¹ Waphwere ibvani wa bambowanu muna Changamire nacuti izvi ndizvo zvamuche. ² kodza bambo waco na mai waco uyu ndi mutemo wacutoma chithembeso. ³ Cuti zvicufambire muche, ugale namacole majinji pansi. ⁴ IMwembo wabambo musachuphe wana wanu muchiwa pungula muchiwa langa munjira ya Changamire ⁵ 14 watorhwi tewererani wachangamire wanu wapansi pano nacutetemeca muchithya, muwaitire namoyo. ⁶ Galani ubvesese cuna iwo. nacudyano itani ninga mulicuitira Mukristu. Kalani wacubvesesa nathangwe pana wanu bambo andzaonekwa paduze cudekesa wanhu; cunza kwa izvi, galani ni ga wacubonera wa Mukristu, ninga wanya moyo wanaita nacuda kwa Mulungu. ⁷ Muite namoyo, nadyano Changamire, ne cuna wanhu. ⁸ Thangwe ife tinadziwa cuti tichalarama muchew basi cuti cuti munhu aite, achatambira mubai bai wa Changamire ninga nyamubasa wacuda kwache. ⁹ Naimwembo wachangamire waitireni wanhu ninga zvenezvo, ne cuchyisirhwa tichidziwa cuti mbani Changmire wawo na wanu ali wadzaulu, cuti hacuna nyore cukundu lache. ¹⁰ Pacu pedzesa, anansimba iculu mu Changamire ana nsimba yacu dzaulu. ¹¹ Pfecani zvombo zvacuchena zvense zvamudapiwa na Mulungu, cuti muone nsimba pacuzunguzisiwa namuphwati sthani. ¹² Thangwe lanyi coupoca kwathu hacusi panyama negazi, ese nkupoca na nsimba yawa cudzaulu napansi podi zvazvo pacularama cuti, namizimu yacunyangala tichi nerana namizkimu yacunyangala. ¹³ nacudyano bverani wense midziyo ya Mulungu mugale wacuyendera nangani yacunyangala napenepo, munaona zvamuche zvense, muchitambira muda batisisa. ¹⁴ Nadyanoco galani nacubatisisa dyano cuti muike nansimba yachadico napenepo panaonekwa utongui. ¹⁵ Futi nsoca zanu zidbvazikwa nacudzilirhwa nacugadzilira cunabuda muvangueri nacugalica. ¹⁶ ninga muchiyema naiwo namanswimo ana pitsa sathani. ¹⁷ Pfecani maheti acuponeseca napenepo muchida cuti, ndiwo aya masoco aMulungu nayense minamato namizimu, namatani nayense. ¹⁸ Naminamato yens ngani mumuZimu cuitira cuti cunamata ngani zense mumuzimu, lambani muchinamata wense wacuchena. ¹⁹ Napenepo namatanimbo, nathangwe masoco anapinda naine ninga ayeurhwa ine ninga mulomo wangu ndinalanga masoco adafisica masoco acudeca cuna vangueri. ²⁰ zvinaita nacuda ncana masoco ane ndine mubodzi nyacupinda mucadyaboso, ninga cuti nyamucadyaboso ine ndina langa cucuchinguisisani ninga zvangu ndina culanga. ²¹ Tikico mubale wangu wacudicana mucuita basa muna Changamire, achacubvunzani zvinhu zvense, ninga zvacuita ine ninga zvangu ndinaita. ²² ine nda uya ndine wacutumwa, mudziwe kodzo, ninga nyacuthonhoza moyo wanu. ²³ Mutendere wanyi unaimwe wabalemwe, nacutenda cukundu la Mulungu ninga Bambo waChangamire Djeso Mukristu. ²⁴ Ndinsisi zanyi zingagale cuna wense awo cuti wanada wathu Changamire Djeso Mukristu nacudisisa cuti hacudzfi.