¹ ína ipuhîkopea itukó'oviti Yaneko ovohe'ixoku, ya yonopoti eme'uxa judêya poxo'oke húveona jôrdaum, pihónehiko nanehiko xokoyoke nomako'ína ihikaxopovomaka ne kíxoku itúkeovo. ² Enépone hiko faiseus iso'okopovone, ína apemo'a? "motova'íkopo ne hóyeno kurikea ne yeno?". ³ Ina yumopoa: na'ikopo koê yu'upûnoe muîse?". ⁴ Yane yúmopoanehiko " porexoa muîse ne hóyeno yuloxea koyuhopeti koyu'ati kurikea yêno Motovâtimo itovako kope'ako. ⁵ Ina kíxoa itukó'oviti "vo'ókukenoe ra tuiyea ra yomixone énomone yutoxinoa muîse ra lei. ⁶ Úke'atine turike, itúkea itukó'oviti ne "hóyeno yoko seno". ⁷ Vo'óku kirikoa tinemo ne hóyeno hâ'a yoko êno "Motovâtimo ho'uxopevo ne pí'âti. ⁸ Enépone hiko pí'âti poihapanemo, enepo ne pí'âti po'ihaponemo na'úti. ⁹ Enépone ho'unevo unaém, ákomo apohiko hóyeno haxakopoati. ¹⁰ Epo ovohe'exo ovokuke enépone hiko ehiko'uhiko sopoamaka oukoa epemopoama ko'inoke. ¹¹ Inakixovokovomaka "uhá koêti kuríkoti yêno koyenopoti poínu, sêno ákoti itukapu múxone, "Apu'ikopoti ne yêno. ¹² Epo kurika íma kapinepoti poi hóyeno, Ákoti itukapu yêno Apu'ikopoti múxone" . ¹³ Ina ominokonoa kâlivono Motovâtimo piro'okea, Jesus ítea áko Sika íhikauhiko. ¹⁴ Noixoane vúna'em, Ina emakivona, Ina kíxoa "sike'ane ne kâlivono, kenó'oke'a njokoyoke, ákomo seya'ikoa, vo'okú énomone itúkoa notixokoku itukó'oviti ikutipasi kopovoti ne kâlivono. ¹⁵ Koati emo'úti ra yunzo'inopi "uhá koêti ákoti Akaha'a ra natíxoku ne únaem, hône ehakovi né Kâlivono akotinemo koene úti, ákomo kâlihuna vurupokeva ne natíxoku itukó'oviti. ¹⁶ Yane ko'uhuroa ne kâlivono ena ipihoa vô'u ina ikoro'oxovone . ¹⁷ ina píhopea Yaneko xêne apé póhuti hóyeno ehakovoti iye'ovoke, yane ipiyu kexo nonekuke ko'êne emó'u " únati íhikaxoti" kutimea koati únati indukea motovâti ombea xoko natíxoku itukó'oviti. ¹⁸ Yumopoane Jesus "nokoti ihixenenu "únati vo'oku ákomo po'i únati, Ákoti itukapu ra itukó'oviti. ¹⁹ Yexoponoa ne paho'etí "ákomo kêpeko, ákomo kepene ákoti itukapu míxone, ákomo yomexo, ákomo parexo ákoti aunáti exetínati, ákomo yome'okoa ne pe'ínu tîya ne yô'a koamaka êno iti. ²⁰ Ina koê ne hóyeno "íhikaxoti" uké'atine turike indukea ne yúhepune indukovo'iko homoêhou. ²¹ Yâne komomo Jesus neko homoêhou áko tinemo omotóva okóvo yane kíxoane: "hanêko konokenovopeti" "píhe yakavanema úha koêti itikovoke yane perexamo ne koati konokoati,apetimo eperapo uké'ati ya vanúke. "Kina'akapa hekapanu". ²² Ítea enépone hóyeno kamo'ane neko emo'úti, ahikuxapova koanemaka rara'ikea vo'oku enoiya ape'inoati. ²³ Ina komomopa Jesus xerekuke ihika'uhiko Ina koê "Tîuitimo yomopâ ne íhiku ya natíxokuko ne Tata'a". ²⁴ Enépo íhikauhiko iha'uyukoane ya emo'uke Yane kixo'ane Jesus "Nje'éxa, imako itúkeovo tí'uiti urukopeovo natíxoku Únaem. ²⁵ Akoni óríko póhuti kâmelu taru'uxea ne ítunoke tôpe, uhe'ekopoti ya ko'itova ne itukó'oviti". ²⁶ Yane iyapahovane ne yuho ne ihika'uhiko, ko'êne "kuti'ikopo motovâ ko'itova ne itukó'oviti?" ²⁷ Yane komopamaka ína kíxovokoxoa "Enépone inixone xâne tiuya, ítea xokó Itukó'oviti Áko Ati'iu. Áko apohu'ino ko'ekuti túiti xokoyo ákoti ita'a ne Itukó'oviti." ²⁸ Ina turíxovone koyúhoyea Pêturu "Kuriko'ane