¹ Yane turíxovone Jesus ihíkaxea ya xeókuke huvêo. yane Kaune êno xâne ayakúkoati. pihópone urukopeovo ya xoko vatéke, vatá kóye pone. kuane êno xâne xeókuke ne huvêo. ² Êno ihíkaxuake kuteâti kixóekone exetínati Yane kíxoane: ³ Yakámokeno! pihónene hóyeno noíyea nóne. ⁴ Koeku nóiye, ne áke nonéti iríhikovo xe'okuke xêne, kuane ho'ópenohiko nikohíkuati. ⁵ Iríkovo pôi áke nonéti xapákuke mopôi ákoyeaku auhe'éko poke'é. áko ovíko íhonopea, ákoti áupeno iríkovoku ne áke nôneti. ⁶ Yane ípihíkone ne kótuti káxe, oro'óhikovone vo'ókuke ákoti poíheve yane movohíke kúene. ⁷ Poínuhiko áke nonéti Iríkovo xapákuke moníveke, íhono ítea áko ukápana áko parexa há'i ne nonétihiko, ⁸ Poínu nonéti iríkovo ya únati poké'e êno há'i kuane ukóponea, apehiko trinta koeti êho, poínuhiko sesenta kôe, Yane poínuhiko êno êho sem kôe oukeke áko yumaxapu. ⁹ kíxovokoxoane: "kôekuti apêti kamokeno pe yakámokenua!". ¹⁰ kôeku póhuxeovo Jesus, enepone nduse koeti xererekuke, ihíkau, épemoane kixoékone ne exetínati. ¹¹ Kíxovokoxoa Jesus: poréxovea itukó'oviti véxea kouhápuikoa ne ákoti vexâ, enépone néxone ya meukeke ainovo apêti exetina. ¹² Néxoa, kemoma, ítea áko ínixia, kuane kémua, ítea áko yakámokenua, enépone kuriákapu itukó'oviti maní kotuyeopati pahúnevo. ¹³ Kíxovokoxua: ákonoe yexa ra exetínati? nakixeaya yéxi poínuhiko. ¹⁴ Eneporá nôti nôti emo'úti. ¹⁵ Enépone ovohéxoti xeókuke xêne kamokeno koyehiko , ítea kurikovo vanane iháxaneti satanás ya omíxoneke , ya inotovane okóvo ne emó'u itukó'oviti kaúnae ya omíxaneke. ¹⁶ Ápehiko áke nóne irikóvoti xapákuke mopôi, kuane kamokenua híkora emo'úti, kuatí elóketi okóvo enepo kamôa. ¹⁷ Akohíko poíheve , ítea áko axuina hunokoku Yane tokopo, kotiveti kixovókuti, kuane komohíyeokono vo'ókuke emó'u itukó'oviti, Yane áko óríko, íkorokeovohiko. ¹⁸ ina apêhiko áke nonéti irikóvoti xapa tôpe. ¹⁹ Komokenuahiko emo'úti, ítuke kúveuke mêum, aipu'ikopovoli isóneú, kaha'ati unatiyea óvea, kuane káhá'ayea oukeke ne apeinuati, pepokehi koê kamôa ne emo'úti kuane akóyea êho. ²⁰ enépone íríkovotihiko nóne ya únati poké'e. kamokenuáti emo'úti êno há'i, ápehiko ého trinta kôe,poínuhiko sesenta kôe, poínu sem kôe oukeke éko". ²¹ Kíxovokoxoa -Jesus:enepo yomopâ ne kiríusena kúveuke yóvoku na kiríkua opékuke Sesto opékuke ípe? yamánoe kiríkapa xoko okóku vêla. ²² Vo'ókuke ákomo ákoti exâ, exókonotimo, kuane heónovoti exókonotimo. ²³ Enepo koêkuti kamuati, yakámokenua. ²⁴ kíxovokoxua Jesus yíxapane kemone, kuteâti kíxeku íhíxe, énomonemo koe íhixokono ítea anu'úkokonotimo ra ítike. ²⁵ Vo'ókuke enépone apêti ítuke, kuatí porexokonoti, kene ákoti ítuke, veyohikokonotimo apeinuati". ²⁶ kíxovokoxoa Jesus: enépone natíxoku itukó'oviti hane koeneye hóyeno nôti áke nóneti ya poke'éke. ²⁷ Imóko, exépuko, kuane nóne úkoponea ipíxeru'íkea, áko éxa kôeku kóinokeneye. ²⁸ enepora poké'e áko tôpi ihonotiya há'i tikotiya. ²⁹ enepo itóvone, Yane veyoatinehiko, aha'ára vúnuahiko! ³⁰ kixovokoxopamaka Jesus: kutimea koéneye natíxea ne itukó'oviti? kutimea itukovoye exetináti motovâti kóiyeaneye. ³¹ Hara koéneye áke nonéti iháxoneti mostarda kalíketinoe, kuatí kalíketi ya úha koeti áke nonétihiko Yara kuveu mêum. ³² íkene nó'uyea kuáne íhonopea, anepora anu'úhikovo itóvoku ya kavâne katáraite, kuane ho'ópeno hoemoxúati ovâti opékuke ne nonéti. ³³ Áko tôpi exetínati kuteâti ra'á, hane kíxua Jesus ihíkoxea kuteâti ihíkauvoti motovâti éxea, kaúnakea ne ihíkaxokonoke. ³⁴ Poihane exetínati apêti kíxoékone énomone kíxua íhikaxea. yane xápakuke ne hókuati ne Jesus ndûse koeti íhakau xetixopinuamaka itukovotiye kíxoékone ne exetínati. ³⁵ Yane kiyone ne káxe , Hara kíxovokoxopamaka hakono vonopa poxo'oke huveu Jesus ne íhikauvo. ³⁶ ipúhikopeane xapákune xâne, Yane omópane Jesus ne ndûse koeti íhikau, ya kúveuke vatéke apemaka poí vatéke ovohéxuati xokoyoke. ³⁷ Yane Ápene xúnati ihunóvoti, kuane iyákakea ne vatéke, kuane urukeôvo úne ne vatékenohiko, kaha'átine ipuhikea úne vatéke. ³⁸ Yoko imókone ne Jesus ya ihíkuke ne vatéke ayatoko. yane koyukuane ne íhikauhiko kíxuane: íhikaxoti áko yónoku iséneu? kaha'átine yupuririkeovo ûti vivokovotinemo kíxuane íhikau. ³⁹ Iyúkovone Jesus kuane pahúkea ókea ne xúnati ihunávoti úkeati xoko úne. áko áxuikene ókone ne xúnati ihunóvoti ⁴⁰ Kutinoe píke? ákonoe kivapumo? ⁴¹ Kuatí pekôtihiko kuenehiko: kuti itukovoye ra hóyeno? muhíkova koemaíti ihunóvoti, úne pahúkua ókea kutipoa.