¹ Sasutu sa naan teke mulai, sa haot kami rengey, sa haot kami indi nihi mate kami, sa haot kami perhatikan dan japut nihi tangan kami, ayehio Firman pamelum, ² pamelum hio haot de nyatakan dan kami haot ngindi-E. Kami mara dan ngabarkan nihi kayo tahuang pamelum kekal hio, sa haot naan pahengau Ambah dan haot denyatakan nihi kami. ³ Hal sa haot kami indi dan rengei hio, kami ngabar lei gekayo supaya kayo lei ampune persekutuan kami. sabujure, persekutuan kami hio ayelah sahayak Allah Ambah dan Anak-E, Kristus Yesus. ⁴ Kaluhan masalah iti kami tuliskan nihi kayo supaya kabegohko jari penu. ( Takia huang Tarawa ) ⁵ Itilah kabar sa haot kimi rengei tentang aye dan kami hampekan nihi kayo, aye hio Allah ayelah tarawa dan ta huang Aye sama sakali bakoi naan kamiyeng. ⁶ Jaka kami ngantuh bahwa taka naan ngampune persekutuan nihi Aye, tatapi taka welum huang kamiyeng, taka pakoso dan bakoi ngagawi kabujuran. ⁷ Namun, jaka taka takia huang tarawa, sama nihi Aye ta huang tarawa, taka naan persekutuan usa nihi sa lain, dan ira Yesus, Anak-E, ngarasih taka neke kaluhan dosa. ⁸ Jaka taka ngantuh bahwa taka bakoi badosa, taka ngakal tenga kakarep dan kajujuran bakoi naan ta huang taka. ⁹ Jaka taka mangaku dosa-dosa taka, Aye naanlah satia dan adil de ngampune dosa-dosa taka dan de ngarasihkan taka neka kaluhan kajahatan. ¹⁰ Jaka taka ngantuh bahwa taka mete piji ngulah dosa, taka ngulah Aye jari pangakal dan firman-E bakoi naan ta huang taka