¹ Waktu iti, hal panawi Tuhan taka, Yesus Kristus, nihi waktu pakisa'e taka hayak nihi Aye, kami lako kayo, piloknai-puloknai, ² de kayo ada hinang bingung huang pikran kayo atawa gelisah waktu ngarengei andrau Tuhan haot hawi, maeh teke roh* atawa pesen atawa surat sa seolah-olah teke kami. ³ Ada na biar erng kulun lei nampatarang kayo nihi cara inon lei sabab andrau hio bakoi sagar hawi sa mete ka murtadan hawi nihi marasia raat na tampai, ayehio ha nakia kebinasaan, ⁴ sa nawan nihi nampasakah areb'e ge kaluhan sa antuh allah atawa sa na sembah ulun; nihi aye sagar ngalap uneng maharung ta Bait Allah nihi mara areb'e ebagai Allah. ⁵ Bakoi ka kingatkah kayo bahwa waktu kuki hayak kayo, kuki mara hal iti ge kayo? ⁶ Waktu iti, kayo karasa inon sa mamangkung aye sehingga bio tangar saat'e uni, aye sagar na tampai. ⁷ Sabab, rasia kedurhakaan haot rahat bagawi, ekat aye sa wayah iti nahan e akan tatap nahan e hampe aye de umpe. ⁸ Udi hio, marasia raat hio sagar na tampai. Tapi, Tuhan sagar munu e nihi hewuk wawa-Aye nihi na sanawoh e nihi panawi Aye. ⁹ Panawi sa marasia raat hio sagar sasuai nihi gawian Iblis*, na pahayak nihi sagala masam kuasa, siri-siri wa'oh nihi mujizad-mujizad palsu; ¹⁰ lahui nihi kaluhan akal raat ge ire sa sagar matei sabab ire nulak de mengasihi kabujur'e balalu na selamatkan. ¹¹ Oleh sabab hio, Allah ngirim satawang sa harat entu ire supaya ire percaya nihi kana oso, ¹² jari ire uras tau na hakimi, ayehio ire sa bakoi percaya nihi kabujuran nihi sanang nihi karaat. (Kayo Napidi de Naselamatkan) ¹³ Puloknai-puloknai sa na sayang Tuhan, kami harus tarus basyukur nihi Allah gi kayo. sabab, Allah haot midi kayo teke samula de naselamatkan nangkah pengudusan teke Roh nihi iman huang kebenaran. ¹⁴ De hiolah Allah nerau kayo nangkah Injil* sa kami beritakan supaya kayo kahaba kemuliaan Tuhan taka, Yesus Kristus. ¹⁵ Jari, puloknai-puloknai, mindrilah kuat nihi japutlah ajaran-ajaran sa haot na ajarkan gi kayo, maeh nangkah panderan-panderan atau nangkah surat kami. ¹⁶ saat iti, kira'e Tuhan taka, Yesus Kristus, kakarep nihi Allah Bapa taka, sa haot mengasihi taka nihi ngami taka penghiburan kekal nihi pengharapan sa maeh nangkah anugerah, ¹⁷ menghibur nihi mampakuat atei kayo huang satiap gawian nihi panderan sa maeh.