Yohanes ngajelas gene Kitab iti ¹ penyantarangan tekei Yesus Kristus,sa naami Allah ge Aye mat na tutui napot hamba-hamba E gene hal-hal sa hinang harus jari.Yesus Kristus ngami penyantarangan iti nangkah malaikat E mat na tahampe gi Yohanes,hamba E. ² Yohanes haot jari saksi Firman Allah balalu Yesus Kristus lei,entu kaluhan e sa haot na inni e. ³ Naberkati lah ulun sa nihi lengan mehet ngabaca Firman nubuatan iti balalu naberkati lah here lei sa ngarengei e palus ngagawi inon sa tatulis ta huang e,gene waktu e haot riet.Tabe Yohanes gi pitu Jemaat ta Asia ⁴ Tekei Yohanes,napot ka pitu Jemaat sa naan ta Asia.Anugrah nihi damai sejahtera mat gi kayo tekei Aye sa naan,sa haot naan,balalu sa sagar hawi;namput tekei ka pitu roh sa naan tangar hadapan tahkta E, ⁵ nihi tekei Yesus Kristus,saksi sa setia,sa panga mulai buan tekei helang ulun matei nihi penguasa entu raja-raja ta bumi.mat gi Aye,sa kaahi takam balalu nyanapas kan takam tekei dosa-dosa takam nihi ira E, ⁶ balalu haot ngajari takam jari isa kerajaan,imam-imam mat gi Allah nihi Bapa E,mat gi Aye lah kemuliaan nihi kuasa hampe kalawah e! Amin. ⁷ Inni bo,Yesus hawi nihi awan-awan,balalu tiap mate sagar kakinni Aye,bahkan heresa haot nyodok E;balalu kaluhan bangsa ta bumi sagar mahanang atei gene Aye.Oi,iti sagar jari! Amin. ⁸ "Kuki lah Alfa nihi Omega,Firman Tuhan Allah,sa naan,sa haot naan,balalu sa sagar hawi,sa maha kuasa."Pangini Yohanes gene Anak Murunsia ⁹ Kuki,Yohanes,pulaksanai nihi sameh kaon sa ngalap bagian huang kasusah,huang Kerajaan,nihi huang ketekunan ta huang Yesus,muneng tangar pulau sa na antuh Patmos gene Firman Allah nihi kesaksian Yesus. ¹⁰ Kuki nakuasai Roh*ta andrau Tuhan,balalu kuki ngarengei lengan mehet tangar wadingku sameh lengan terompet, ¹¹ sa ngeau,"tuliskan lah kaluhan sa na inni kayo gi huang isa buku balalu kirim bo hio gi pitu jemaat:Efesus,Smirna,Pergamus,Tiatira,Sardis,Filadelfia,nihi Laodika." ¹² Balalu,kuki ngulik mat ngini lengan sa bapander gi kuki.Katika kuki ngulik,kuki ngini pitu pee dian amas, ¹³ tangar penah-penah pee dian hio,kuki ngini erang kulun sameh Anak Murunsia,*makai jubah hampe gi pee balalu salempang amas tangar dada E. ¹⁴ Ulu nihi wulu E mahilak sameh wulu domba,sa mahilak salju;balalu mate E sameh lelap apui. ¹⁵ Pee E matalak sameh tembaga sa malelap huang padapuran palus lengan E sameh gemuruh ranu baah. ¹⁶ Tangar tangan kawan E,Aye negei pitu bintang balalu wawa E balua isa pedang kumat ba mate rueh,balalu rai E bacahaya sameh mate andrau sa malaing. ¹⁷ Katika kuki ngini Aye,kuki lawu ta pee E sameh ulun matei.Tapi,Aye ngandak tangan kawan E gi entu ku balalu ngeau,"Ada takut;Kuki lah sa awal nihi sa pangalis e, ¹⁸ balalu sa welum.Kuki haot matei,tapi inni bo Kuki welum hampe kalalawah e,balalu Kuki negei kunci maut nihi kunci Hades. ¹⁹ Gene hio,tulis kan lah hal-hal sa haot na inni kayo,balalu hal-hal sa jari wayah iti balalu hal-hal sa sagar jari udi hio. ²⁰ itilah rahasia gene pitu bintang sa na inni kayo ta tangan kawan Ku nihi pitu pee dian amas hio.pitu bintang hio aye hio malaikat tekei pitu Jemaat;balalu pitu pee dian hio aye hio pitu jemaat."