¹ Mokone, iko, ngajarne hal - hal se sesuai alie pengajaran se maeh. ² Upo - upo setuo harus kate menahan diri, terhormat, menguasai diri, alie maeh suangk iman, suangk kasih, alie suangk ketekunan. ³ Li, wawe- wawe se lebih tuo harus menunjukan tingkah laku se maeh, doho ngulah kujup atau hamba anggur, moko ne harus ngajari se maeh. ⁴ koe sio reo kahalu menasehati wawe - wawe burok agint ngahayang harau ne, ngahayang anak-anak ne, ⁵ menguasai diri, saleh, li ngurus pombolump reo, ramah,alie patuh pe harau ne, supaya firman Allah doho wa sembilek. ⁶ Semayo lou, nehati ulunt - ulunt burok agint kate menguasai diri. ⁷ Suangk segala hal, mokone iko jari teladan suangk lelakon maeh. Suangk pengajaran, tunjuklah integritas, kehormatan, ⁸ pengoteh sebujur doho tercela mokone para lawan jari mai kowe doho ngntuh hal se daat tentang taamp. ⁹ Hamba - hamba harus tunduk pe tuan- tuan reo suangk segala hal, usaha gin menyenangkan reo, ali doho makai. ¹⁰ Ai ngako tapi petedre deh bahwa iko kate wa persaya supaya suangk segala hal reo memuliakan ajaran Allah, Juru Selamat taamp. ¹¹ Koe, anugrah Allah se moitn keselamatan ukah nyata agin ulunt, ¹² agin kate taamp nyembilah hal - hal sedoho maeh louso hawa nafsu duniawi supaya taamp kate wolump menguasai diri, adl alie saleh ba zaman kletu situ. ¹³ sementara taamp ngandre pengharapaan se punu berkat, sesio penggawi se punu kemuliaan ante Allah paling ombo alie Juru Selamat taamp, Kristus Yesus. ¹⁴ Ise ukah ngumi umpune ampe taamp agin menebus taamp ante gawisne kelakuan daat alie agin membrasih ompu Ne, suatu umat pilihan Ne se kate gawi gawian maeh. ¹⁵ Ajar gawis ne situ nasehati ali iyai deh alie segala kewibawaan. Ai ampe ulunt se mekiwe iko.