¹ Paulus,erang kulun rasul Kristus Yesus ulah aheng Allah nihi Timotius,pulaksanai takam,napot Jemaat Allah sa naan ta Korintus hayak kaluhan ulun kudus sa naan ta kaluhan Akhaya. ² Anugerah mat gi kayo nihi damai sejahtra tekei Allah Bapa takam nihi Tuhan Yesus Kristus."Antuhan Syukur gene penghiburan Allah ³ Naberkati lah Allah nihi Amah Tuhan takam,Yesus Kristus,Amah sa penu kaahi lelu nihi Allah kaluhan penghiburan, ⁴ sa menghibur kami huang kaluhan ka rara kami hampe kami lei kiuh menghibur here sa muneng huang ajoh ka rara nihi penghiburan,sa kami kakareb na hibur ulah Allah. ⁵ Gene,sameh nihi ka rara-karara Kristus balabih huang kami,sameh hio lei penghiburan kami balabih nangkah Kristus. ⁶ amun kami rara,hal hio mat gi penghiburan nihi keselamatan nu.Atawa,amun kami na hibur,hal hio aye lah mat penghiburan nu,sa bagawi huang kasabaran gene karara-karara sa sameh,sa na inam kami lei. ⁷ ka harap kami entu kayo hio tagap gene kami karasa bahwa sameh awe kayo ngalap bagian huang karara-karara kami,sameh hio lei kami ngalap bagian huang penghiburan kami. ⁸ Pulaksanai-pulaksanai,kami bakoi hakun kayo bakoi karasa gene ka rara sa na inam kami ta Asia.Kami nanggung ma weat tuu labih tekei kagagah kami hampe kami putus asa mat tatap welum. ⁹ labih pudi,kami naan hukuman matei huang tenga kami kakareb mat kami bakoi yakin nihi tenga kami kakareb,tapi napot Allah sa nambuan ulun matei. ¹⁰ Aye haot ngalibas kami tekei pampatei sa maka tatakut hio balalu sagar ngalibas kami lagi.napot Aye kami baharap aye hio Aye sagar menyelamatkan kami lagi. ¹¹ Kayo lei uma ngawat kami nangkah doa-doanu hampe ajoh sa sagar bersyukur entu aran kami gene kasih karunia sa na ami napot kami nagkah doa-doa ulun ajoh."Perubahan aheng Paulus ¹² Ititlah kebangga kami,aye hio kesaksian atei nurani kami aye hio kami welum tangar dunia iti,panga dahulu e nadap kayo,nihi katulusan palus kamurnian tekei Allah,bakoi huang hikmat dunia,tapi huang anugrah Allah. ¹³ Gene,kami bakoi manuliskan hal-hal lain napot kayo sa lain sa kiuh na baca nihi na kataru.kuki baharap kayo paham kaluhan e, ¹⁴ sameh lei kayo haot mamaham mehe e hal kami,aye hio bahwa kami lah kabangga nu,sameh awe kayo lei aye lah kabangga kami,ta andrau Tuhan Yesus. ¹⁵ Huang keyakinan iti,kuki ba aheng mat labih dahulu hawi gi uneng nu mat kayo tau kakiuh anugrah mat karueh kali e. ¹⁶ kuki hamen ganta kayo huang kiaan ku gi Makedonia,balalu waleng lagi napot kayo udi tekei Makedonia mat kayo tau ngawat kuki huang kiaanku gi Yudea. ¹⁷ Ulah gene hio,inonkah nihi ka bingung kuki ngarencana kan hal iti?atawa,inonkah sa kuki rencanakan,kuki marencanakan e secara duniawi hampe napot kuki secara hayak naan "oi,oi" balalu "bakoi,bakoi"? ¹⁸ sameh nihi Allah aye hio setia,paneran kami napot kayo bakoilah "oi" nihi "bakoi". ¹⁹ Gene,Anak Allah,Yesus Kristus,sa na hampe tangar helang kaon ulah kami,aye hio ulah aku,Silas,nihi Timotius,bakoilah"oi" nihi "bakoi",tapi "oi" ta huang Aye. ²⁰ . gene , kaluahn janji Allah aye hio "oi" ta huang Kristus.hiolah gene e,nangkah Aye,kami ngantuh "Amin" kami mat gi kemuliaan Allah. ²¹ Balalu,Allah sa meneguhkan kami sasamah nihi kayo ta huang Kristus,balalu sa haot mengurapi takam, ²² nihi ngami Roh E huang atei takam jari jaminan. ²³ Tapi,kuki nerau Allah jari saksi napot jiwa ku bahwa mat ngaret areb ku gene kayo kuki mete hawi lagi gi Korintus. ²⁴ bakoi gene kami nuyu bagawi hayak kayo mat kasanang nu gene huang iman nu,kayo mindri tagap.