¹ Salam tanjak Yakobus, pelayanan Allah ta ala ali TUhan Yesus Kristus, ampe ke rueh belas suku se te sebar ba seluruh denia. Ujian Iman ngasilkan ketabahan. ² Erai untunk-erai untungkku, anggapka sebagai suatu sukacita jika iko latu pe suangk berbagai pencobaan. ³ Moko ne, iko tahu bahwa ujian terhadap imanko menghasilkan ketabahan. ⁴ Biar ka ketabahan ngumikan hasil se ponu suoaya iko jari sempurna ali utuh, doho kekurangan none-none. ⁵ Akan tetapi, ena ba rokakng iko naatn se kekurangan hikmat, kendala ise nindu ne ampe Allah ta ala, se ali murah sengo ngumi ampe gawis ulunt tanpa mencela, ali situ akan wa umikant ampe ne. ⁶ Namun, ise harus tindu ne ali iman ali doho bimbang koe ulunt se bimbang sio hama gelombang laut, wa tutup riwut pero pitu. ⁷ ulunt hama siti ai lah ngira akan nerima sesuatu tanjak Tuhan. ⁸ Ulunt se pelaitn sengo doho akan tenang suangk gawis wolupm. Kesugihan se sebejurne. ⁹ Biar ka erai untungk se wolupm sederhana arai saat ise wa ombokan, ¹⁰ ali ulunt sugih saat ise wa tempatkan ba keadaan se iwe koe hama unge rikut, ise kan lenyap. ¹¹ Moko ne, mato ondro terbit ali layokng ne se semakin terik, ali ngelayukan rikut, ungene latu, ali keindahan ne pun lenyap. Demikian lou, ulunt sugih kan lenyap ba ewu-ewu usahane. Pencubaan doho awi tanjak Allah ta ala. ¹² Wa berkati ka ulunt se tabah suangk pencubaan koe se ukah ne ise terbukti tahan uji, ise kan nerima mahkota pembolupmman se wa janjikan ampe se mentuasi Ise. ¹³ Ena erai kulutn wa cubai, ai ka ise ngontuh, "Aku pentukng wa cubai Allah ta ala." Moko, Allah ta ala doho kahalu wa cubai koe se Jahat ali ise saurangk doho mencubai sebone pun. ¹⁴ Namun, tiap ulunt wa cubai koe ise wa siret ali wa pikat koe kenakatnne saurangk. ¹⁵ Ketika kenakatn wa ua'i, ise kan nengkekuhkan dosa ali ketika dosa jari monsak, ise kan mengekuhkan maut. ¹⁶ Erai untung-erai untung se ku tuasi, ai tawakng. ¹⁷ Tiap pengumian se maeh tiap pengumian se sempurna awi tanjak ombo, wa pekangekan tanja UMa segala Tarakng, ampe-Ne doho naatn perubahan atau pertukaran bayangan. ¹⁸ Atas kenakatn-Ne suarakng, Ise jari kan taapm ali firman sebujuran supaya taapm jari ua pengetuo tanjak gawis ciptaan-Ne. Ngerongoi ali Menggawikan Firman Tuhan. ¹⁹ Erai untung erai untung se ku tuasi, perhatikan ka sina ; hendak ne tiap-tiap ulunt laju agint ngerongoi, tapi lambat agint nyundrokant, ali lambat agint mara. ²⁰ Moko, pemara mersia doho mengajarkan sebujuran Allah ta ala. ²¹ Koe situ, umpe ka segala kedoho sucan ali kedeo ne kejahatan, ali terima ka ali kelome lembut firman Allah se ukah wa dulo ba suakng ko, se sanggup menyelamatkan jiwa ko. ²² Jari lah pelaku firman ali doho hanya ngerongoi ka ; ena doho, iko menipu diri saurakng. ²³ Moko, ena ulunt ngerongoi firman, tapi doho menggawi ne, ise hama ulunt se pentungk mengamati wae ne, ise hama ulunt se pentung ngamati wae ne ba ceramin. ²⁴ Se ukah mengamati dirine ali tuak, ise leloi beloh kesowot hama one wae ne ende. ²⁵ Namun, ulunt se meneliti hukum se sempurna, yaitu hukum se memerdekankan, ali bertekun ba suangk ne, ise doho jari tukakng erongoi se beloh kesowot, tapi jari pelaku firman. ise kan wa berkati atas none se wa gawikan ne. Ibadah se Bujur ampe Allah ta ala. ²⁶ Ena erai kulutn ngira bahwa ise sio ulunt se taat beribadah, tapi ise doho kahalu mengendalikan lela ne, ise nipu sengo ne dedue. Ketaatanne situ sia-sia. ²⁷ Ibadah se murni ali doho tercela ba hadapan Allah ta ala ali Uma taapm sio lah me ngaoti anak-anak yatim piatu ali janda-janda suakng penderitaan reo, ali ngejaga dirine saurangk doho wa cemari koe denia.