¹ Ingatkan ire agar suntik gi pemerintahan nihi penguasa, taat nihi siap ngulah setiap gawian maeh, ² bakoi memfitnah hio bo, bakoi palakat, ramah, nihi bujur-bujur bersikap lemah lembut tahadap kaluhan ulun. ³ Ulah, taka dahulu lei bingung, bakoi taat, tersesat, de walah, ulah ajoh nafsu nihi kesenangan, welum huang karaat nihi iri atei, de rikang, nihi saling bakarikang. ⁴ Tapi, waktu kemurahan nihi kasih Allah, Juru Selamat taka, de mara, ⁵ Aye nyalamat taka, bakoi ulah gawian maeh sa taka ulah, melainkan ulah balas ka'ahi-Aye nangkah manau kelahiran waleng nihi pembaharuan Roh Barasih. ⁶ Sa Aye curahkan entu taka nihi penu mitah Kristus Yesus, Juru Selamat taka. ⁷ Jari, ulah de bujurkan ulah anugrah-Aye, taka ngajari ahli waris sesuai nihi pengharapan sagar welum sa kekal. ⁸ Panderan iti bujur tu'u. Tentang hal iti kuki kakan kayo bujur-bujur yakin supaya ire sa haot percaya gi Allah ta'u tekun ngulah gawian maeh. Hal-hal iti maeh nihi bermanfaat gi kaluhan ulun. ⁹ Tapi, buyo teke soal jawab, silsilah-silsilah, perselisihan, nihi palakat sa bingung tentang Hukum Taurat ulah hal hio bakoi naan guna'e nihi sia-sia. ¹⁰ De ulun sa menyebabkan perpecahan, pakingat aye isa atawa rueh kali, udi hio lawitlah aye. ¹¹ Ulah kayo karasa ulun sameh nihi penu dosa, aye mampahawi aturan entu tenga aye kakarep. (Tutuian Pangalis nihi Tabe) ¹² Udi kuki nuyu Artemas atawa Tikhikus gi kayo, berusahalah de hawi gi kuki ta Nikopolis ulah kuki haot nuyu de muneng ta anai salawah musim maringin uni. ¹³ Nihi sekuat tenaga kayo, awatlah Zenas, si ahli hukum hio, nihi Apolos sa naan huang takiaan supaya ire bakoi kekuarangan suatu inon bo. ¹⁴ Haruslah ulun-ulun taka belajar bertekun huang ngulah gawian sa maeh supaya ire ta'u memenuhi kebutuhan welum tiap andrau nihi bakoi welum nihi bakoi mua. ¹⁵ Kaluhan ulun sa naan hayak kuki de pahampe tabe pakai kayo. hampe tabe kuki gi ire sa mengasihi kami huang iman. Anugerah menyertai kayo kaluhan.