¹ Munadziwa, wabale cuti cumusiwa kwathu cuna imwe hacuna cukala mahala. ² Dziwani cuti tidabonera futi tichibatiwa na muchobo wacunyadzisa cufilipi. Podi nazvenezvo tikana uthembi na Mulungu wathu hatina culeca cuti timwaze vangueri Lache cuna imwe, podi tikali pacati panhukwala iculu. ³ Nacuti chicumbiro chatidaita hatibudi cana mucuphunyeca, ne cufunga kwaculeca cudeca necuphwatiziriwa. ⁴ Napenepo ninga tida pasiwa naMulungu cuitira cuti vangueri liti thembe, apo tinalanga, necuti tipfanaiae wanhu, cuti tipfansise Mulungu. Iye ndiye anesera moyo yathu. ⁵ Nacudyano hatuna cusewenzera masoco acunyangala, ninga munadziwa, hapana cuwoneca zvacunyangala. Mulungu ndiye muonereri wazvinezvi. ⁶ Hatina cutola cukodziwa kwamunhu, ne kwa imwe ne kwawenwngo. ninga maphositoli ya Mukristu, ninga deca tidcubvunzani basa liculu cuna imwe. ⁷ Podi si zvenezvi, takali wanhu wacudeca cuna imwe, ninga mai mubodzi achilera wana wache. ⁸ Nacuda kwacucura mudjudiya tidacudani cucuru cuna imwe tichipfansisa nacuthandizana naimwe, ne basi vangueri la Mulungu naculalama kwanumbo futi. Imwe kalani wanodiwa maningui naife. ⁹ Wabale, nkabe nhukwala ticutsalacanani napabasa lathu mucubonera kwathu. Tidasewenza masicati nausicu cuti tireke cukodza munhu upi zvache. pangan i iya ikamwaza ife vangueri la Mulungu. ¹⁰ Imwepo ndimwe waonereri, ninga Mulungu, cuti tidakala tani wacuchena, wacululama futi hapana chinaphwatirhwa cuna imwe wana namata. ¹¹ Nakaindi ibodzbodziyo dziwani cuti tida batiwa mybodzina mubodzi ninga bambo mubodzi anbata wana wache, ¹² ndina cutsinhirani cuti nacucu batanizani nacucubvunani cuti mularame muchidicodi na kaindi inada Mulungu, cuti ancudainzani cuuru hwache ¹³ Nadyanoco ifepanombo tina tenda Mulungu munhganoi yense. Apo, panumutambira pfala naifi lamudabva cuna ife, hamuna culidaira ninga pfala la munhu, nadyalo mudali tambira, ninga pfala lachico la Mulungu. lineri ndipfala lidabata muna imwe, wana tenda. ¹⁴ Nacuti imwe, wabaler, mukali watewezeri wamuzinyumba zacunamatira zamulungu ziri muDjudheya, zirimuna Djesu. Apo mudabioneresiwa nawanhu wamudzico lanu, nazvinezvombo ninga iwo wada bonera muDjudhiya. ¹⁵ Ndiwo madjudha adulaya Changamire Djesu pawo nawa polofita. Ndiwo iwo wadatithamanguisa. Hawana cupfansisa Mulungu futi ndiwanyamarhwa wawanhu wense, ¹⁶ futi wantilambiza culanga mnamhedheni cuti waponesiwe. Nakaindi yenei, wana lamba wachithimizira cunyangaza kwawo. Nazvenezvo cunyangalirhwa kwa Mulungu cuna dzauya padzaulu paiwo pagumisira. ¹⁷ Ife pano, wabale, pakadamwazana ife naimwe pangani idocodoco, pacuwoneca, ne mumoyo, tiriwacusimbisiwa cucuru nacuda cuconanizve patswa. ¹⁸ Thangwe tidada cucumusani pangani zense, apo sathani adatipinguiza. ¹⁹ Napenepo, pache changamire wathu anga hurira mbani anlucalilo lacupfansa futi colona yamutendere wache codi hamusi imwe nawenango? ²⁰ Nazvinezvi imwe ndimwe wanyamuculumbira wathu futi nacu pfansa kwathu.