ûti uhá koêti motovâti ne hokope'api iti." ²⁹ Yumopane Jesus "koati emo'úti ra yunzo'inopi, ákomo opohuina xâne kuríkoti óvoku, po'inuhiko , mokexaxapa êno, há'a, xe'exaxapa poké'exa, vo'ónkuke Yóko'o vo'oku ra ínamati ihíkauvoti. ³⁰ Ákotimo namukopa oukeke póhuti sendú Yara kuveu mêum, po'inuhiko mokéxaxapa enoe xe'exaxapa, poké'exa, xane'ati ko'ítononevo kotiveti Yara kuveu mêum, apetimo ákotine hunokoku apêyati. ³¹ Epo'oxo inúxoti énomo íkene, enepo, ovohe'exoti íkeneti énomonemo inuxopomoya. ³² Ina ovohe'exo xênekuke, Pihopóne yaneko Jerusalém, Jesus inuxopinoahiko xapakuke, enepone hoko'ati koyo'ine po'ihiko pikone ína ehaxikoa Jesus ne duze ko'ekutihiko koane koiyea ko'ekutihiko komo apeyâtimo yaneko keno'okoti káxe hiko. ³³ "Pihotinoe ûti Jerusalém vo'oku ra xe'exa ra hóyeno kuri'okoko'atimo tutikene sasedoti yoko eskriba, enépone epihepoanoa pevotike, ena kuri'akapanahiko ákoti itukó'oviti xokoyo. ³⁴ Komohikono , apuronone'onotimo yehepokexokonutimo, yoko ko'epekokonotimo ítea ya mopo'ati kâxe erapukopotimo xápakuke evokovoti. ³⁵ Teaku yoko Xuâum, xê'a Zebedeu, keno'okone iye'íkehiko "íhikaxotí ngahá'ati yimope'avi ya vepemopike". ³⁶ Yâne yumopo'ahiko "Kuti kehá'a índukenopi?" ³⁷ Ina yumopahiko "Sukeveatimo ivavatakopea xokoyoke Únaem yakono xokó natíxoku, poehapomo ivatakopeti yexopeke koane Lopékuke. ³⁸ Úke'ane yúmopa Jesus "áko yexo yepemone" Motovâtimo yenoyiva ne enga, Motovâtimo yahikivo inemapi kute'ati ko'eku angikevo. ³⁹ Ina koyuhohiko "víto'atimo " ína koê Jesus "Xokoyokemo ra ekâti enga, xokoyoke ne ihikovokuti enemone anjikovo, kuteanemo enemone ahikevomoka. ⁴⁰ Ítea ha'ína xokoyoke uké'amo ivetakopimo xerekuke enjopeke yoko lombekuke, usopotinemo ne vatakopea xokoyoke. ⁴¹ Úke'ane kamo'ahiko ne yehi koeti ra emó'u Jesus, úke'ane ima'ikenovo Teâku yoko Xuâum. ⁴² Ina ehaxikoa xokoyoke ína kíxoa "Uhá ko'êne yéxi enepone hána'iti payasoti pahukoti xapákuke, payasoti ahinoe enemone ape'e xunako xápakuke. ⁴³ Ko'eku kaha'áti itúkeovo payo'iti, xapákukenoe, itikixo ovoxetihiko. ⁴⁴ Ko'eku keha'aye itikino teyoneti xapa xanéhiko konokoatimo , itikivo ovoaxeti , ovoxeti , ovoxe ne uhá koêti. ⁴⁵ Epora Únaem, haina siminoti itúkeovo ovoratihiko siminoti ituke'ovo ovoxeti, ína ivokinovi motovâti eno'iye ko'ítovone xâne. ⁴⁶ Pihopóne Jerikóke, Inuhikope'ane Jesus Jericó yoko ihika'uhiko xanepo êno xâne, ápe hóyeno kohe'ati Mbatimeu, xê'a Timeu, enépone komiti iyu novoti épemea xe'okuke xené. ⁴⁷ Kâmoane itúkevo Jesus "Nanzarenu" hunoneya ína turixovo vauke'aka njanê konehiko: "Jesus amoripo Nati Davi yokose'ananu". ⁴⁸ Yâne êno xâne saya'koati pahukoati koyunókevo ítea piho'ikone voukea "Jesus Nati amoripo Davi, yokoseananu". ⁴⁹ Kôene pahúkeone Itukó'oviti ehaxike'ahiko "Yane íkene ehaxikone komítiti "Kéxunakapu, yexepuka, vo'okú ehaxikopine". ⁵⁰ Ina Kiríkua ne râma'o exepukopone, elóketi omíxone ína piho xokó Jesus. ⁵¹ Jesus yumopoa "Kuti kehá'a induke'inopea? yane yumopopoa ne komítiti "Íhikaxoti" ngahâ'ati ininjopea". ⁵² Yâne kíxoane Jesus "Motóvane pihepane iteyivona kôeku kivovonu " koene enemone yaneko ora enixopone ne komítiti Yane ína hakopo Jesus