³ Khotbah Yesus ta bukit antuhan berkat ¹ Katika kakini ulun ajoh hio,Yesus mambai gi bukit.Balalu udi hio Aye maharung,murid-murid E hawi nalu Aye. ² Balalu,Aye nguka wawa E nihi ngajar here,eau E, V 3 Naberkati lei ulun sa susah huang roh gene here sagar ampun Kerejaan Surga. ⁴ Naberkati lei here sa kahanang atei ulah here sagar na katau ⁵ Naberkati lei ulun sa maleme atei e gene here sagar ngawaris bumi. ⁶ Naberkati lei here sa kaluan nihi haus sagar sa bujur gene here sagar natamising. ⁷ Naberkati lei here sa pamaahi ulah here sagar kiuh kaahi. ⁸ Naberkati lei here sa barasih huang atei e gene here sagar kakini Allah. ⁹ Naberkati lei here sa nunda damai gene here sagar naantuh nakia-nakia Allah. ¹⁰ Naberkati lei here sa natampahanang ulah sabujur gene here sa ampun Kerajaan Surga ¹¹ Naberkati lei kaon amun ulun ngahulut kayo balalu nampahanang kayo,nihi ngeau kaluhan masam pander sa koi maeh gi kayo nihi fitnah gene kuki. ¹² Basanang bo nihi barami-rami lei gene hante upa kayo ta Surga ulah sameh hio lei here nampahanang here Nabi samete kaon." Sira nihi tarang dunia ¹³ " Kayo aye hio sira dunia,tapi amun sira hio mapahe,nihi inon aye sagar natampa erang?aye bakoi naan guna e ekat naumpe nihi na rarah-rarah ulah murunsia." ¹⁴ " Kayo aye hio tarawa dunia.Tumpuk sa na andak ta entu bukit bakoi kiuh na siok. ¹⁵ ulun-ulun gin bakoi nyamelum pelita balalu ngandak e ta kapit gantang,tapi ta entu pee pelita,balalu aye nampatarawa kaluhan sa naan ta huang lewu. ¹⁶ Elah bo tarawanu lei bacahaya nihi cara sa sameh mat here kiuh ngini ulahan-ulahan kayo sa maeh balalu nyanawat Amahnu sa ta Surga."Penggenapan Hukum Taurat nihi kitab here Nabi ¹⁷ Ada ngono amun Kuki hawi pakai nyanyawoh Hukum Taurat atawa kitab here Nabi.Kuki hawi bakoi mat nyanyawoh tapi mat nyansukup e. ¹⁸ Kuki mawara sabujur e gi kaon,hampe langit nihi bumi ti nangkah,bakoi naan isa titik atau coretan lei sa sagar jawoh tekei Hukum Taurat hampe kaluhane na sansukup. ¹⁹ Ulah gene hio,hie sa nynyawoh isa bo tekei huyuan-huyuan sa paling halus iti balalu ngajar ulun lain mat ngagawi hal sa sameh,aye sagar naantuh sa paling halus huang Kerajaan Surga.Tapi,hie sa ngagawi huyuan-huyuan hio balalu ngajar e lei sagar na antuh hante huang Kerajaan Surga. ²⁰ Ulah Kuki mawara gi kaon aye hio amun kewuahan nu bakoi labih maeh tekei kewuahan ahli-ahli Taurat nihi ulun-ulun Farisi,kaon bakoi tau sama sekali suluk huang Kerajaan Surga. Mengenai ulun sa sangit nihi pulaksanai e ²¹ Kaon haot karengei sa nawara gi itak buyut takam,ada munu,balalu hie sa munu susuk na tunda gi pengadilan. ²² Tapi lei,aku mawara gi kayo aye hio hie lei sa sangit nihi pulaksanai e susuk naan huang hukuman,balalu hie lei sa ngeau gi pulaksanai e `kayo godo`,susuk naan ta hadapan Mahkamah Agama,balalu hie lei sa ngeau `kayo bungul`,susuk ta huang neraka apui. ²³ Ulah gene hio,amun kayo ngami pangamian nu ta entu altar,balalu taaro kayo kaingat aye hio pulaksanainu naan sangkutan nihi kayo, ²⁴ tanan bo pangamiannu hiota muka altar