¹ Eneporá énomone turíxovope emó'u Jesus Cristo xe'exa itukó'oviti. ² Kuteâti yútoe Isaías: "hanêko mbáhue eyékoxoti timúneke, énomonemo koyúsea yoxéne. ³ Ápe emo'úti váukoti xoko ákoti ko'ovókoati: kéusaka ra oxente vúnae, penápapunoe. ⁴ Kenó'oko ra xuâum, ahíkoti yoko ihaxíkoti ahíkovoti úneke motovâti hunókeane pahúkeone ne xanéhiko.Uhá koeti judêya yoko ⁵ uhá koeti ipuxóvati ya Jerusalém pihonoahiko. áhikoahiko xuâum, húveoanake jôrdaum, kana'uteoxo undi pahukóvoti kóehiko. ⁶ Evo'i kâmelu itúko ípovo ne xuâum, vakamóto itúko hô'e no'ékuke, vohóho yoko mêlatu Niko. ⁷ Koane ra xuâum: " harakéne kenó'okoti ingéneke, koati xúnati ya úndi, ako omóndokea mboke'exeovo ngúxekuxea imo perékatana. anjikopinoe ya úke, ítea énomonemo ahíkopinoe ⁸ Anjikopinoe ya úne, ítea énomonemo ahíkopinoe ya sasá'iti omíxóneti. ⁹ Yanekoyoke, Nazaré da Galiléia úkea ra Jesus, xuâum ahíkoa húveonake jôrdaum. ¹⁰ Ipuhíkopeane úneke ra Jesus, noixone mihe'ó kó'iyea vanúke yóko'o ra sasá'iti omíxone itukó'oviti kenó'okone evesekea kutíkoe kurûte, ponókó'inoa. ¹¹ Ápene emo'úti ukeati yanúke, koene: " iti nje'éxa ákoti omotóva ongovo. xikóyo óvo elókeko ongóvo. ¹² Yane omópane íspiritu xoko huvékuyeaku mêum. ¹³ Kuarenta koe káxe óvohexea, koane íla'ixeova satanaí. ainovo hó'openo íhai hôi kahá'ine, anjuhiko katarákoa. ¹⁴ Ika'ákovone xuâum, kenó'okopo ra Jesus Galiléiake, koyúhoti emó'u itukó'oviti, ¹⁵ Hara koê: uké'ene ra têmpu, ákone ahíkapu ra natíxope itukó'oviti. motóvane pehúkivo yókoponoe yakútipa ra emo'úti. ¹⁶ Noixonemaka pí'âti kopo'ínukokoti ya húveona Galiléia, Simão yoko André, kuríkoti túiti huveoke, ainovo numíkuxoti. ¹⁷ kíxovokoxoane Jesus: yokone, hekánu, independente hóyenohiko. ¹⁸ Kuríkonehiko numikuxopeyane nikoné'ehiko Jesus. ¹⁹ Yane, ukóponone yónea ra Jesus, nóixone Tiago, xé'a zebedeu, yoko xuâum, po'ínu: kúveuke vatéke óvohexohiko koyúseopoti numikuxopehiko. ²⁰ Iháxikoanehiko, kurí kixonehiko há'a, zebedeu, yoko ahínoehiko Yane pihonehiko. ²¹ Urukovone kafarnaumke, ya sâputu ûrukovone maka imokovokure júdeu Yane turíxovone íhikaxea. ²² Enepora ínixokono úhe'ekea ne íhikau, koane yupíhova ínixeokono e'exo kíxea ne âha kuríkea emo'úti, hainatike kuteâti eskribahiko. ²³ Yakókene, xoko imókovoku júdeu, ápé hóyeno ûru'oevo ákoti aunáti íspiritu hara koê váuko'i: ²⁴ "kuti kehá'a xoko ûti, Jesus de Nazaré? kino'okinoti ipiheponivi? enjopi. iti sasá'iti xe'exa itukó'oviti. ²⁵ Yumopane Jesus ne ndémoniu Hara kíxoa: yunú yakoe, píhikapi" ²⁶ Yane pone íspiritu ákoti aunáti íkorokovone poké'eke Yane ipúhikopeane ne hóyeno koane yáikopea ²⁷ uhá koê xanéhiko iháyu'ikea yoko épemeokoko: "kutiyane ne? inámati ihíkauvoti xúnati? pahúkopo kopití'iti íspiritu, kutípoahiko? ²⁸ Okó'ikoneye eyékoxokono ítuke yá uhá koiti poké'exa Galiléia. ²⁹ Ihá'axo ipúhikopea imókovoku júdeu, pihonehiko óvokuke Simão yoko André, Tiago yoko xuâum xáne. ³⁰ Ka'aríneti ne imose Simão, tunukú kóye kótuti mûyo. yane eto'okinoanehiko Jesus. ³¹ yane kenó'okinoane, namukeane vô'u koexepukoane; kurikopane otuko muxôti, Yane turíxovonemaka ko'ítukeinoa. ³² Yotixóne, hé'onóvone ra káxe, omínoanehiko uhá koeti ka'aríneti yoko námue ndémoniu. ³³ Okótumunexoanehiko páhapeteake pitivóko. ³⁴ Héu kíxoa koiteova neka'aríneketi yoko ákoti tôpi yuvâtohiko koane êno ndémoniu páhoepo. ako síkakoyúyoyea neko ndémoniuhiko vo'oku é'exo kixóhiko Jesus . ³⁵ yuponí kóe iyúkovo, hahámetiko; ipúhikone, Hara yóno xoko huvékuti mêum xoko ákoti ovâti oraxódonoti. ³⁶ Opósikopokonone ra Jesus, evo Simão yoko xánehexonehiko oposíkopa ³⁷ Inixópanehiko kíxoanehiko: "mêku vopósi'ixopopi". ³⁸ Yane kíxoanehiko Jesus " hinga po'íke poké'e, xoko pitivóko ákoti ahíkapu, motovâti mberékaxeamakaya. énomone indúkoponovo râ'a. ³⁹ Pihóne yá uhá koeti poké'exa Galiléia, perekáxoti xoko imókovoku júdeu yoko kopúhikopati ndémoniu. ⁴⁰ Kenó'okone ipa'ákoti ipuyúkexo tumúneke koane épemea. Hara kíxo Jesus: "enepo yakahá'a, kesása'ikapanu" ⁴¹ kóseanapepo, koexe pukinoane vô'u Jesus pirú'okoane, kíxoane : ngahá'a ngasasá'ikopeopi, yasása'ipoikopo. ⁴² yane uké'epone váhayna, sasá'ipone. ⁴³ ápé ixíko'okoake Jesus ina pahukópa. ⁴⁴ Hara kíxoa: "enda'akapí, hako kalihu'ina yéto'oki, ítea pihéya yexakapapu sacerdote yamína koêkutiye vo'oku sasá'ipine kuteâti páhue muîse, motovâti noixeapihiko". ⁴⁵ Ítea ihá'axo ipúhikopea ovohexoku Jesus ne hóyeno turíxovone éto'ohêyea tukú koeti ísahikea ra eyekoûti, énomone akoinone sikákana urukeôvo po'ikehiko pitivóko ra Jesus énomone ahíkuxinovo pitivóko, ítea kóyeane akóyea tôpi úkohikeaku hoemóxoati