¹ Teke Paulus, hamba Allah nihi rasul Kristus Yesus, sa na utus ge imam ulun-ulun pilihan Allah nihi pangataru akan kebenaran sa mamimpin gi kesalehan ² ngabahara ire kahaba pengharapan welum kekal, sa najanjikan teke samete awal zaman gene Allah sa bakoi piji namposo. ³ Pas waktu-Aye, Aye haot menyatakan firman-Aye nangkah pemberitaan sa haot na percaya gi kuki sasuai nihi perintah Allah, Juru Selamat taka. ⁴ Ge Titus, nakia sa sah huang iman taka sasameh. Anugerah nihi damai sejahtera teke Allah, Bapa, nihi Yesus Kristus, Juru Selamat taka. (Tugas-Tugas Titus de Midi Penatua ta Kreta) ⁵ Gana alasan itilah kuki nanan kayo ta Kreta, ayehio ngabahara kayo tau menyelesaikan inon sa masih perlu naatur nihi ngangkat penatua-penatua ta setiap tumpuk, sameh sa napesen kuki gi kayo. ⁶ Aye haruslah ulun sa bakoi naan kasala, wane teke isa harau, naan nakia-nakia sa percaya, nihi bakoi natuduh gana welum sa bakoi bamoral atau memberontak. ⁷ Sabab, erangkulun penilik jemaat haruslah ulun sa bakoi naan kahala sebagai penatalayan Allah, bakoi sombong, bakoi hinang sangit, lain pamabuk, bakoi rajin palakat, nihi bakoi sarakah huang nupui keuntungan. ⁸ Sebalik e, rajin ngawat, mencintai inon sa maeh, bijaksana, adil, saleh, nihi tau manguasai tenga. ⁹ Aye bajaput babujur nihi panderan sa tau napercaya, sesuai nihi sa haot naajarkan, sehingga aye tau ngami nasihat menurut pangajaran sa sehat nihi nagur ire sa nawan e. ¹⁰ Sabab, naan ajoh ulun sa memberontak, rajin panamposo, nihi manipu, khusus e ire sa baasal teke kelompok ulun basunat. ¹¹ ire cocok na tutup wawa e gana ire nampasusah uras keluarga nihi ngajar hal-hal sa seharus e bakoi ire ajar, sa nampahawi hal sa nampamangan. ¹² Salah satu teke ire,ayehio nabi ire kakerai, ngantuh, "Dasar ulun-ulun Kreta pakoso, ngalut satua ganas sa raat, dan rakus sa pangoler." ¹³ Kesaksian iti bujur. gana hio, tagurlah ire lawan keras supaya ire jari sehat huang iman. ¹⁴ Ada naperhati dongeng-dongeng ulun Yahudi nihi perintah ulun-ulun sa nulak kebenaran. ¹⁵ Bagi sa murni, uras hiolah murni. Tapi, gi ire sa najis nihi bakoi percaya, bakoi naan isa pun sa murni gana maeh pikiran maupun atei nurani ire ayehio najis. ¹⁶ Ire mangaku kataru Allah, Tapi nihi perbuatan e ire manyangkal Allah. Ire hio mararaat, bakoi taat, nihi bakoi sanggup ngulah inon pun sa maeh.