palus tulak bo dulu e badamai nihi pulaksanainu,udi hio waleng bo ²⁵ sa hinang bo,badamai lei nihi ulun sa mantaka kayo sawaktu kayo rahat ta lalan hayak aye mat ada pamantaka kayo hio nyarah kayo gi pagawai e,balalu kayo natampasuluk e gi huang penjara. ²⁶ Kuki mawara sabujur e gi kayo,kayo bakoi sagar tau balua tekei hio nampe kayo haot bayar duit sa pangalis e. Ulun sa ba zina ²⁷ Kaon haot ngarengei aye hio sa nawara,`ada bazina`, ²⁸ Tapi lei,kuki mawara gi kayo aye hio setiap ulun sa ngini erang kulun wawei balalu ngakan e,aye haot bazina nihi wawei hio ta huang atei e. ²⁹ Amun mate kawannu ngulah hanyu badosa,sungkil bo matenu hio palus umpe.gene,oboh maeh kayo kajawoh isa tekei anggota tenga nu tekei kaluhan tenganu naumpe gi huang neraka. ³⁰ Balalu,amun tangan kawannu ngulah hanyu badosa,tetek palus umpe bo tangan nu hio ulah lebih maeh kayo kajawoh isa tekei anggota tenganu tekei kaluhan tenganu naumpe gi huang neraka. Aturan hal sarak ³¹ haot nawara: hie sa nampasarak harau e harus ngami surat sarak gi harau e hio. ³² Tapi lei,kuki mawara gi kaon aye hio hie sa nyansarak harau e, kacuali ulah zina,aye ngulah harau e bazina.Balalu hie sa namane nihi wawei sa haot nasansarak hio,aye lei bazina. Gene hal sumpah ³³ Hindra lagi,kayo haot ngarengei sa nawara gi itak buyut takam,`ada basumpah oso,tapi tampenu bo sumpah kayo hio ta hadapan Tuhan.` ³⁴ tapi, kuki mawara gi kayo ada bo hindra-hindra kayo basumpah,maeh demi Surga ulah Surga hio takhta Allah, ³⁵ atau lei demi bumi gene bumi aye hio tumpuan pee E,atau lei demi Yerusalem ulah hio aye tumpuk Sang Raja hante. ³⁶ Ada lei kayo basumpah demi ulunu ulah hanyu bakoi kiuh ngulah isa hijir wulu lei,mahilak atau maintem. ³⁷ tapi,aheng lei pamanerannu,oi amun oi,bakoi amun bakoi,gene sa labih nekei hio asal e tekei sa jahat. Hal panyamalehan ³⁸ kaon haot ngarengei inon sa haot na wara,`mate ganti mate,dipen ganti dipen.` ³⁹ Tapi,kuki mawara gi kayo ada nawan sa jahat,tapi hie sa nampar kayo ta pahu kawan,surung bo pahu kawi nu lei. ⁴⁰ Balalu,amun erang kulun kakan nuntut kayo palus ngalap lamma nu,ami lei jubahnu gi aye. ⁴¹ Balalu,hie sa mamaksa hanyu takia 1 mil,takia bo nihi aye salawit 2 mil. ⁴² Ami bo gi ulun sa lako tekei kayo nihi ada manolak ulun sa kakan ngihau tekei kayo," Ahi lei musuh nu ⁴³ kayo haot ngarengei sa na Firmankan,`na ahi lei sameh kaon,`balalu `narikang bo musuhnu,` ⁴⁴ Tapi kuki mawara gi kayo,na ahi lei musuh-musuhnu palu nadoa lei gi ulun-ulun sa nampahanang kayo, ⁴⁵ nihi hio kayo kiuh jari nakia-nakia Ambah nu sa ta Surga ulah Aye nampahulet mate andrau E gi sa jahat nihi sa maeh,balalu nampinau uran gi sa maeh nihi sa bakoi maeh. ⁴⁶ Ulah hio,amun kayo ekat maahi ulun-ulun sa maahi kayo,inon upa sa nahaba nu?bakoilah pangumpul pajak lei ngagawi sameh hio? ⁴⁷ Balalu,amun kayo ngami hormat ekat gi pulaksanai-pulaksanainu,inon sa labih e gawiannu?bakoi lah ulun-ulun sa bakoi kataru Allah ngagawi sameh hio lei? ⁴⁸ ulah hio,kayo harus jari sempurna,sameh Ambahnu sa ta Surga sempurna."