¹ Teke penetua gi Guyus terkasih, sa kuki kasihi huang kebujur. ² Puloknai kuki sa kuki kasihi, kuki badoa semoha kayo maeh-maeh bo huang segala hal, semoga tenga kayo sigar, sama ngulah tenga kayo lei sigar. ³ Ulah, kuki tamam basukacita wakttu puloknai-puloknai hawi nihi basaksi tentang kabujur kayo, sakalawe saat iti kayo welum huang kabujur. ⁴ Kuki bakoi memiliki sukacita sa labih hante teke pada ngarengei bahwa nakia-nakia kuki takia huang kabujur. ⁵ Puloknai sa kekasih, kayo gawi nihi setia huang kaluhan usaha kayo gi puloknai-puloknai, meskipun ire ulun asing. ⁶ Ire haot basaksi tentang kasih kayo ta hadapan jemaat. Kayo sagar ngulah sa maeh inon bo ngawat ire narus takiaan nihi cara sa berkenan gi Allah. ⁷ Ulah, ire haot tulak demi Aran hio, bakoi narime inon bo teke ulun-ulun sa bakoi percaya. ⁸ Ulah hio, taka harus ngawat ulun-ulun sameh ire sehingga taka ngajari kawal sepelayanan gi kabujur. (Diotrefes nihi Demetrius) ⁹ Kuki haot nulis surat gi jemaat, tapi Diotrefes, sa kakan sakah ta helang ire, bakoi kakan narime kami. ¹⁰ Ulah hio, amun kuki hawi, kuki sagar pakingat aye gana tindakan aye, sa memfitnah kami nihi panderan-panderan sa raat! Bakoi ekat hio bo, aye lei bakoi kakan narime puloknai-puloknai sa hawi nihi nguring ire sa kakan narime puloknai-puloknai hio nihi nyiok ire teke jemaat. ¹¹ Puloknai kuki wq kuki kasihi, ada ngalut sa raat, melainkan sa maeh. Ulah sa ngulah maeh berasal teke Allah, tapi ulahan sa ngulah raat, mete ngindi Allah. ¹² Kaluhan ulun haot basaksi sa maeh tentang Demetrius, bahkan kabuju basaksi demikian. Kami lei basaksi, nihi kayo karasa bahwa kasaksian kami bujur. ( Tabe Pangalis) ¹³ Naan ajoh hal sa kakan kuki tuliskan gi kayo, tapi kuki bakoi kakan nulis'e gi kayo nihi pena nihi tinta. ¹⁴ Kuki berharap de nutah kayo hinang nihi taka sagar bapander secara bahadapan. ¹⁵ Damai sejahtera gi kayo. Hengau-hengau ta iti ngirim tabe gi kayo. Hampe lei tabe kami gi setiap puloknai ta anai.