¹ Paulo, ne kigiguur koek ne kiyoktoi ne bo Jeiso Kristo eng' magetab Jehovah, ak tupchennyo Sostena, ² eng' kanisetab Jehovah ne mi korintoek, eng' icheket che kikitilil eng' Kristo Jeiso ak kekuurji lewenisiek si eng' Kristo, Kiptaiyandeng'wai ak nenyo. ³ Ngoteb miendo kobotok ak kalyet ne bunu Jehovah . ⁴ Amwochini Jehovah kongoi kotugul akobo akwe amu miendab Jehovah ne kigikonok Jeiso Kristo. ⁵ amu kigeyaak oegu mogorek mising' eng' inendet eng' kiy age tugul,eng' ng'alek tugul , ak naet tugul, ⁶ ko u ye kigigimit baornatetab Kristo eng' akwe. ⁷ Si mororuok konunotiot age tugul okonyi ng'ong'utietab Kiptaiyandenyo Jeiso Kristo. ⁸ Ne tesatai kogimitok akoi kagesunet, asi oeku che ititootin eng' betutab Kiptaiyandenyo Jeiso Kristo. ⁹ Jehovah ko iyanat, ne kigeguurok eng' yamdaetab werinyi, Jeiso Kristo Kiptaiyandenyo. ¹⁰ Asomok mising' anyun nguno, topchosiek, eng' kainetab Kiptayandenyo Jeiso Kristo, ale omwa tugul kit akenge, si mabiit besiosiek eng' kwenung'wong', ago si oegu che ikesunotinigei eng' kibakenge eng' kabwatet agenge ak kiruoget agenge. ¹¹ Amu kigemwowo akobo akwe, tupchosiekechu, icheket che bo kotab Kloe kole mi ng'usetabge kwenung'wong'. ¹² Lin alak eng' akwe abo Paulo, Kolin alak abo Apolos, kolin alak abo Kepas anan Kristo. ¹³ Tos pcheat Kristo? Kigigartwok Paulo?. Anan kigibatisonjok kainetab Paulo? ¹⁴ Amwochini Jehovah kongoi amu mami ne kiabatisan eng' akwe kobate Krispo ak Gaio. ¹⁵ Si ma le chi kabatisan eng' kainenyu. ¹⁶ ( Ak kiabatisan kotab Stepanas akiche mobwoti ng'o kiabatisan age kokeny). ¹⁷ Amu ma iyokwo Kristo abotisonis ,ago aamda logoiywek chi kororon - ma eng' ng'omnotet ne bo ng'alek ,si ma kiyai kimurtoiyotab Kristo koek buch. ¹⁸ Amu berberiet amdaetab kimurtoyot eng' che lustos, ako kimnatetab Jehovah eng' che siku. ¹⁹ Amu kigisir kele, " Ang'eme ng'omnotetab che ng'omen. Ak anteni taban kaguiyetab che ng'omen". ²⁰ Mi ano chito ne ng'om? Mi ano sirindet ? Mi ano Kipsuriotiotab ng'wenyuni? Tos mayai Jehovah ng'omnotetab ng'wenyuni koek berberiet? ²¹ Amu eng' ng'omnotetab Jehovah ko ma nai ng'weny Jehovah eng' ng'omnotennyi, kicham Jehovah kosor icheket che iyoni, eng' berberindo ne bo ng'loyot ne kiamdoi. ²² Amu some Yahudik kaborunoik akchenge Yahudik ng'omnotet. ²³ Ako kiamdoi kristo ne kigigarta ne kanakut eng' Yahudik ako berberindo eng' Yuhudik. ²⁴ Ago eng' iche che kigiguur, Yahudik koboto Yunanik, ko kigiomchi Kristo Ko kamuktaetab Jehovah ak ng'mnotetab Jehovah. ²⁵ Amu berberietab Jehovah ko ng'om kosiir biko ak nyalulnatetab Jehovah ko kim kosiir biko. ²⁶ Okeer Kuurseng'wong' topchosiek, Ma kiguur che chang' che ng'omen eng' atebtab borto Ma che chang' che kimen Ma che chang' che tookunotin. ²⁷ Ako kilewen Jehovah tukug che berberen che bo ng'weny si kokooch kalilanet che ng'omen, ak kileewen che tuguk che n'goluiyotin. Che bo ng'weny si kokoch kalitanet che kimen. ²⁸ Ak kilewen Jehovah tukug che ma toogunotin che bo ng'weny, ak tukug che sosotin ak tukuk chi momito si kowal koek buch tukug che mito. ²⁹ Kiyai ni si meloske chi eng' tainyi. ³⁰ Ago o bo inendet akwe eng' Kristo Jeiso ,ne kigiyai eng' ache koek ng'omnotet ne bunu Jehovah, ak imanda ,ak tililindo,ak katiaget. ³¹ Asi ko u ye kigisir, indenet ne ilosuge kolosuge eng' Kiptaiyat.