¹ Suatu ketika, ba ondro sabat, Yesus malatn nyendalo erai wa umo gandum. Ba lau sio, murid-murid-Ne nguteh sesenu bigi gandum, ngosok-gosokne ali kayakng reo, lalu kumanne. ² Sesenu kulutn Farisi mondrik, "Kenone iko gawi hal sedoho bulih wa gawi ba ondro sabat?" ³ Yesus menjawab reo ali montuh, "Dohokah iko suah membaca none se wagawi Daud lau ise dab ulutn-ulutn se baya ise kima manlau, ⁴ tentang saraone ise sinop suakng lowu Allah, ngutik roti persembahan, umanne roti sio, serta ngumine ampe ulutn-ulutn se baya ise sedoho bulih kumanne, kecuali para imam ka?" Lalu, Yesus ngontuh ampe ulutn-ulutn Farisisio, "Anak Mirisia sesio Tuhan ombo ondro Sabat." Yesus meradu ba ondro sabat ⁶ Ba ondro sabat berikutne, Yesus tulak pe sinagoge dan ngajar. Bawadah sio naan erai kulutn se kayakngkananne lumpuh. ⁷ Ahli-ahli Taurat dan Ulutn-ulutn Farisi ngamati Yesus agin minda nonekah Ise akan meradu ba ondro sabat, supaya reo naan alasan agin nuduh Ise. ⁸ Akan tetapi, Yesus taunone se reo pikir. Ise ngontuh ampe ulutn sekayakngne lumpuh sio, "Kuat dan sekondroknglah ba kewokng." Lalu, ulutn sio kuat dan sekondrokng ba indo. ⁹ Yesus ngontuh ampe reo, "Aku mondriki ampe ikopm, nonekah se sekate gin wagawi ba ondro Sabat: ngulah semaeh atau ngulah se daat? Menyelamat sengo atau membinasakan ne?" ¹⁰ Ukah minda ulep, ampe reo gawis, Yesus ngontuh ampe ulutn sekayakngne lumpuh sio, "Pekangelah kayakngko." Kemudian, ulutn sio mekange kayakngne dan kayakngne jari radu. ¹¹ Akan tetapi, ulutn-ulutn Farisi dan ahli ahli Taurat jari mehet mara dan berunding tentang none seanta reo gawi ampe Yesus. Pemilihan keduo belas rasul ¹² Ba ondro-ondro sio, Yesus mongket pe bukit agin bedoa, dan ba indo Ise bedoa ampe Allah erai malopm. ¹³ Ba pita ondro dilone, Ise ngitai murid-murid-Nedanmili duobelas ulutn ba antarareo, sesioulutn-ulutn se wa ontuh-Ne rasul: ¹⁴ Simon se ngaratne "Petrus", Andreas erai untukng Petrus, Yakobus, Yohanes, Filipus, Bertolomeus, ¹⁵ Matius, Tomas. Yakobus anak Alfeus, Simon se waontuh ulutn Zelot, ¹⁶ Yudas anaK Yakobus, dan Yudas Iskariot se jari penghianat. Pengajaran Yesus ¹⁷ Ukah Yesus danpara rasul mange, Ise sekondrokng ba wadah se datar. Lalu, awilah ampe Ise serombongan olai para murid-Ne dan ulutn deo se awi ante ulep wilayah Yudea, Yerusalem,serta ante daerah pantai kota Tirus dan Sidon. ¹⁸ Reo gawisawiagin ngerongoi Yesus dan agin kahalu radu ante segala penyakit reo. Dan, ulutn-ulutn sewarasuki roh-roh daat wa paradu lou. ¹⁹ Gawis ulutn berusaha agin japai Yesus koe naan kuasa se pekual ante Ise dan meradu reo gawis ²⁰ Yesus nyentena murid-nmurid-Ne sio dan ngontuh, "Waberkatilah iko se miskin koe kenaankolah Kerajaan Allah. ²¹ Wa berkatilah iko se keletu se manlau koe iko anta wa tewosikng. Wa berkatilahiko se keletu nyonyar koe iko anta kisi. ²² Wa berkatilah iko waktu ulutn ngemara iko, mengucil iko, menghina iko, serta ngerusak ngaratn maeh ko koe Anak Mirisia. ²³ Be sukacitalah ba ondro iko ngalamine, dan monjaknglah kesanangan koe upahko olai ba surga; koe samayolah itak kakah reo ngelakukan para nabi. ²⁴ Akatn tetapi, celaka ka hai iko se sugih sebab iko ukah ngahalu kenyamanan wolupm. ²⁵ celaka ka iko se keletu sina wosikng sebab iko akatn melau. celaka ka iko se keletu at ngekisi sebab iko akatn meratap ali nyonyar. ²⁶ Celaka ka iko ena awis ulutn ngontuh hal-hal se maeh tentang diriko sebab itulah