ³¹ Amu ngot kitigonige , ko matun kiruokwech. ³² Ago ye kiruokwech, kotigonech Kiptaiyat ,si matun kigikyech koboto ng'weny. ³³ Noto anyun ,tupchosiekyu, ye oumge oamisie , oganyge. ³⁴ Ngo ame chi age tugul rubet ,koamis eng' ga; si mabunji kaumeng'wong' bo ge kiruoget .Ak ng'alek che kang'etko ye kaitu anyo achob.