¹ Napenepo panu imwepo, mwakaliwacufa mwanu mumoyo yanyacunyangala, ² Cunza kwaimwe calepo makafamba, makateweza muli muluwani pansi, nacuda kwawatongui wautongui wamudzaulu. Wenei ndiwo iwo muzimu wawenewaya cuti udabata cuna wana waculeca cubvesesa. ³ Tense ife pano takada sati cuyenzana nawo, napenepo tichikodza cachiwiri nacuda kwazvacunyangra cuchiwa kwayathu nyama, tichiita nacuda kwamuwiri napenepo nanzeru. Tichiphonya cunawazinji wanadicaniwa kwenda ninga iwo wanyacuyenderera. ⁴ Apo Mulungu ndiye nyacupfuma wansisi, nathanhwe lacutida kwache cucuru thangwe cuti Iye adatida. ⁵ Thangwe takadafa mumuzimu, Iye adatiuisa kwacularama pabodzipene na Mukristu. Ndico cuda kwansisi cuti ife tiponesiwe. ⁶ Mulungu adatimusa pabodzi naye napenepo adatiita cugala pabodzipene muli mumbuto zacudzaulu na Mukristu Djesu. ⁷ cuitira cuti panguwa ichauya, Iye anatipanguiza iyo miyenzaniso ya ngua nazache nsisi nakwache cutenda muna Mukristu Djesu. ⁸ Thangwe nansisi tinaponesiwa, nacida kwacutenda, napenepo zvenezvi hazvina cuuya na imwe, ndico cudziwa cuna Mulungu. ⁹ nkabe ndicuda kwamabasa, cuitira cuti hapana ana cucuza. ¹⁰ .thangwe ife pano wana wa Mulungu, tidaumbwa muna Mukristu Djesu cuti tiite yamuche mabasa, ese ninga Mulungu adaita ipo calepo cuna ife pano, cuitira cubvi cuti tifambe muniye. ¹¹ Nacudyano ndinacu tsalacanisani, wanyangazi nanyama zvinadzathwa "cuyeura" cuna wenewale cubvi wachadza yeurhwa muwiri namanja yawanhu, ¹² cubvi payeneyo ngani imwepo penepo nanga masiyana na Mukristu wanauya wanya cutali ncuna wanhu waIzirayeri napenepo wachadza phwata nacupindirana nacudzi thembesa,nkabe ico cudziwa zviricumberi. ¹³ Apo zvino pano, na Mukristu Djesu imwe, cubvi cale makali cutali na Mulungu, napenepo mudauyisca culi paduze naiye mu gazi la Mukristu. ¹⁴ Thangwe iye ndeye wathu mutendere. ¹⁵ iye aita cubataniza cubodzi basi. cuna wache muwiri Iye adafudza nswaswa ya wanyamarhwa cuti wakada timwaza. nacudyano, ndipo, iye adafudza wenwyo mutemo wakaithwa napenepo cuitira cuti deca zvaita, cutanguisazve winango munhu wangu, nacuoereca mutendere. ¹⁶ kristu adati bvunganiza muwiri cuna wanhu pabpdzi na Mulungu cuna mubodzi basi muwiri pacati pa muchinjikwa cuuraya wanya mahwa. ¹⁷ Djesu aduya napenepo adaita mutendere cuna ife cuti takali cutali napenepo namutendere cuna wenewale cubvi wali padhuze. ¹⁸ nacuhyano napacati pa Djesu, zvinangozve tinazvo zvidawanda cuna bambo uli muzimu ubodzi. ¹⁹ Apo zvino pano, imwe, wanyacuwatama hamchasi wanyacunza. cunza kwazvenezvo, ndimwe mitezo yambumba ya Mulungu mudacolerhwa wanhu wa Mulungu. ²⁰ mudaithwa nacuda kwacutumwa muchidaidzwa muphositori namapolofita, ninga Iye chaiye Mukristu Djesu pabuwe lidaoma, ²¹ naiye zvense zvina itica anazvikothya nacucula ninga ibodzi nyumba yacunamatira ya Mulungu. ²² ndipo naiye cubvi zvibodzibodzi zvinagala zvinaithwa pabodzi ninga ibodziyene mbuto muna Mulungu wamuzimu Wacuchena.