itak alau reo pas ngontuh nabi-nabi palsu". Tuasi ka Musuhko ²⁷ Akatn tetapi, Aku ngontuhkan ampe iko se wa rongoikan Aku. Tuasi ka musuh ko ali berbuat maeh ka ampe ulutn se ngegali iko. ²⁸ Berkati ka ulutn se ngutuk iko ali berdoa ka bagi reo se menganiaya iko. ²⁹ Bagi ulutn se nampar pasu ko, tawar ka lou pasu se lain. Ali, ampe ise pun se merampas jubahko, ai melarang ne agitn merampas bajuko lou. ³⁰ Umi ka ampe tiap ulutn se tindu ampe iko, ali ena erai kulutn ngutik agitn ko, ai ka ngetindu ne gane. ^{34 31} Perlakukan ka ulutn laitn sebagaimana iko kakatn wa perlakukan koe reo. ³² Ena iko ekat mentuasi ulutn se mentuasi iko, apakah pujian se wa umikatn ampe iko? sebab, ulutn berdosa pun se wa mentuasi ulutn-ulutn se mentuasi reo, ³³ Ena iko ekat berbuat maeh ampe ulutn se berbuat maeh ampe iko, pantas kah iko ngahalu pujian? ³⁵ Akan tetapi, tuasi ka musuh ko ali berbuat ka se maeh, umi ka pekihau ampe ulutn laitn tanpa mengharapkan imbalatn. alu semetu, iko akatn ngahalu upa se olai ali iko akatn jari anak-anak Se Maha ombo, sebab Alla ta ala situ maeh terhadap ulutn-ulutn se doho tau berterima kasih ali se jahat. ³⁶ Koe situ, hendak ka iko berbelas tuasi, sama seperti Uma ko se lou penuh ali belas penuasi, " Ai ngehakimi ulutn laitn. ³⁷ Ai ngehakimi supaya iko doho wa hakimi. ai menghukum supaya doho wa hukum. Ampuni ka ali iko akatn wa ampuni ³⁸ Umi ka ali akatn wa umikatn ampe iko ; suatu takaran se maeh, se wa padatkan, se wa guncakngkatn ali berlimpah, ali se akatn wa insyik pe pangkuatn ko. Koe ali ukuratn se sama se iko gunakatn agitn ngukur, hal situ akatn wa ukurkan gane ampe iko. ³⁹ Yesus ngisahkan ampe reo perumpamaatn sina, " Halu kah ulutn buta menuntun ulutn buta? Doho kah reo berueh akatn latu pe suakng luakng? ⁴⁰ Erai kulutn murid doho lewi dari pada guru ne. Akatn tetapi, setiap ulutn se ukah terlatih akatn jari hama guru reo. ⁴¹ None iko kotau serbuk kayu ba mato erai untukng ko saurakng ? ⁴² semone iko halu ngontuhkatn ampe erai untukng ko, 'Erai untukng, biar ku tengkualkatn serbuk kayu situ tanjak mato ko ? Hai ulutn munafik ! tengkual kan dile balok kayu situ tanjak mato ko saurakng. ukah situ, iko halu kotau ali jelas agitn nengkualkatn serbuk kayu tanjak mato ko saurakng. " Pohon se Maeh ngehasilakn Ua se maeh ⁴³ Pohon se maeh doho akatn ngehasilaktn ua se buruk, ali pohon se buruk doho akatn ngehasilakatn ua se maeh. ⁴⁴ setiap pohin wa kenal tanjak jenis ua se wa hasilkan. Ulutn doho ngumpulkatn ua ara tanjak semak ngerui, atau ngutik anggur tanjak semak belukar. ⁴⁵ Ulutn se maeh nengkualkan hal-hal maeh tanjak sengo ne se maeh ali ulutn jahat nengkualkan hal-hal se jahat tanjak sengo ne se jahat. None se pekual tanjak wowa ulutn berasal tanjak none se memenuhi sengone. " Rueh Masam Fondasi ⁴⁶ Konone iko ngitai Aku, Tuhan, Tuhan, tetapi doho melakukan none se Aku ajarkan? ⁴⁷ Aku akatn menunjukkan ampe iko, hama none kah ulutn se awi ampe Iko, ngerongou ajaran-Ku ali melakukanne. ⁴⁸ Ise hama ulutn se membangun sebuah lowu, se menggali lonsop-lonsop, lalu meletakkan fondasi ba ombo watu. Ketika bajir awi, ranu menghantam lowu situ, tetapi doho halu menggoyahkan sebab lowu situ wa bangun ali sangat kokoh. ⁴⁹ Namun, ulutn se ngerongoi ajaran-Ku tetapi doho mematuhi ne, ise hama ulutn se membangun lowu ba ombo tana tanpa fondasi, Pas banjir awi, lowu situ roboh ali ngalami kerusakan se olai."