¹ Tanjak onekah awi ne perkelahian ali pemaburatn se jari ba rokakng iko? Doho nah situ berasal tanjak hawa nafsuko se beperang ba suakng anggota-onggota pengompu ko? ² Iko ngenakatn sesuatu, tapi doho ngahalu ne, moko, iko nempate. Iko iri sengo ali upal ngahalu ne, moko iko berkelahi ali pemabur. Iko doho ngahalu koe iko doho tindu. ³ Atau iko, tindu, tapi doho ngahalu koe iko tindu ali alasan se sala, se sio agint nempuaskan hawa nafsu. ⁴ Hai, iko para pezina, doho tau kah iko bahwa persahabatan ali denia berarti permusuhan ali Allah ta ala? koe situ, sebone pun se kakatn bersahabat ali denia, ise menjadikan dirine musuh Allah ta ala. ⁵ None ka iko pikir Kitab Suci tanpa alasan ngontuh, Roh se wa tempatkan Allah ta ala ba suakng diri taapm wa kenakatn-Ne ali cemburu"? ⁶ Namun, Allah ngumi anugerah se lewi mao. Koe situ Kitab Suci ngontuh, "Allah ta ala menentang ulunt se sombongk, tapi ngumikan anugerah ampe ulunt se iwe sengo. ⁷ Koe situ, serahkan ka diri ko ampe Allah ta ala. Lawatn ka Setan, moko ise kan monsit tanjak iko. ⁸ Ngeriet ka ampe Allah ta ala, ali ise kan ngeriet ampe iko. Buikant ka kayangk ko, hai ulutn-ulunt berdosa, ali murnikan ka sengo ko, hai ulutn-ulunt se ngerueg sengo. ⁹ Prihatin, berduka, ali meratap ka, biar ka kisi ko berubah jari ratapan ali sukacita ko jadi dukacita. ¹⁰ Pe kiwe kan ka sengo ko ba hadapan Tuhan, moko Ise akan mengkongketkan ko. Ai mencela ali Menghakimi Sesamako. ¹¹ Erai untung-erai untung, ai salingk ngontuh hak se jahat ba rokangk ko. Ulunt se ngontuh se jahat tentang era untung ne, atau menghakimi erai untung ne, mengontuh ngelawatn hukum, iko doho nah pelaku hukum, melainkan hakim ne. ¹² Hanya naatn erai Pengumi Hukum ali Hakim, se sio lah Ise se halu menyelamatkan ali membinasakan ; tapi sebonekah iko sehingga iko menghakimi sesama ko? kenakatn Allah ta ala suakng Segala rencana Mersia. ¹³ Keletu, rongoi ka hai iko se ngontuh, "Ondro sina atai ondro dilo iko kant tulak pe kota sina ali situ, duloi ba denat se ola erai taon, bejualant, ali ngahalu keuntungan," ¹⁴ Padahal iko tau none none se akan terjadi ondro dilo, NOne kaha rti wolupm ko? wolupm ko situ hama uap se timbul dedile, ali kemudian lenyap. ¹⁵ Jadi, iko seharusne ngontuh, "Ena Tuhan menghendaki, kaitn wolup ali melakukant sina atau situ". ¹⁶ Tapi keletu, iko arai suangk keseombongan ko ; kebanggaan hama situ adalah jahat. ¹⁷ Jadi, ena seorang tau bagimana berbuat maeh, tapi doho melakukan ne, ise berdosa.