ONDRO PERHENTIAN SE WA SEDIAKANT ¹ Koe ne situ, se ola janji gin sinop pe wadah perhentian-Ne kia berlaku, biar ka taapm kinapm takut, kare-kare naant ba rokangk taapm se gagal ngahalukan janji situ. ² Puna bujur, habar maeh ukah wa beritakan ampe taapm, hama lou ukah wa beritakan ampe reo, tapi berita se reo rongoi situ doho menguntungkan reo koe doho wa keraikant ali iman ulunt-ulunt se ngerongoine. ³ Koe taapm persaya, kan sinop pe wadah perhentian situ, hama se wa ontuh-Ne, "Aku ba sumpah suangk amara-Ku; 'reo upal pus sinop pe wadah perhentian-Ke," ⁴ Moko, suangk erai ua nas, Allah ta ala ngontuhkan sementu tentang ondro ke turu, Ba ondro ke se turu, Allah ta ala sindroi tanjak awis se wagawi-Ne," ⁵ Leka ne, hama se ukah wa ontuh Allah ta ala, reo doho kant sinop pe wadah perhentian-Ku. ⁶ Jari, kia naant kemungkinan agin sebagian ulun sinop pe wadah pehentian, ali naant ba sebagian ulun se sebalumne ukah ngerongoi habar maeh, ⁷ tjari, erai kali mao Allah ta ala menetapkan erai ondro tertentu, se wa ontuh 'Ondro ina, se ukah wa ontuhkan nyendalo Daud oro sebalupmne, Pe ondro ina, jari iko ngerongoi naitn-Ne, ai deh wa te mape sengoko hama suangk be jani. ⁸ Moko, ena Yosua ukah ngumi reo wadah perhentian, maka Allah ta ala doho kakant mao sundro tentang seatu ondro lain ba kemudian ondro. ⁹ Jaka demikian, moko kia naant perhentian ba ondro sabat agin umat Allah ta ala. ¹⁰ Agint reo se ukah sinop pe wadah perhentian Allah ta ala, reo lou ukah beristirahat tanjak gawianne, hama se Allah ta ala ngulah anajak gawian-Ne. ¹¹ Koe situ, mari taapm berjuang agint sinop pe wadah perhetian situ, sehingga beloh ukunt pus latu koe nyirik contoh se doho pasti se sama. ¹² Mokone, firman situ wolupm li berkuasa, ali lou taropm beta te andra se naant rueh mato pun. Firman situ menusuk oro ampe kate misahkan jiwa ali roh, ba rokangk sendi ali tulang sumsum, ali lou sanggup ngenilai pikiran ali kenakatn suangk sengo. ¹³ beloh naatn suatu makhulk pun se wa tayu tanjak pengotau-Ne. Sebalikne, segala sesuatu sio belegeu ali doho tetayu tanjak mato-Ne. Ampe Ise ka taapm harus ngumi pertanggungjawaban atas gawis se taapm gawi. Yesus Kristus sio lah Imam OLai taapm. ¹⁴ Koe taapm kia naant imam Olai Agung se ukah mongket pe surga, se sio Yesus, Anak Allah ta ala, ayu ka taapm tarus sengkurut teguh ba kakuan taapm. ¹⁵ Moko ne, taapm doho naant Imam Olai he doho kate wa pahami kelomeatn-kelomeatn taapm, tapi taapm naant Imam Olai se ukah wa cobai suangk segala hal, hama ali taapm, tapi Ise doho berdosa. ¹⁶ Koe situ, ali keyakinan, ayu at taapm awi ngeriet takhta anugerah supaya taapm nerima penuasian ali ngehalu anugerah agint ngawat taapm, pas taapm membutuhkanne.